排隊的藝術
在香港咁多年, 好高興見到由以前的擁上巴士到依家的排隊上巴士
不過排咗咁多年隊, 對排隊的規則還是有點摸不透
1. 隊員的正確距離
條隊有10個人排緊(企定咗), 每人距離約半米
A. 有個人站在第10個人後2米, 我行過去企在第10個人後面, 我算唔算打尖?
B. 有個人站在第10個人後4米, 我行過去企在第10個人後面, 我算唔算打尖?
C. 有個人站在第10個人後8米, 我行過去企在第10個人後面, 我算唔算打尖?
D. 有個人站在第10個人後10米, 我行過去企在第10個人後面, 我算唔算打尖?
E. 有個人站在第10個人後一條街咁遠, 我行過去企在第10個人後面, 我算唔算打尖?
咁排隊要相隔幾遠才是定確?
2. 企前定企後
條隊有10人排緊(企定咗), 每人距離約半米, 有個男人行埋去, 去到第10個人行面約半米後企定(第11人), 我剛到就企佢後面約半米(第12人), 有個女人比我遲到達(第13人), 佢叫我企我後點讓他排在我前面, 我問佢為何要打尖, 佢話佢和我前面的男人是一起的, 是我打佢尖, 我問我前面那個男人, 為何他不去和朋友站在我後面, 要佢朋友站在我前面, 佢當我白癡.
問題: 兩個認識的人先後行埋條隊度, 中間被人隔開咗, 應該前面果個番落後面, 或是後面果個插入前面?
3. 排隊和去緊排隊的分別
A. 在機場CHECK-IN COUNTER 前, 用繩SET咗條 Z 形的 “繩路”, 約有5個彎, 隊員只排到第2個彎, 我由“繩路”最尾行入去, 行到第4個彎時, 有個人由第三個彎捐繩入嚟, 行在我前面, 我問佢為何要打尖, 佢話我都未行到隊尾, 何打尖之有.
B. 我行緊去條隊尾, 尚有一兩步就到企定, 有個人快步由我後面行到我前面, 然後就企在我和條隊尾之間, 我問佢為何要打尖, 佢話我都未行到隊尾, 何打尖之有.
問題: 係唔係對腳要完全停咗才算排到隊?
4. 別話: 排隊係唔係好辛苦?
A. 我去買嘢食, 有人比我先到, 我排在佢後面, 這個人買了很久, 到佢買完還未走開, 有個女人走埋櫃台說要買一杯可樂, 我同佢講: “請排隊” 佢很不耐煩地說: “不是嘛? 要排隊!” 我以為我後面條隊好長, 佢等不了, 到我買完嘢食, 拎轉頭, 見到其實我後面只有哩個女人.
B. 我在銀行櫃台前排隊入錢, 剛排到我, 我還未把錢交給櫃台時, 有個人將一舊錢伸入去櫃台, 我一手將佢舊錢取出來掉在地上, 佢知自己錯, 但還怒啤住我, 我還啤他, 說: 干嗎不排隊.
哩兩個CASES內的都是大陸人. |