本帖最後由 KATY 於 2012-7-12 18:12 編輯
前排有單新聞, 話說有一個清潔工人騙盡年老下屬既畢生積蓄不特止, 再坤埋佢去財仔借錢比自己. 夾夾埋埋成廿萬, 佢一毫子都冇還過, 仲走左佬. 之後老清潔工人的其他同事知道了, 代報警才揭發此事.
當時, 我睇到呢單新聞, 火滾呀!!!
乜得佢咁賤格, 似權謀私, 呃人地思想單純, 欺負老弱傷殘
咁都做得出, 吾係人既所為.
今日睇新聞知道呢個賤人被判囚一年(判得太輕喇), 而且記者仲訪問左佢老竇.
原來佢老竇以前試過為左幫佢填賭債, 賣左辛辛苦苦做地盤搵返黎果層樓, 幫個衰仔還左幾百萬, 之後兩老就一貧如洗. 今次佢老竇作個藉口問個女借錢, 都要幫個衰仔請律師, 希望幫佢打輕d.
唉! 我覺得呢個賤人今日為害社會, 佢父母有絕對責任. 佢老竇借錢都要幫佢請律師, 但點解吾諗下被佢騙盡畢生積蓄既老清潔工人有幾慘. 就算有錢都應該要還返比人先啦, 而吾係請律師再中呢個賤人. 佢父母冇本事教好佢, 就更加應該要佢在獄中好好受下.
就係呢d錯錯錯既溺愛, 養成一個累人累物累街坊既賤人呀~
|