想請教下你地點樣落肥

基本上我係唔識落肥的
我只要覺得d植物需要落肥就好頭痛
好想請教大家, 我問題可能多左d
粗體字係我的問題, 唔該晒大家解答

入到花鋪見到各種唔同的肥料, 都唔知有咩分別, 唔知點用


我覺得d虎尾蘭係時侯要落肥 ( 種左1年多沒有落過肥, 葉有點瘦 )
仲有辣椒又要落肥谷佢生辣椒

我就咁睇d肥料都起碼見到幾種分別l, 頭都大埋:
1) 用途不同 ( 觀葉, 開花, 蘭花, etc )
2) 質地不同 ( 液肥, 粒肥, etc )
3) 有機無機
4) 用法不同 ( 有d液肥要稀釋, 有d又唔駛, 有d係粒肥直情唔知點落 )
5) 幾耐落一次不同
6) 如何稀釋, 佢寫話" 1g可用1公升水稀釋", 但係我可能只係用少少, 唔通一次話定1公升等響屋企?
7) 唔知會唔會臭同惹虫 ( 聽講魚肥係好臭的 )



我買左盒花寶4號諗住開d水淋虎尾蘭, 順便淋下其他非食用植物

但當我問佢種辣椒用邊種肥的時侯, 我以為佢會比另一個"花寶x號"我作為答案
點知佢話: "你種辣椒係食架嘛? 咁要用後面d有機肥啦。"

我見都係粒肥, 我又唔知佢係唔係逐次落(即時見效), 定係落一次已經夠好耐用(慢慢放出養份)
但我又唔知d肥要放泥面定要挖起d泥放入去

點解佢問係因為我試過用過一隻有機魔肥, 按佢指示"放泥面或泥土內均可", 咁我就放左響泥肥
幾個月後發現d粒肥外面比d一絲絲白色物體包住, 應該係發左霉, 結果我就好難相信盒上面的指示
仲有螞蟻進出我盆野tim...

其實你地會點了解一種肥料係點落架....?

如果可以有粉狀的有機肥幾好.....但點解會無d有機肥係粉狀的? 如果有咪可以溝水就咁淋響面冇咁煩.......

6) 可按比例加減, 如果因為份量太少, 我就會用針筒 eg. 0.5g=500ml
7) 唔太明你問咩! 魚肥我未用過. 不過如果係其他有機肥係要挖起d泥放入去, 如果厚度足夠, 應該不會好臭.

試多兩次就知什用. 其他可多睇說明(通常都有). 或者上來睇下舊本都好有用.
我個人見解, 除了水劑, 其他最用都泥包住.

魚肥我估是指白色膠樽，入面是啡色液體嗰種？的確係有d腥味。因為要開水嘅，怕臭可以開稀d，落番密d。不過樽肥就要小心唔好倒瀉，唔係就有排搞。

RCC 發表於 2012-5-2 00:56
6) 可按比例加減, 如果因為份量太少, 我就會用針筒 eg. 0.5g=500ml
7) 唔太明你問咩! 魚肥我未用過. 不過如 ...

0.5g唔等於500ml ， 一個盒裝飲品有250ml ，500ml即係兩盒。0.5g差不多是兩隻手指執起咁少少。

如果可以有粉狀的有機肥幾好.....但點解會無d有機肥係粉狀的? 如果有咪可以溝水就咁淋響面冇咁煩.......

市面上有隻雞糞肥係粉狀(唔臭嘅)但都唔你開水，一樣係埋入泥