吹水人之天性?

今朝搭shuttle bus番公司, 架車唔係好多, 3x個左右
我坐底左之後有一男一女坐我後面
全程係咁講野, talking talking talking
大佬我想訓陣教lor
好似講少陣會死咁

人地一男一女, 而相溝通, 男溝女, 女溝男, 都算有出發點吖, 而且兩個人一起坐車, 一係就一齊瞓, 一係就一齊岸居居, 一係就一齊講嘢啦

最無聊就係上車就講電話, 重要大大聲, 要全車人聽到佢溝女, 再唔係就UP埋D超無聊....."你估我依家去到邊吖嗱?...唔係....再估....吖吖吖, 我見到架巴士埋站, 有人上車喎, 你估幾多個人吖?....."  個D先頂引.

我話最好電話費每分鐘五毫子, 睇你班友重講唔講咁多廢話

番到公司大把時間佢講
可以由9點講到6點
睇佢present, 講丫

巴士果d又pk, 又係講少陣會死, 大聲講到成車人都知你講乜

回到公司沒時間吹水啦﹗
又或者有些話題不能在公司講，例如講老板或同事的不是....

如果巴士同港鐵都可以開個靜音位置, 等想靜既人可以擠進去, 仲要貼埋提示, 咁咪明正言順可以 "shi" 人囉

Karine 發表於 2011-11-11 10:38
如果巴士同港鐵都可以開個靜音位置, 等想靜既人可以擠進去, 仲要貼埋提示, 咁咪明正言順可以 "shi" 人囉
...

而家火車個靜音車廂係電視冇聲咁解jor噃, D人咪又係照樣大大聲講嘢!

比得大帝 發表於 2011-11-11 10:40
而家火車個靜音車廂係電視冇聲咁解jor噃, D人咪又係照樣大大聲講嘢!

所以咪話要個真正既靜音位置囉, 要貼埋告示做埋宣傳, 等 d 人知道入唻都要靜, 想講電話, 高談闊論既去第二卡或下層
例如 : 巴士上層靜, 下層自由 (不過繁忙時間好難做到), 港鐵除了關電視音外, 仲要貼標示不可高聲喧嘩(一樣, 繁忙時間唔使唸)

嗱 ~ 則係好似日本咁, 地鐵都有個深夜時份專為女性而設而入既車卡咁, 我覺得好好噃, 主權明顯嘛, 一有男人入去, 個個 "bear" 住佢, 佢都無癮啦

Karine 發表於 2011-11-11 10:56
所以咪話要個真正既靜音位置囉, 要貼埋告示做埋宣傳, 等 d 人知道入唻都要靜, 想講電話, 高談闊論既去第 ...

其實公民教育好重要, 香港(加理大陸)都好缺乏嘢樣嘢

我都好需要靜音車箱, 以前上班下班在車箱, 聽到人大大聲講電話或打機的嘈雜聲, 甚至有人睇電視, 我有時會火起好想打人, 通常會怒目而視, 用禮貌但嚴厲的聲線叫人收聲, 但通常只有少部份人肯收聲.

現在... 唉~ 算喇, 自己會拿headphone 出來塞住耳仔當聽唔到囉~  

比得大帝 發表於 2011-11-11 11:00
其實公民教育好重要, 香港(加理大陸)都好缺乏嘢樣嘢

其實我為香港人同大陸人文化差異呢個問題, 想寫論文咁長既一篇文章去表達我既感受同不滿 ~ 唉 ~ 生活在這個年代好氣人

我相信你都時不時上大陸, 唔知你有冇留意一個現象

早幾年, 在大陸時候過關前, 是香港人又好, 大陸人又好, 個個爭崩頭爭位, 但一過到香港, 香港人又好守規矩排隊隊喎
文化不同中

前香港買野唔興賴死講價, 但我發覺而家無論响邊, 好多人都開始咁做 ~

我們被同化中 ~ 或者無奈地適應中 ~

唉 ~ no eye see

gunbuster363 發表於 2011-11-11 09:52
番到公司大把時間佢講
可以由9點講到6點
睇佢present, 講丫

人地可能唔係同一間公司做野

人同人當面講o野都好o的,可能有人天生大聲.....
但最衰就係玩緊電子產品仲要開到大一大聲,又唔用headphone果o的pk~

oneonewe 發表於 2011-11-11 11:50
人地可能唔係同一間公司做野

公司車來的呀

Karine 發表於 2011-11-11 10:56
所以咪話要個真正既靜音位置囉, 要貼埋告示做埋宣傳, 等 d 人知道入唻都要靜, 想講電話, 高談闊論既去第 ...

分開靜唔靜, 冇用咖, 香港人最鐘意博蒙, 你見地鐵的[Priority Seat], D人又唔係照搶住坐.

你試吓想像有一日香港設女仕車廂, 你睇吓幾麻甩佬照衝入去吖嗱, 更可以想像到, 如果被人問到, 佢會點答:

1: 吓, 係咩, 有分嘅咩, 唔入都入咗, 算啦
2. 嘩, 女人大哂呀?  女人俾多d錢坐車呀? 點解冇男仕專用車廂呀?
3. 又有位, 點解唔俾人坐呀?
4. 你估我好想過嚟呀?  貪你香呀?  其他車廂冇位, 咁點呀?  唔坐車呀?

算啦,  禮義之邦喎, 自己話.

比得大帝 發表於 2011-11-11 11:00
其實公民教育好重要, 香港(加理大陸)都好缺乏嘢樣嘢

我都認同係治本比用措施強制性人去跟從好，但根本既問題好礙事，無咁既質素既老師，唔可能教到出類拔萃既學生，有機會有人能修成正果，但大部分人係跟從附和，社會方向同模式係點樣樣，大部份人都係咁架，响咁既前題下，仍然係要用措施管制，慢慢教育。

呵呵~死都要撐

比得大帝 發表於 2011-11-11 17:36
分開靜唔靜, 冇用咖, 香港人最鐘意博蒙, 你見地鐵的, D人又唔係照搶住坐.

你試吓想像有一日香港設女仕車 ...

又被你唸到~

你好似模擬緊入女性車廂時有咩對策咁~哈哈~純粹講笑。

但我認同响香港呢類措施唔會揍效，但吹下水，想像下可以點解決纏擾住既生活煩惱事，總比白白忍受好嘛

Karine 發表於 2011-11-11 10:56
所以咪話要個真正既靜音位置囉, 要貼埋告示做埋宣傳, 等 d 人知道入唻都要靜, 想講電話, 高談闊論既去第 ...

Sorry, 你話貼標示叫人唔好做乜做乜, 冇用架!  如: 不准飲食, 唔好將隻腳踏到對面座位, 搭地鐵响月台上夠有標示排隊站兩旁, d人咪又咋傻企住人哋個出口位 ..... 太多啦! 人種問題, 俾你貼晒成個車廂都冇用  

日本人d質素實在教育得好, 識得尊重他人.

金盞花 發表於 2011-11-12 00:16
Sorry, 你話貼標示叫人唔好做乜做乜, 冇用架!  如: 不准飲食, 唔好將隻腳踏到對面座位, 搭地鐵响月台上夠 ...

係~自私同不尊重別人是最大問題。
由我們這一代開始去實踐同改善，下一代既同胞應該可以改進同受惠既。
回想上一代極重男輕女，相信過四五十歲既女性或多或少會有感受，而今時今日，人們思想大多男女平等了。
展望下一代好，我們會肯付出和忍受。

希望明天會更好啦