好開心可以同你地分享呀
我有一個小小天台比我種嘢但唔係好大, 不過好迫呀, 所以要好好規劃下,
因為近排見到大家種菜我好想種呀!
雞蛋花我係買樹苗, 我有三棵, 都喺花墟買, 第一棵買時見市面上剛剛有就即刻買, 佢係一枝五呎高嘅折枝, 個外型唔靚得一球花, 花瓣尖啲, 但係係最清香!
另外兩盤係一對嘅, 每盤都係幾十蚊, 大概兩三呎高, 主幹上有三支丫叉狀, 好迷你, 所以又即刻買咗, 花瓣圓啲, CUTE啲.
所以我夏天好多落花可以收集放喺廳, 好香! 而家就嚟冇哂花開, 仲開始落葉!
佢地真係好快大, 一個夏天高左差唔多成呎.
我覺得唔難種, 比水同日照就得, 好粗生呢, 但室內我就未試過啊~
荔枝好多蟲呀, 收成時啲蟲仔喺個殼度轉出嚟都幾驚, 不過下年會醒啲, 因為爬文後知道要昱袋防蟲呢!
剛修剪完的荔枝樹仔(都唔夠五呎高)
玫瑰我都係bun bun買, 仲有啲迷你玫瑰, 室內種唔到搬出室外, 我遲少少再post相吖
|