本帖最後由 cklife 於 2011-1-7 17:16 編輯
去完番黎喇...去之前睇過地圖....不過去到又唔記得左...
路上就聽到人地講喇...咁就跟住人地行囉....好多人向同一個方向進發...跟大隊攪惦....
我去時算係早,都OK喇...唔算太多人,但走時就睇到好多人入緊去,我諗依家應該都好迫下。
諗住就咁去八下,無拉車仔,但都忍唔住買左D野。
沙律苗10蚊一盆...生得靚仔忍唔住買左每樣一盆...唔知點解無牛生既呢?
薯仔葉食得既咩?食得好好食架..好食過蕃薯苗添.....就咁我又買番黎試喇....20蚊一斤
我最愛既甜茴香,點忍得手呀~~~依度兩棵,36蚊....係路上一直吸引好多人目光,地鐵車箱內好多人對佢眼甘甘...仲有人開聲問添....
咸蘿蔔,係一檔叫客家佬既檔口買,伯伯話....矛要放雪櫃....茂水整到佢就得囉.....
試食有少少苦、DD辣,之後就覺得好鬼餓喇....送粥應該幾好....伯伯話放三日就好好食喇。
入左兩個樽,一樽送比朋友,一樽自己慢慢吃。
生蘿蔔生津止渴、理氣寛中、清熱解毒。白蘿白中含有活性很強的干擾素誘生劑,只有生吃才能刺激消化道產生干擾素,減少消化道癌變的機會。
資料來源︰中國養生網
嘉美沙薑雞70蚊半隻。
=============
好多野睇呀......海味區人好多...我唔識睇海味所以無行。
試食酸木瓜好爽口,想買架...但玻璃樽裝,無拉車仔...太重喇...放棄....
有D檔口無行埋去,因為買左菜苗怕迫爛....支茴香又鬼死咁長,好似掃把咁。
我諗聽朝早D去會無咁多人。 |