兩日冇見大B，叫佢又唔過嚟，都唔知佢去咗邉！大B成日通村走，一路都好擔心佢比車撞到，佢太細隻，我住果條村D車要倒後出，終於佢真係比人車到！今朝見到賓仔，即刻問佢大B去咗邉，佢話大B比車撞到！我立即去睇佢，佢見到我好開心，擺哂尾，但係行唔到。我摸過哂佢兩隻後腳，我諗佢太乖喇，明明痛都唔出聲。我同賓仔講佢一定要睇醫生，賓仔冇出聲，我都明白，佢邉有錢同佢去睇醫生吖。下午我帶咗大B去睇醫生，醫生都話佢乖，知佢痛但佢都冇出過一聲。照咗X光，好好彩佢冇骨折，但係最尾果節尾龍骨睇唔清楚。醫生開咗D止痛葯同消炎葯比佢，希望佢會好D啦。最慘係醫生話一定要困籠，唔可以比佢周圍走。啱啱賓仔接咗佢番工企喇！

 

大B去到診所都好精靈架！

醫生點摸都冇投訴！