日誌

金寶唔見左呀 ! - 超嬲奶奶同佢 3 個不知所謂既麻雀腳 ! ( SORRY 內容火爆 )

已有 1188 次閱讀2009-7-1 05:30 |個人分類:pet|

首先我要同大家講金寶可能已經係漁農處 - 明天先可以知係唔係金寶 , 因為去到漁農處都半夜點幾 , 佢唔比我地去睇金寶 !

事發係咁既 --- 今晚我老公可以返黎同我地一齊食晚 , 就係 8 : 15 PM 我老公返到黎 , 我地正準備開飯 ..... 8: 45 PM 接到奶奶電話話金寶唔見左 !!!!!! 妖 ! 唔係呀 ! 我奶奶又唔見狗 ? 心中百萬個擔心 , 會唔會車死佢 ? 會唔會比人捉左 ? 放低晒所有野 , D 餸熄晒火 , 頭都唔梳 , 衫都唔換 , 狗都未帶狗帶 ..... 只係 LAW 條車匙就 1 家 5 口同 3 隻狗 , 立即出發 - 向深水埗搵狗 ........

一出到鋪頭 - 明明鎖晒門隻狗點走架 ?

仆街 - 入面 4 個唔知係唔係人係度打麻雀 - 閂銀晒閘 , 隻狗返黎都無門口入啦 ! 仆街用吓腦啦 !!!!!!

放低左 2 個小朋友同 3 隻狗我地就分頭去搵 , 個心都已經荒晒 , 我地 3 個人就每條街包抄黎搵 .......VIVI 媽立即幫我上網出 POST , 邊到都出 - 真係好勁 ! 勁過人地廣告公司 ! PAULINE 同 BUBI 爸爸媽媽就駕左車黎 , 一齊咁熱又餓咁一路行一路叫 : [ 金寶 - 金寶 ........]

呢區已經搵晒 , 我返公司接番 D 仔仔女女 , 見到個 4 個一D 歉意都無既人仲係度打緊 #^@%&$%&$&$&^$&$^& 嬲到爆呀 ! 仆街杏加橙 - 我除左 PAULINE 係識既 , 其他人我都唔識既 , 大家都好努力咁去搵金寶 , 妳地幾個整唔見左金寶仲係度打麻雀 - 唔銀係呀 ! 面皮有幾厚呀 ! 叫妳地走呀 ! 仲唔走 ! 搬上樓上再打 ! $%#$^#%^#%& - 我地搵到 11 : 30 PM 再返公司 , 班不銀知所謂仲係度打緊麻雀 , 真係咩火都黎啦 ! 我想打電話報警告佢地偷狗 , 不過我老公叫我唔好咁 , 咁佢打電話上去叫佢亞媽唔好打啦 ! 但係我地等左好耐 ....... 上去睇 ...........真係要爆多一次粗 !!!!! 仲打緊 ! 仆街 - 有無人性架 ! 唔見左係有生命架 ! 妳去人地度妳踢左個波出街 , 都要執番比人啦 ! 呢 D 係做人最最最最最基本既 ! 佢地仲眼超超話 : [ 我點知佢點走呀 ! 走左啦咁點呀 ! 幾錢呀 ? 同比妳啦 ! ] 妳老味 ! 妳賠得起呀 !? 痴銀線 , 打打打 - 妳地無屋企人架 ? 人在做天在看呀 ! 咁銀黑心既 ! 我火起啦 ! 一手撿起條雞毛掃就一路行一路 "FE" 咁上樓上 , 一路問佢地走唔走 !!!! HHHAHAHAH ~ 佢地呢班唔知係唔係人 - 仲全晒係度 ! $%!#$%!#^#%&$%&$ 我唔理咁多 , 條雞毛掃係咁 " FE" 係咁 "FE" 我都唔理得咁多 !!!!!! 超嬲 !