天台實驗場 ~07092015

第一個野仔出現之後, 陸續有其他紫白小花開出來. 撥開看看, 原來盆裡有 3 株小香堇 (一直以為只有2株), 其二開黃白花, 其一開紫白, 也有紫白黃三色的 ...


雖然野仔之謎已經解開, 之但係... 都係看看去年春天的照片吧:

這就是小香堇的媽媽, 母株白花+黃心+淡灰藍小唇, 好素雅啊 ... 今季走哂樣 ...
去年的三色堇開幾種花款, 也許雜交了, 攪不清楚...


今年的三色堇也開花了, 明明播的藍色 ...errrrrr... 唔知喇唔知喇 ...


孖茄收成 ~ 左 pat & 右 pat ...





20.65 OZ !!!!! 新紀錄呀 ~ ~
呢個品種, 白粉虱前結既茄茄已經食哂, 還好現在又開了很多花...


黃芽白大到丫 ... 未種過咁大棵既菜, 失哂儀 tim ...




收左沙律菜, 俾 little gem 上盆...


呢兩盆唔捨得收, 留來養眼 ...


呢個壽頭, 睇返佢晌 11月20日第一次出鏡, 到現在差不多兩個月先肯變色 ...


種蔥好丫, 一粒蔥頭掘出來咁多, 街市既 3-4份左右 ~


白菜都收成了~




tt28  花同菜都好靚,靚到吾捨得食. 
<<< 交換個場啦, 我唔夠食呀 ...
happyjoyjoy  嘩嘩嘩！咁大隻番茄落乜肥？
<<< 種既問題啫 ... yellow pear 一樣咁施肥, d茄咪又係得手指公咁大
tomtomtom  黃芽白好正
<<< 謝謝 tom ^^ 今季你有種黃芽白嗎 ?
kkhope <<< 話養眼啫, 我會偷d食既, 老左咪當花種囉, 最緊要唔等盆用 日日食自家菜, 我都想呀, 豆腐膶咁大地方咋, 有玩有食好滿足喇 ~ 不如你試下用一個盆種起一棵娃娃黃芽白啦, 睇住佢包心好開心架 !!
hugopoodle  <<< 我 d 花菜全部係"初級組", 無乜難度的, 易種d 開心d 嘛 ~

Little Gem




椰菜




菠菜


西洋菜


黃芽白早前已經有蟲, 唔想打藥, 變成越來越多...

洞洞都唔緊要勒, 仲開始有d 黑點 ... 都係收左最大果棵先 ...





仲有兩棵夠食幾餐喇 ~

準備晚飯喇 ~

好開心呀 ~ 應該係種菜以來最大既成品



kkhope << 我都唔知咩蟲, 係新訪客, 繁殖得好快 黃芽白生得好快啊, 唔洗擔心 ~  little gem 包心之後, 得閒捏下佢個心, 泡既再等等, 有d實淨既感覺就收得喇
hugopoodle  << check 返係 11月8日下種的 .
   

收左黃椒 ~

人生既第一隻黃椒, 要影多張留念呀 ~


天氣暖左, 椒椒都大得快左 ...




淨係黃椒長得最好咋, 紫椒收過兩隻之後就病左, 個幾月後先有第 3 隻出來...


橙椒仲衰, 幾乎係乳酪水浸大的, 有花之後戒奶, 開花又病過, 到現在膝下猶虛 ...


Oregon Spring


Cherokee Purple 第二 round



打左頂都生到 2m 咁高 ...


Yellow Pear 又係, 要伸長手先掂到頂 ...






kkhope <<< 之前 total loss 既 San Marzano 終於再結茄喇, 希望今次順順利利啦 ~ 今年既甜椒都令我好頭痛, 就算黃椒晌苗期都係病奄奄的, 現在雖然有椒, 植株唔算好健康 ....

我的種子盆栽

唔親手種過都唔知, 扁柏 bb 長這樣子, 邊忽似扁柏呢 ????




牛油果


蒲葵


合歡




富有柿成長篇






柚子成長篇








好可愛呢 ~ 難怪都說柚子係入門必種啊 ~




tt28 << 謝謝欣賞 ~
kkhope << 真係好有趣呢 ~ 我諗如果將來咩原因我唔再種菜, 都可以種呢d種子盆栽過日晨, 唔怕手痕呀
神仙鱼 << 西洋菜晌 2011年冬天插枝的, 開頭長得好慢, 果年都冇乜得食 ... 12年夏末自己再走出來, 今次快好多, 而且越摘越多... 晴天早晚澆水, 收完一次落d雞屎肥, 平時會用下薄洗米水, 我係識咁樣咋   黃芽白遇到咩問題呢 ? 唔好講請教 ,我都係第一次種咋   我只係平常咁種 ... 昨日經過鄰居婆婆佢問我要唔要扎住佢, 我自己冇扎的, 佢地識自己包心, 又可能我個盆比較迫 ...

神仙鱼 << 西洋菜就晌街市買一扎, 又食又種 ... 上星期又落左新一輪菠菜種子喇, 今次浸水兩日, 結果都係出唔到30%, 下次我又試下放雪櫃先, 多謝提點 ~ 手上既菠菜種子應該都夠今季用喇, 多謝你

呢兩個都食得喇 ~


又黎一隻大怪獸 ...

包喇包喇 ~




鼠尾草係我最喜歡既一款香草, 可惜多年來從未成功越夏...
去年春天第一次自己播種, 安然渡夏仲種到開花, 開心c 囉 ~


甜椒一直病 ... 其中一棵特別肉酸, 卒之忍唔住攔腰剪哂佢 ...




未轉色就變哂孤兒仔 ...


天氣暖, 飛飛都多左, 掛起兩日就咁好收穫 ...


鬱金香


風信子



由發芽到開花用左兩個幾月, 一直埋怨佢長得慢, 現在明白是一心來為我賀年的, 感恩 ~


kkhope <<< 遮住左一定冇咁好啦, 會唔會考慮又疏左佢黎食呢  ...
                     大怪獸係椰菜, 好彩種得一棵, 多幾棵天台行都冇位行喇
                     風信子種得唔好呀, 攪左兩個幾月最終都係少少夾箭, 就係夠應節囉
joyjoy <<< 好岩聽呀 ~ 我都祝你種乜有乜, 菜靚人更靚 ~
KATY  <<< 恭喜恭喜 ~ 祝你身壯力健, 事事順利 ~ 大財大財, 真係好呀

一次過睇哂你個 post，遲些我都想學下種菜，希望我都可以種得好似你咁好 ^  ^

鄰居婆婆送的蘆薈苗, 已經長大很多, 仲生左 bb 喇
去年9月中...

今早搣左一塊葉來用, 也可以俾 bb 曬多d太陽...



順便影埋後面包緊既椰菜, 都包得幾慢喎 ...

隆冬時偷懶冇清理既豆豆, 天氣暖左又開花結豆了, 但就好疏落下, 現在拿拿聲惡補趕唔趕得切呢??  


椒, 還是那些椒; 茄, 還是那些茄 ...










快靚正 ~ 基本上冇乜施過肥, 一個月左右又食得喇...


人人話薄荷易種, 天台種左幾年, 好樣d 的日子數埋得幾個月,
谷鬼氣大屋搬細屋, 反而生性左...


等左 5 個月, 終於唔洗食白果, yeah ~



happyjoyjoy <<< 都係落雞屎肥 & 鉀, 淋下海藻水、薄洗米水咋 ... 另外我會修枝修葉, 控制花既數量. 我諗法係, 我地天台用盆種既, 開一萬朵花都冇用, 養唔到咁多b的, 集中養大一部分最實際. 士多俾大肥大水試下啦, 再唔得又天熱喇, 我之前都好心急呀 ~
kkhope  <<< 我都好明白等待第一茄既心情係點   yp 上面係 os, 又話自己快蕃茄, 一 d都唔快呀   

收左大隻既櫻桃蘿蔔, 細d既諗住種多幾日... 煮飯時老公話咁少好難煮, 結果要摸黑收埋d 細既
豆豆真係要放雪櫃先, 儲多兩日先夠一餐

Cherokee Purple 第2 round 都開始紅喇, 但細隻左好多...


睇花花 ~








種左5個月的紫羅蘭, 終於有花蕾, 明明係雜色, 點解出來的全部黃色 !!??




過左幾日, 原來內有玄機 ...


另一棵風信子,中途點過穴又發過霉, 終於初二開花.  過年一直忙唔得閒影相, 現在已近尾聲 ...


近日至愛 ...







jooyjoy, kkhope << 謝謝賞花 ~

試下獨立種一棵既黃芽白兩個月大了, 再唔包就食左佢 ...


椰菜過左 3個月, 唔夠大都要收喇 ~ tom3 講得岩, 天台仔真係唔抵種呀


oregon spring


紫椒開始進入狀態 ... 呢隻椒最好係早轉色, 一路轉色一路大, 唔洗等餐飽 ...


給母親的貢品 ~




自己的 ...



三月天, 花的季節...










年年都種的矮牛, 雖然係好普通既貨式, 但唔出錯的話可以一直開花到 9 月, 超抵種呀 ~


最近忙咩 ??? 又開多瓣囉 ....



灑左金粉一樣的姬秋麗, 真係攞命 ... 唔怪得咁多人玩肉玩到傻哂 ...


kkhope << 恭喜你, 好快有 yp 食喇 ~   
                  真係唔多夠時間喎 ... 有幾隻菜盆丟空左大半個月唔得閒理, 剛剛週日先塞返 d 生菜苗落去咋 ...
empire << 我之前係"肉殺手", 家樂花都種得死, 希望今次襟玩 d 啦 ...

因為用表情符號所以要用 ie,  真係慢到嘔茄喎, d 相開到訓着都未開哂 ....

比起來 google chrome 快到甩哂轆, 哈哈哈 ~

tt28 << 謝謝 ^^
empire << 我一直都用 chrome, 係想用洋蔥頭先轉 ie, 原來差咁遠的, 你又試下係唔係咁情況 ??

之前收剩幾隻細既, 冇左回事, 記返起已經46日大, 原來可以咁大隻的...


好喜歡呢個質感 ...


士多終於修成正果






狂野的番茜 ...


種左10 棵紫羅蘭,4棵單瓣, 但6棵重瓣裡有5種顏色, 好幸運啊
粉紫與紅

白和米黃

peach

粉紅

全家福


update 下我 d 種子盆栽 ... 成碟上喇 ~



kkhope << 甜呀, 仲啖啖肉, 我媽指定有就要攞d俾佢 XDD d 紫羅蘭曾經想過放棄架, 所以而家睇住佢地好感動 ...
joyjoy << 我諗住開始種瓜, 都係d 大路野啦, 近來沉迷玩肉 d 菜菜種得好求其咋

椰菜個頂唔唔知咩事紫紫地, 收左佢啦, 細細粒 1 磅多 d ...


實驗性質用花盆種黃芽白: size 同之前差不多, 一樣自動包心, 但長得比較慢, 可能同天氣都有關係.


oregon spring 眨下眼已經摘左一半, 大部分送人... 老公同我阿娘投訴一星期要食 4 晚蕃茄


round 1 total loss 既 San Marzano 都有收成喇.



被昆的椒 !!! 又話白椒, 出來係橙的 ... 不過橙都好過黃, 因為原本種落的橙椒長期病患, 仲未有收成...


橙椒、蕃茄、唔紅的紫紅生菜, 做沙律吃了...


仲有紫椒 ... 老公個樣即刻 ... 冇計, 去年兩棵甜而不辣食到佢好大陰影 ...



今朝既收成:




kkhope << 紅蜘蛛唔算難對付, 放假攪攪啦, 不過你看來比之前忙左好多咁 ...

kkhope <<  紅蜘蛛唔難架, 我求其用茶籽粉浸水, 成棵底面噴濕哂, 噴剩既灌埋落盆 ... 如果幾日後未清哂就再做一次, 攪掂 ~
                   我幾棵蕃茄吹到冧哂呀~ 果兩晚天台好似十號波咁, 痴線架 !!! 捱埋最後堆茄茄熟哂就剷哂佢地, 好眼冤 ....

ylee << 謝謝欣賞 ~ ^^

好好味呀！好想食呀！

又到種瓜既時節喇 ~

試種 buttercup, 超市南瓜自留種.


雷公鑿苦瓜, 同去年一樣, 一堆種子只出到一棵


已定植10天青瓜, 好似冇長大過...


另一棵未定植青瓜, 後面係白茄子苗苗.


另外兩棵白茄子, 淋雨淋到半生不死


菜菜更加不看也罷, 施唔到肥又奀又瘦, 淋到東歪西倒 ... 不如睇花花啦.
10月到家的朱頂蘭, 二次開花


一些肉照, 我的多肉孩子們
















呢盆新玉綴, 搵左兩個月終於搵到, 雖然下部既葉子有明顯水漬, 無損我對佢既鍾愛


最後送上古怪茄一粒




joyjoy << 我d蕃茄同你一樣有白粉呀   ... 尋日趁好天殺剩一棵yellow pear, 而家成堆青蕃茄唔知漚唔得紅呢?

kkhope << 返娘家記住玩得開心d  6月返來仲趕得切種返轉瓜, 我等埋你呀  我天台都好慘淡, 蕃茄得返一棵 yp, 以為     頂得住, 原來都中埋白粉, 呢兩日要剷埋佢. 今朝又發現幾盆花都中左, 真係大傷呀

KATY<<  我都有留葫蘆形南瓜既種子, 但要排下隊先啦

天台大換季已經一個多月, 看看進度吧.

一個星期前影既苦瓜, 呢幾日長得更加兇殘, 可惜只得4 粒花囡   外子話剪左佢再長過, 呢個建議絕對可以考慮下...

隔離種兩棵絲瓜 ... 因為苦瓜只出一棵, 預留的位置都改種了絲瓜, 共 5 棵

青瓜真係無敵架, 就算之前淋雨淋到殘哂, 一樣準時個幾月就有得食 ...  今次呢款係白青瓜, 但睇落都唔算好白啊 ~

仲有細佬妹跟住尾


白茄子曬左幾日唔同哂, 似模似樣喇 ~


最驚喜係紫椒, 熟透了原來變紅色的 ~ 現在我家有紅、紫、黃、橙四色甜椒啊呀 ....




被鳥吃了...


長型是黃椒, 橙椒比較方正. 晚上廚房白燈下來顏色分不清楚...


一般都炒肉吃了. 是夜我家主廚心情好, 釀椒釀椒 ...


鳳梨薄荷很好養, 住我家六七年了.  上星期被夜盜蟲光顧, 禿了一大片, 轉眼已不着痕跡 ...


雨水太多, 士多啤梨有病了的有霉了的, 現在只剩下兩棵... 果子很小, 畢竟一個月沒有施肥 ...


一些花花 ~






tt28, malike << 謝謝鼓勵 ~
joyjoy << 其實甜椒好好種呀, 起碼唔使人工授粉; 不過今年甜椒唔算健康, 成日要醫病
                 白青瓜既皮比較韌, 我覺得之前綠色好食d, 又可能我種得唔好啦 ...

究竟要幾多個帖先會跳到下一頁 ... ????

有咩辦法快d到下一頁架, 係咪要貼少 d 相 ?????

又要避雨又要曬太陽, 搬出搬入一輪終於收多 9 粒士多啤梨 .
食埋呢 4 粒拿拿聲殺左兩棵士多, 要咁樣服侍既農作物唔係我杯茶喔 ....



白茄子終於長大了, 有花喇 ~



瓜類中絲瓜長得最好, 種發泡膠箱裡的已經交出成績 ...





南瓜有d 棘手, 好多囡出來不久就黃掉....



只有三兩隻暫時正常 ...



苦瓜長成一大片, 但只結 3 個果, 其中一個看來還授粉不良.
收割時快手得滯, 唔記得影下佢掛晌滕上的樣子 ...



收完忍唔住大大修剪了, 不事生產的壞份子必須好好教訓一下


joyjoy << 今年甜椒既"門茄" 全部打唔成果( 應該植株唔夠健康), 希望白茄子會好d啦 ~
                 士多我叫做玩過算喇, 好似好煩心咁啊

大件事, 原來我攪唔掂個"提醒"分唇 !!!!
剛剛佢話 joyjoy 和一個咩忽略既通知, 但我只睇到 joyjoy 既留言, 睇唔到第二個係乜/ 晌邊. 於是我去返前幾頁睇睇, 原來有幾位師兄師姐既留言我竟然一直都冇睇到...

我衷心想講, 我係好喜歡跟大家交流的. 如果因為之前睇唔到閣下既留言而冇回覆, 請勿見怪, 感謝各位既支持同鼓勵 ~

菜價貴嗎?  何不食絲瓜....


成日俾人投訴, 每樣一隻半隻唔知點煮先好 ....


還是絲瓜, 剛摘下來的...  右邊是南瓜


那邊廂還有一隻南瓜 ... 小蠻腰多美妙, 只是才授粉一星期, 有排等 ....


13年第一隻白茄出世喇 ~


授粉幾天的甜瓜, 才乒乓球大小 ...


共兩個小甜瓜, 齊齊躲在絲瓜棚下...


絲瓜真的很好種, 不用很多照料. 不像茄子要常常修剪(個人情況), 也不像青瓜要追住施肥.
收成也快, 我沒有刻意去數日子, 感覺授粉後六七天就可以收吧...


不過, 今年的天氣 ... 以 5 棵來說, 目前的收成該算是失收了, 且看看往後如何....




joyjoy << 南瓜係 butternut, 超市瓜食完留籽的 ~
                 甜瓜似密瓜, 母瓜由外子既大陸同事相贈, 自家種, 超美味, 所以自己又留籽種下囉
tom3 << 謝謝賞瓜