本帖最後由 jellyfishy 於 2017-5-31 14:03 編輯
天然方法護髮有2個層面:
(1) 食多D 好既蛋白質和消化能力好D, 頭髮質地會好轉的;
(2) 頭髮本身的護理.
染髮係好傷頭髮和容易甩髮, 如果個人本身腎肝頗弱, 更加容易令頭髮乾和甩. 所以真係取捨. 指甲花粉方面, 可能做一兩次未有經驗, 需要的時間要四小時至少.
另外, 記得你好似有熱製型乳化蠟, 其實都可以做個6%底油的lotion 搽髮尾.
或用aloe vera gel + 2% eo (rosemary, cedarwood, lavender, etc.) + 10% lavender hydrosol (pH6-6.5 左右, 弱酸, 天然地軟化頭髮) + 少量 (1%) Argan oil / jojoba oil 俾番d e油份頭髮. 用前搖勻.
訓練減少洗頭次數. 我以前日日洗頭, 勁唔慣隔日洗, 洗少一日都覺得個頭好污嘈. 呢半年為了身體健康和頭髮健康, 我由隔日洗, 訓練到現在可以隔2日或有時隔3-4日洗頭, 頭髮都唔會出頭油或屑, 亦無笠感, 頭髮甩少左, 頭髮無左開叉和乾燥感.
呢個原理是: 頭皮日日洗, 細胞慣性無油, 就會慣性出油, 所以起初攺隔日洗頭時, 感覺會多左頭油, 但忍過一兩個星期, 頭皮適應了, 好快就會覺得頭髮軟左又清爽, 頭皮唔笠.
我依家有時健身回家見汗水乾了又無味, 都唔會洗頭, 第二天頭髮一樣神清氣爽.
BTW, 我對護理的人生觀是盡量以健康, 天然和簡單為主, 所以用乜鬼化學乜乜物物, 我不在行喇~ |