用樹皮種蝴蝶蘭(千字文慎入)

啱啱換開盆， 想同大家分享一下我自己的種法。希望幫到初種蝴蝶蘭的朋友，也歡迎大家隨便指點，等我也可以進步。這不是教學

樹皮有咩好處呢？我覺得樹皮因為比較快乾，所以比較容易控水，少啲機會爛根，但壞處就係生得慢D，同要淋水密啲比較麻煩。高手用水苔可以種得非常好，但新手如未掌握到點淋水就有機會種到爛根。 但無論如何，植料只是工具，還是主要看人手如何管理。


樹皮買返嚟不能即刻用， 要浸透先能用。 未浸透的樹皮唔吸水的。

未浸之前係呢個顏色



浸完之後，飲飽水係呢個色。 以後可以以顏色分辨乾濕，來判斷什麼時候淋水。


剛剛浸完水的時候有點太濕，我會再等上半日先用。


我選擇用分分的紅陶盆， 先揀啲大粒啲嘅樹皮放盆底。


然後把已經清理好、晾過夜的植株放入去。 慢慢加樹皮， 並拍打盆邊， 盡量填滿所有窿窿。



慢慢做，也可以將細的樹皮攝在根與根中間，盡量填滿， 填滿之後應該好穩陣，唔會搖來搖去。

葉底下，我會攝啲珍珠棉。 一方面固定植株，另一方面避免盆邊壓爛啲葉。


完成

自己習慣陰養一星期，也暫時不淋水，一星期後正常管理。

邊有一千字呀，咪呃稿費喎

B17 發表於 2019-5-3 21:47
邊有一千字呀，咪呃稿費喎

搵食艱難呀

多謝大大的圖文並茂分享，等我即刻加番啲珍珠棉先

請問樓主換新植料的話會幾耐換一次?

樹皮我有試用來種毬蘭(有混埋其他植料), 蝴蝶蘭暫時都係用緊水苔因為慣左。

川流不息 發表於 2019-5-3 23:28
請問樓主換新植料的話會幾耐換一次?

樹皮我有試用來種毬蘭(有混埋其他植料), 蝴蝶蘭暫時都係用緊水苔因為 ...

我是大概三年前開始用樹皮， 到目前為止還是好好的，暫時感覺還不需要換。 所以到底可以捱到幾耐我，還未清楚，可能要其他大大代答。

謝謝分享

一張相勝過千言萬語，like你！
不過要小心蟻蟻，我見過有蟻在樹皮上鑽洞起巢。

GP01大大, 你的葉子很光亮, 是要用什麼才做到葉子光亮Σ( ° △ °|||)︴

GP01-Fb 發表於 2019-5-4 08:08
我是大概三年前開始用樹皮， 到目前為止還是好好的，暫時感覺還不需要換。 所以到底可以捱到幾耐我，還未 ...

謝謝解答~

咁都用得耐, 水苔要兩三年換一次.

下次換試下先~

sarshk2014 發表於 2019-5-4 08:23
一張相勝過千言萬語，like你！
不過要小心蟻蟻，我見過有蟻在樹皮上鑽洞起巢。 ...

多謝提醒，我會注意的

快樂王子 發表於 2019-5-4 08:27
GP01大大, 你的葉子很光亮, 是要用什麼才做到葉子光亮Σ( ° △ °|||)︴

這是我新買的，完全不是我功勞
這是品種問題，其實很多原生蝴蝶蘭的葉子都是亮亮的，你可以留意一下。

看得出大大熱愛蘭花，個人有少少補充，樹皮是有機質，遇水發酵，產生酸素，有礙開花，樹皮通常帶蟲卵，用滾水較佳，要浸多天，以手指能搣碎為佳，可減少發酵，澆水方式，不能浸盆，更不能大冲水，因樹皮浮水，令根基不穩，影响生長，還有很多很多，需要大大自己尋找了。

LONGLIFE 發表於 2019-5-4 10:15
看得出大大熱愛蘭花，個人有少少補充，樹皮是有機質，遇水發酵，產生酸素，有礙開花，樹皮通常帶蟲卵，用滾 ...

多謝指教！ 引起話題就可以學到新嘢，真好！
請問一下，除了樹皮，不是大部分植料都是有機質嗎？為何特別提起這點呢？ 是否樹皮比較酸化得快？

禾係一個新手，水苔最大問題唔係種爛根，係將植株養壯，之後再無地方再安置佢！

GP01-Fb 發表於 2019-5-4 10:37
多謝指教！ 引起話題就可以學到新嘢，真好！
請問一下，除了樹皮，不是大部分植料都是有機 ...

樹皮，樹葉，芒骨，水苔等等，都會發酵，但以樹皮較長久持續，影响較深。

W88 發表於 2019-5-4 10:56
禾係一個新手，水苔最大問題唔係種爛根，係將植株養壯，之後再無地方再安置佢！

W大，我發覺你真係有好多存貨

用樹皮要花多些心機 成日好快乾曬 我通常都係用水苔貪方便唔使成日淋水

看到樓上大大說酸素!!

有一個簡單方法(pH試紙), 可惜只知國蘭大部份PH值以6.5～7, 洋蘭, 尤其蝴蝶蘭不清楚我也想知PH值, 如果有大大知請回覆!!ｍ（＿　＿）ｍ

P.S. 溫馨提示: 如有人要購買試紙時, 記得配有比色板 (數值0-14PH值及顏色)

快樂王子 發表於 2019-5-4 16:44
看到樓上大大說酸素!!

有一個簡單方法(pH試紙), 可惜只知國蘭大部份PH值以6.5～7, 洋蘭, 尤其蝴蝶蘭不清楚 ...

我只知微酸能助幼苖成長，弱鹼助開花，至於PH值的大小，是用來調控植株的生長，大型花場用作生產用途，住家種植就不必太著意了。