kohleria clytie

今年冬至氣溫和暖，花貓爆起花來!

近鏡拍多幾張

lamkaicheung 發表於 2018-12-22 11:50
近鏡拍多幾張<span class="emoji emoji1f60a"></span><span class="emoji emoji1f60a"></span>

好大盆喎！花多有如火山大爆發！
可以露養真係好！

好多好靚，露天果然出好貓

小雷子 發表於 2018-12-22 13:07
好大盆喎！花多有如火山大爆發！<span class="emoji emoji1f631"></span>
可以露養真係好！<span class="emoji emoji1f601"></span> ...

是露養的，用1呎大盆放係半陰環境養，嚟緊應該會仲好多花出!

好靚呀！可否分享一下用乜嘢技巧可以開到咁多花？葉片又大又美麗
我由麟莖開始種兩個月左右，頂部生長出來的葉比較柔軟，但是底部的葉子，就好似紫菜咁乾脆，同埋向下彎曲，請問知唔知什麼原因可以改善？

Ming36 發表於 2018-12-23 01:11
好靚呀！可否分享一下用乜嘢技巧可以開到咁多花？葉片又大又美麗
我由麟莖開始種兩個月左右，頂部生長出來 ...

你嘅情況我覺得唔夠肥唔夠陽光畀佢，可以嘅話去請教其他大大問下，都可以解答你以上問題!
其實我都係新手都係探索之中，冇乜嘢技巧㗎，初時我都係揾透明膠杯同埋透明醬料罌在室內種，在水前會睇下仲有冇水氣，有我都唔水㗎，至於用肥都係用啲混合肥開水浸溶倒落去，都可以種到有花睇，但係就好容易徒長同埋追光生斜晒要揾嘢杉起棵嘢，後來就將棵嘢周邊生咗啲4寸至5寸苗仔出嚟就種落大盆試下，用嘅都係園土泥，擺係出面樹底下半陰位露養，苗生定晒就一個星期一次肥，種咗三四個月就生成咁，葉真係好大片大過我手掌，莖就粗過我手指尾!
其實我都初次接觸呢種花，都係求求其其咁試種!
來緊日子我都會取用同樣方法試種其他，希望可以有更多驚喜!

呢棵就是用醬料罌種樣衰衰咁

lamkaicheung 發表於 2018-12-23 15:58
你嘅情況我覺得唔夠肥唔夠陽光畀佢，可以嘅話去請教其他大大問下，都可以解答你以上問題!
其實我都係新手 ...

感激大大詳細解答及無私分享栽種經驗
我的貓貓狀況是這樣，上邊啲葉好靚，但下邊啲葉就向內彎，又唔識大，有兩塊就好乾燥。
你說得對，我家沒有直射陽光，可能真係唔夠光，我有落平均肥仔水，每天早上幫佢哋45度轉身，避免因追光形成的傾斜，有用支撐幫一幫佢，希望可以繼續健康成長，唔使斬頭再種

都好靚，環境許可整多啲做備份後放係唔同地方，試用唔同嘅方法養殖，我都係咁誤打誤撞咋!

Ming36可以試用這種悶養做備份，只要將最下細塊唔靚嘅葉剪落呢，用膠合悶養就會生好多幼苗出來，變咗唔洗斬頭棵貓又可以繼續養，是两全其美㗎!

lamkaicheung 發表於 2018-12-23 18:46
都好靚<span class="emoji emoji1f44d"></span>，環境許可整多啲做備份後放係唔同地方，試用唔同嘅方法養殖，

lamkaicheung 發表於 2018-12-23 19:27
Ming36可以試用這種悶養做備份，只要將最下細塊唔靚嘅葉剪落呢，用膠合悶養就會生好多幼苗出來，變咗唔洗斬 ...

葉子也可以繁殖嗎？我以為淨係用麟莖才可以。
我想剪走啲細葉及又乾又醜的捲葉好耐，放假試吓先

大過手掌

Ming36嘗試一下用葉孵悶養，我的都是這樣悶出來的!

lamkaicheung 發表於 2018-12-23 18:46
都好靚<span class="emoji emoji1f44d"></span>，環境許可整多啲做備份後放係唔同地方，試用唔同嘅方法養殖，
棵花貓依然不停地長花，真係襟睇!

好多花，我都有種花貓，見花苞但等極都唔開

Elsa3284 發表於 2019-2-15 11:25
好多花，我都有種花貓，見花苞但等極都唔開

謝謝來訪，擺放有散光處會易啲出花，加油!

lamkaicheung 發表於 2019-2-15 10:38
更新

棵花貓依然不停地長花，真係襟睇!

好勁呀！我是獨立一盆種一麟莖的，分享自B大及v_v 217大大, 因家居環境限制，只可以種在室內，用Lam大大的建議，施肥給多點水、多一點光照，現在已經見到有花蕾，泥土中有一點點好似麟莖的物體。
開花後會考慮把他們合盆

lamkaicheung 發表於 2018-12-24 09:35
Ming36嘗試一下用葉孵悶養，我的都是這樣悶出來的!

利用葉片悶養，用什麼泥土適合？水苔可以嗎？