本帖最後由 菜妹 於 2018-12-11 19:38 編輯

最初買成盆返黎種窗邊諗住可以防蚊蟲,原來係冇乜成效,之後都試過因為唔通風同室內太乾燥全部死晒。
依家所有香草都係超市買返黎,薄荷,迷迭香, 鼠尾草係枝條浸水後種地,虾夷蔥同牛至係成盆買既。所有香草我都唔會去施肥,呢邊天氣凍又成日落雨,只會係乾燥夏季先間中淋下水,種戶外冇需要特別打理。



蘋果薄荷係我既最愛,生得比較慢,每年十月尾開始休眠,到四月份開始出返芽。


百里香,種左兩個月大左一倍,蝸牛成日食佢D 葉。


虾夷葱,到秋季尾都係會休眠,種左年半。


薄荷晒得太陽多生得唔靚。

種另一邊同品種既薄荷今年剪收左幾次都大棵過曬太陽果棵。


大蔥花,蔥係種極都唔夠食,所以都係成日要買。


鼠尾草,呢棵種左兩年半,第一年種盆時成日都想死又死唔去,落左地就完全唔同晒,仲開左好多枝花。秋季尾休眠到三月份重新進入生長期。


剪左幾枝返屋企插, 花香味比較淡,唔夠葉咁香。



岩岩落地冇耐既迷迭香同三年後既迷迭香,呢棵冇休眠期,幾時都可以採收。

IMG_20180614_141519_548.jpg
羅勒都係枝條種起,種過好多盆係花園都會俾蝸牛食哂,所以一定要種屋內,屋企種好易有芽蟲,所以係我覺得最難種既香草。

發表於 2018-6-14 20:47:53 來自手機 | 顯示全部樓層
2#
棵迷迭香好強壯。本身都幾喜歡它的味道,但種過三次都bye bye. 香港好難種它。
 樓主| 發表於 2018-6-14 20:51:52 | 顯示全部樓層
3#
雙魚座 發表於 2018-6-14 20:47
棵迷迭香好強壯。本身都幾喜歡它的味道,但種過三次都bye bye. 香港好難種它。 ...

香港我試過種樹下都生得唔錯,但每到夏天都係唔靚。
發表於 2018-6-15 16:40:20 | 顯示全部樓層
4#
菜妹 發表於 2018-6-14 20:51
香港我試過種樹下都生得唔錯,但每到夏天都係唔靚。


香港好多外國種香港可以種,但點種都唔靚...太熱太濕不合佢地
 樓主| 發表於 2018-6-15 19:19:30 | 顯示全部樓層
5#
ic3b34r 發表於 2018-6-15 16:40
香港好多外國種香港可以種,但點種都唔靚...太熱太濕不合佢地

歐洲香草真係要戶外通風疏水先得,所以好佩服某D花友係屋企都種的咁好。
 樓主| 發表於 2018-7-3 22:21:40 | 顯示全部樓層
6#
本帖最後由 菜妹 於 2018-7-3 22:23 編輯

呢棵唔知算唔算香草,上年剪草後以為死梗,原來係多年生。麝香錦葵,花香獨特(個人覺得似老土香水味),試食完香味留口持久不散, 葉帶酸味,食唔出有香氣。
DSC01773.JPG
DSC01771.JPG
DSC01785.JPG

新鮮採收迷迭香種子,之前都見過唔少花友成功由種子播起,打算留下次返香港分享俾有興趣挑戰既花友。
446712026_45279.jpg
 樓主| 發表於 3 天前 | 顯示全部樓層
7#
本帖最後由 菜妹 於 2018-12-11 20:13 編輯

IMG_2075.JPG
今年夏季特別長,冬季又黎得特別快,迷迭香都提早左兩個月開花。
IMG_2074.JPG IMG_2073.JPG
三個月前高壓左兩條枝條,依家剪落黎就係一棵新樹啦。兩條枝條都係約兩個月開始見到出根,我好環保咁用左唔回收得膠袋包泥,特登用透明膠袋,可以唔使拆泥都清楚見到幾時生根。
IMG_2072.JPG
生到好高,阻礙開窗要時時剪黎放上Olio 度派街坊,Olio係一個免費食物分享App, 任何人或餐廳都可以捐出食物分享到App上俾附近既街坊拎。

IMG_2065.JPG
今年春天插枝既鼠尾草,插枝後冇修剪過,所以冇乜大到。
IMG_2064.JPG
三年生既鼠尾草,今年剪左十幾次俾街坊,每次修剪後生長速度特快,依家阻住條路,要大剪後再移植別處。

IMG_2070.JPG
普通艾草
IMG_2063.JPG
黃斑艾草
兩款都係Claim師姐今年10月頭送既。仲送左紫蘇同九層塔,但種唔成。艾草都浸左成個月先慢慢生根,因為十月天氣得果幾度,又乾又冷,並非繁殖季節好難種。艾草生左根就唔怕啦,等佢地再大少少會種落地,生到周圍係好似雜草咁就先夠我用黎浸浴。

IMG_2061.JPG
牛至種子苗,兩個月前交換植物所得。

IMG_2056.JPG
IMG_2058.JPG
檸檬百里香同牛至係嚮Olio個App度分享返黎,個鄰居同我講都係見到我分享香草先諗到用呢個平台。唔知香港有冇類似既食物分享App,可以俾人分享多出既新鮮食品俾街坊?Olio 並非食物銀行,所以任何人/餐廳都可以分享/接收免費食物,目的係減少食物浪費,唔係幫助窮人。
IMG_2057.JPG

IMG_2059.JPG
驅蚊草,都係兩個月前交換返黎,輕輕掂到就散發香味,令人放鬆心情既香草。


IMG_2081.JPG
IMG_2080.JPG
大葉倒手香與碰碰香,都係Claim師姐送贈。
倒手香枝條以為會好易種,點知到成兩個月都未生根,d葉甩到得頂芽依家都仲未生根。
IMG_2079.JPG
碰碰香係成株連根拎返後,都等左成個月先復盆。盆仔細,依家每兩三日淋一次水,望快高長大。

羅勒RIP
發表於 昨天 23:01 來自手機 | 顯示全部樓層
8#
師姐,麝香錦葵得一棵發咗芽,唔知帶唔帶得大
鼠尾草種子種好後打瀉咗
就蒲公英發芽率唔錯

講起羅勒,我以前屋企水培有冇發生過蟲患 不過係唔夠我食
今年春天花展買咗盆喺天台土種,換盆後生到勁大棵 夏天勁曬、悶熱都冇事,開花仲周圍散種子,散到去多肉嗰邊 湊囡冇時間炒意粉,就分咗好多俾花友
入秋換咗個位,可能有人睇唔順眼,同我連根拔起,種返又拔過!最終枯死咗,但而家個盆仲有新苗發出黎
我仲覺得羅勒拍得住倒手香添 可能近海呢邊氣候適合佢
百里香、艾草、薄荷嗰啲就曬到乾哂
 樓主| 發表於 2 小時前 | 顯示全部樓層
9#
little_stone 發表於 2018-12-13 23:01
師姐,麝香錦葵得一棵發咗芽,唔知帶唔帶得大
鼠尾草種子種好後 ...

麝香錦葵發芽率係好底,但只要一棵養大就夠。似乎羅勒喜熱不喜冷,一諗起D 蟲就唔敢再種。鼠尾草戶外種都有好多蟲,佢既蟲卻冇食乾晒d葉,我冇落藥,只嚮採摘後每片葉都撿查及重複清洗。多年前種田時有片艾草林,地下走徑仲發達過薄荷,認為會乾死係盆太細高於曬死。
    您需要登錄後才可以回帖 登入 | 註冊

    本版積分規則

    聯絡園藝館|手機版|Archiver|HKplants

    香港園藝館   © 2017