測光錶的用後感

為咗想更加了解自己的環境， 大概兩星期前買了個測光錶。 個錶本身還不錯， 但對於測出來的結果有點驚訝。


就以蝴蝶蘭為例， 網上的資料告訴我， 蝴蝶蘭理想光度是10,000-15,000lux。 但原來我的環境離開這個目標還差得很遠。 首先， 天晴和天陰的日子，光度可以差很多倍。 其次在同一個露台不同的位置，度出來的光度也是差很遠。

在太陽曬不到的前提下，最光的地方，在不同的天氣度數是1,500-15,000lux (天氣的影響差了10倍)。 在最弱光的地方(下層花架)，在不同的天氣度數是300-3,000lux。

當然我只是測試了兩個星期，而且沒有很仔細的紀錄， 是可以肯定的是，跟理想目標還是差很遠。

其實花還在生長，好像沒有徒長，沒有變弱而且也有開花。 而且很多人也是在露台種，可以種得很好。自己地方向東南，應該要算是好的方向。 所以如果唔睇數據應該冇乜問題，但係一睇數據，如果差咁遠的話，又代表什麼呢？是花場的環境太理想我們沒法接近嗎？ 是理想目標數據本身有錯嗎？ 還是植物本身的適應能力很強呢？

唔講數據， 如果大家都用70%的遮光網， 全日照的環境，跟半日照的環境，再跟只有兩三個小時直射的露台環境，分別可以很大。 所以大家在照顧和管理上，可能會有非常大的分別。大家的光度相差10至20倍不是沒可能的， 我現在更明白為何前輩都說管理要看環境因素， 為何大家都說各施各法， 沒有統一的做法， 也要驚嘆植物的適應能力， 適應範圍可以這麼廣。

謝分享!

如果你係大量生產，又要做品質控制，數據是重要的。
如果你係露台種，只用遮光網，得閑就理下佢地，咁數據對你黎講就冇乜意義囉！
植物本身的適應能力當然很強啦！你應該知道，新買回來的蘭花，種左一排後，新葉和舊葉會有好大分別，依啲就叫適應力囉！

陽光直曬係幾多？可以用黎比對下d app準唔準

B17 發表於 2018-5-22 10:38
陽光直曬係幾多？可以用黎比對下d app準唔準

陰天的話大概3,000， 晴天的話過100,000。 都差成三十幾倍。
其實我發覺啲app係好準嘅， 所以真係唔洗買測光表。

sarshk2014 發表於 2018-5-22 10:17
如果你係大量生產，又要做品質控制，數據是重要的。
如果你係露台種，只用遮光網，得閑就理下佢地，咁數據 ...

自己唔試過唔心息， 不過其實都學到嘢，希望之後可以再種好啲

我想請教一下你！我是下載了app，但是不清楚鏡頭應該對着什麼？對着不同的地方個讀數可以相差好遠！

Sumbie 發表於 2018-5-23 13:31
我想請教一下你！我是下載了app，但是不清楚鏡頭應該對着什麼？對着不同的地方個讀數可以相差好遠！ ...

你度緊反射, 應該向光源, 即係向天

B17 發表於 2018-5-23 13:58
你度緊反射, 應該向光源, 即係向天

唔該你！不過都比較難掌握，剛才試過向天，兩個角度分別係2000及9000！

Sumbie 發表於 2018-5-23 14:05
唔該你！不過都比較難掌握，剛才試過向天，兩個角度分別係2000及9000！

係架，角度爭少少就爭好遠， 自己大概計個平均數出嚟囉。

不過呢， 我諗大部分人都冇我咁傻，會用測光錶㗎， 我只係以實驗精神去玩下， 唔係必需㗎。 因為已經有好多前輩比過一啲好清晰嘅指引，照著去做基本上冇死。 譬如蝴蝶蘭，永遠唔好畀佢接受直射陽光， 只接受散射光，在這大前提下儘量光啲就ok。

如果唔避開直射陽光，諗住用遮光網處理， 啲人會話蝴蝶蘭就用70%遮光網而石斛就用50％，諸如此類。 已經有晒conclusion，跟住做就得。

其實，光照不足，又或者光照太多，盆花自然會話你知。

GP01-Fb 發表於 2018-5-23 14:30
係架，角度爭少少就爭好遠， 自己大概計個平均數出嚟囉。

不過呢， 我諗大部分人都冇我咁傻，會用測光 ...

因為每個人屋企的環境都唔同，例如我，花園大部份地方基本上赤腳出去係會生水泡！差唔多全日都有直射陽光，我唯有在我一個有瓦遮頭的角落種植，但係就唔係太肯定散射的陽光足唔足夠？

不過我相信點都會種到，只不過係新手冇乜自信而又想追求完美咁樣囉

Sumbie 發表於 2018-5-23 14:43
因為每個人屋企的環境都唔同，例如我，花園大部份地方基本上赤腳出去係會生水泡！差唔多全日都有直射陽光 ...

生水泡，利害過我個露台，相信只會曬燶，唔會唔夠光


或者造個花架加遮光，咁就可以擴大種植範圍

Sumbie 發表於 2018-5-23 14:43
因為每個人屋企的環境都唔同，例如我，花園大部份地方基本上赤腳出去係會生水泡！差唔多全日都有直射陽光 ...

哈哈，我自己玩完之後叫你唔使理呢啲嘢，我知道係無咩說服力

如果你真係想咁玩，有啲數據畀你參考一下：
蝴蝶蘭目標要求: 10,000-16,000 Lux
石斛蘭和嘉德麗雅蘭目標要求 (夏天): 17,000-30,000 Lux
石斛蘭和嘉德麗雅蘭目標要求 (冬天): 32,000-50,000 Lux

另外，如果買測光錶，淘寶大概60蚊人仔

Source: http://waggaorchidsociety.org/?page_id=443
蝴蝶蘭設施栽培 - 台南區農業改良場出版品訂購網

遮光容易採光難，如果成日都有直射光， 就實在是很幸運。 好似B17大講咁，加遮光網就可以種好多花。

B17 發表於 2018-5-23 14:52
生水泡，利害過我個露台，相信只會曬燶，唔會唔夠光

我只怕大風吹爛個花架同遮光棚！呢度打風唔係人咁品！對上一次我成個戶外櫃都吹爛分屍！不過好難講，慢慢中毒會擴建

GP01-Fb 發表於 2018-5-23 15:04
哈哈，我自己玩完之後叫你唔使理呢啲嘢，我知道係無咩說服力  

如果你真係想咁玩，有啲數 ...

試咗隻app, 曬住都係得30000, 唔係好得囉

B17 發表於 2018-5-24 18:05
試咗隻app, 曬住都係得30000, 唔係好得囉

會唔會30000已經係上限？手機app好似上唔到咁高。

啱啱check過，我部手機最高都係30000

GP01-Fb 發表於 2018-5-24 20:34
啱啱check過，我部手機最高都係30000

爆哂燈! 手機個sensor可能最盡都係得30000