2018苦苣苔科植物

有時都唔知自己是為想種植而買，抑或為想收集而買？
話說之前義買了2盆喜蔭，加上最近有花友分享2款喜蔭走莖。今早無意中網上見到有人出售我以前想種的黃花喜蔭便聯絡。結果此花友現有4款喜蔭可出售，見價錢買4盆有優惠，而且諗住山長水遠去到藍田交收，只買一盆又有點浪費時間和車資，所以便一口氣買4盆。由無打算種，變成一個小戶。
哪知去到交收失望得很，那賣家才告知我，佢拎漏1盆。而且竟然係Lemon tree。都唔知佢講真抑或講假，講講下又話屋企盆lemon tree 係苗未有花。但和佢messenger時，佢告知係少花……
雖然昨晚買的那3盆喜蔭價錢都好優惠，但唔係我最想種的，就難免失落和不太高興。

Vinia 發表於 2018-9-4 08:42
有時都唔知自己是為想種植而買，抑或為想收集而買？
話說之前義買了2盆喜蔭，加上最近有花友分享2款喜蔭走 ...

小雷子有小黃鳥，你有冇興趣？

http://hkplants.com/forum.php?mo ... 205196&mobile=2

小雷子 發表於 2018-9-4 09:03
小雷子有小黃鳥，你有冇興趣？<span class="emoji emoji1f60a"></span>

http://hkplants.com/forum.php?mod=viewthread&tid ...

好有興趣呀！ 你好有心，多謝你！
之前就係見到你種得咁靚， 將黃綠這絕配發揮得淋漓盡致。 更加令我好想種好想擁有！所以昨日網上見有成株開花賣，才特登唔怕麻煩出九龍那邊交收。哪知撲空，所以都幾失望。
現你有得分享好開心，而我都有些花貓蟲,喜蔭苗和白香岩有多都可以分享俾你。睇你有無興趣。或者pm傾

Vinia 發表於 2018-9-4 08:42
有時都唔知自己是為想種植而買，抑或為想收集而買？
話說之前義買了2盆喜蔭，加上最近有花友分享2款喜蔭走 ...

一路睇，一路見你入貨，相信已過百盆，可以總結下你的喜蔭，花貓，迷岩嘛！

B17 發表於 2018-9-4 22:02
一路睇，一路見你入貨，相信已過百盆，可以總結下你的喜蔭，花貓，迷岩嘛！
...

無認真去數，不過估計屋企大大小小所有盆栽應該有過百盆，但苗居多。雖然一路入貨，但都一路有傷亡。所以進進出出，尤其是花貓，老是種不好。都唔知怎解，好多時好不容易由鱗莖種到中苗，無端由底部軟莖枯萎，有時砍頭重插都救唔返。有些迷岩苗又係，有時放在密實袋唔記得打開透氣，結果焗爛。
屋企盆栽太雜又分散，尤其是迷岩，花貓和長筒，大部分都巳無名牌。所以暫都係靠記憶和等開花才知係么品種。不過我有寫網誌習慣，現一得閒都會post上FB. 若你有興趣，都可以上我FB睇下。https://www.facebook.com/kingmui.cheng

唔知點解大岩桐的葉好易焦，本身巳少葉

Vinia 發表於 2018-9-6 12:27
唔知點解大岩桐的葉好易焦，本身巳少葉

花花好靚！葉片係咪有水？引致容易被太陽晒傷！

Vinia 發表於 2018-9-5 12:02
無認真去數，不過估計屋企大大小小所有盆栽應該有過百盆，但苗居多。雖然一路入貨，但都一路有傷亡。所以 ...

我的有花冇花，每個月都會影一張相，靠咁樣認住佢地
你成百盆，呢個方法唔掂，都係用名牌易d

小雷子 發表於 2018-9-6 12:31
花花好靚！葉片係咪有水？引致容易被太陽晒傷！<span class="emoji emoji1f644"></span>

有可能，但原來葉有水俾太陽晒傷會係咁樣。平時無留意，又知道一樣嘢。唔該曬你！

B17 發表於 2018-9-6 18:50
我的有花冇花，每個月都會影一張相，靠咁樣認住佢地
你成百盆，呢個方法唔掂，都係用名牌易d

舊年都有特登去12蚊店買咗label。 後來棉花疫大換泥清洗， 都溝亂曬。 結果越亂越冇心機， 現時心諗若果唔係長到開花，么嘢名稱對我而言意義不大。

Sinn. 'Nora's True Love'諾拉的真愛

Sinn. 'Nora's True Love'諾拉的真愛

名牌唔見左，所以不知是什麼名字的迷岩開花了。 葉細花大， 雖然係單瓣都覺得好靚！

猜估小雷子係一個好細心體貼嘅女孩 ，昨日收到佢2條巳預先幫我浸出根的yellow bird ，昨晚放工立即將走莖上盆， 而上星期B大郵寄過來的2條喜蔭走莖亦巳生根。 希望生生性性長大開花， 唔好 辜負兩人的心機。

睇來迷岩Sinn. Cindy 即將開花。幸好早已知其開花樣大概係怎麼模樣，故不太期望。否則上月初巳見花苞，要等成個月才開花會好心急。

Vinia 發表於 2018-9-13 13:42
猜估小雷子係一個好細心體貼嘅女孩 ，昨日收到佢2條巳預先幫我浸出根的lemon tree，昨晚放工立即將走莖上 ...

你太客氣了！
小雷子給你的喜蔭名子是Yellow Bird！

唔好意思，打錯字, 巳改

Sinn. Cindy 開花無驚喜

Vinia 發表於 2018-9-14 15:13
Sinn. Cindy 開花無驚喜

左cindy，右leo B，見多了，開始生厭

B17 發表於 2018-9-14 16:18
左cindy，右leo B，見多了，開始生厭

你好叻一眼就知係Leo B！唔該曬你幫我認回一隻迷失名牌的迷岩. 可能你見得靚花多。而我種迷岩條路才開始無耐，暫時仍未生厭，不過覺得Leo B靚過Cindy.