水母的天然護髪

花友問天然方法護髮，不如我詳細說明一下。

我對頭皮護理的觀念是盡量用健康, 天然和簡單材料, 容易製作和使用，如果是關於用乜鬼化學乜乜物物, 我不在行喇~

天然方法，我有少少心得, 主要分2個層面:
(1) 食多D好蛋白質和保持良好消化力, 頭髮質地會好轉的;

(2) 頭髮頭皮護理.
染髮本身好傷頭髮和容易導致甩髮, 如果個人本身腎肝頗弱, 更加容易令頭髮乾和甩. 所以要取捨了.
天然一點的染髮, 可用指甲花粉, 網上有大量教學可以參考. 通常初次做一兩次未有經驗的, 需要試多幾次預到自己頭髮所需時間才準, 不過一般都要染上四小時, 至少.  

懂得DIY LOTION的話, 可用熱製型乳化蠟或簡易乳化蠟做個薄薄的LOTION, 做個3-6%底油的lotion 護髮尾.

或用aloe vera gel + 2% eo (rosemary, cedarwood, lavender, etc.) + 10% lavender hydrosol (pH6-6.5 左右, 弱酸, 天然地軟化頭髮) + 少量 (1%) Ａrgan oil / jojoba oil 俾番d e油份頭髮. 用前搖勻.

我再懶D, 淨係用lavender hydrosol + 3%eo (rosemary, cedarwood, lavender, ylangylang, clary sage, 等有助強化頭皮的精油) + 1-2 滴JOJOBA OIL. 用前搖勻, 主要在洗頭後, 吹髮前噴在頭皮上, 簡單按摩一會再吹頭.

我的護頭皮配方: 100ml lavender hydrosol + 1ml jojoba oil / argan oil  + 3% eo
@ 3% eo = 60 drops
= (20 drops lavender, 20 drops cedarwood, 10 drops rosemary, 5 clary sage, 5 ylangylang)

訓練減少洗頭次數. 我以前日日洗頭, 洗少一日都覺得個頭好污嘈. 呢半年為了身體健康和頭髮健康, 我先訓練隔日洗頭, 到現在可以隔2日或有時隔3-4日洗頭, 頭髮都唔會出頭油或屑, 亦無笠感, 好處是頭髮甩少了, 頭髮無咁容易開叉, 少了乾燥感. 有朋友說這樣會少了頭痛問題.

少洗髮的原理是: 頭皮日日洗, 細胞慣性無油, 就會慣性出油, 所以起初攺隔日洗頭時, 感覺會多左頭油, 但忍過一兩個星期, 頭皮適應了, 好快就會覺得頭髮軟左又清爽, 頭皮唔笠.
我依家有時健身或打波一兩個小時回家見汗水乾了又無味, 都唔會洗頭, 第二天頭髮一樣神清氣爽.

多謝分享. 解決我護髮疑問,等我學埋做lotion試下先.