本帖最後由 四少 於 2012-8-8 16:59 編輯
種之前最好查下想種果樣野的資料, 種植時間/收成時間, 4個月內種完一樣咁第二樣又種d咩野, 早d計劃好.
菜/瓜果類對肥料要求好似有d唔同, 菜葉類要多d氮, 但如瓜果類氮過多會影響花開結果. 種子就有需要時先買, 唔係買多左用唔到放耐左會減低發芽率.
如想多幾類同時種植, 就要查下夾唔夾, 好似話豆類唔好同其他同一田種,
想清楚起定棚, 棚的高低需要 (蕃茄矮d瓜要高d), d 位點分配, 個棚會唔會影響田其他位的日照, 塊田只有1.5x1.5米, 如可以就去視察下果樹比唔比或田邊圍磚上夠唔夠位放盆.
仲有苗方面啦, 園圃d 管理樹樹唔同, 有d好差, 淋水時用水喉噴完 d 苗就咁死左一半. |