諗一諗先開冷氣

[複製鏈接]
作者: gunbuster363 发表于 2012-8-1 09:20:49
2333 22
依家天口咁熱相信不少住戶都會開冷氣
但睇下呢個新聞先啦
再咁落去, 我地淨係可以種仙人掌......


---------------------------------------------------------

城市化惡果 2039年炎夏38°C

經濟日報經濟日報 – 2小時31分前

【經濟日報專訊】香港的城市化,造成人人要承受的惡果。理工大學的研究顯示,2039年本港市區炎夏的氣溫,預料由35度升至38度,中環、觀塘、荃灣以及銅鑼灣將成4大酷熱重災區。

而近年蓬勃興建的海景樓將致熱夜難眠,九龍內陸地區晚間氣溫料破31.5度,居市中心者恐晚晚焗桑拿。

近日陽光普照,高溫苦煞人,這炎夏熱浪,將愈趨難捱。理大研究人員繪製直至2039年、本港每10年的日夜氣溫分布圖,發現2039年本港大部分市區,日間氣溫會升攝氏2至3度,意味炎夏的氣溫會由現時35度,急升至38度。

理大繪氣溫圖 夜間破31.5度

另外,未來30年內,九龍內陸地區夜間氣溫料最少升2度,屆時氣溫會突破31.5度。

研究員之一的理大土地測量及地理資訊學系教授Janet Nichol指,城市化是造成溫度上升的其中一個原因,若維持原有的城市化速度,至2100年本港年平均氣溫會升3.7至6.8度,預計每十年上升0.8度,相反放緩城市化速度,年平均氣溫僅升3至6度,她促請港府在市區建樓,要加入風速規定。

另一研究員中大建築學系教授吳恩融則指,中環、觀塘、荃灣內陸及銅鑼灣4個地區,會是日間氣溫升的重災區,其次是深水埗、長沙灣及油尖旺等九龍內陸地區。

規劃通風道 可減慢「升溫」

要減慢本港氣溫上升,吳恩融稱須配合完整規劃以及建築設計,可以在舊區重建下工夫,包括規劃通風道,預留更多行人通道面積,增加城市的通透度。

然而,他承認在港推行存有難道,因本港規劃以購物及賺錢為原則,缺少推動環保的領導人物。

他續說,反觀外國早已推行優質城市,以德國為例,部分小康城市有推行環保的領導人物,宣揚賺少點換取生活質素,最終達成全民共識,打造優質城市,包括增加公共空間,讓市民乘涼,市民亦感到雖然賺少了錢,但生活環境得以改善。

吳恩融認為,政府不應該為了解決現有問題,便留下一堆問題予下一代解決,以屏風樓為例,20年之後便見惡果,令到市區內陸氣溫上升。

環團斥港府 處理速度太慢

綠色和平項目主任古偉牧批評港府,在處理本港氣溫上升問題的速度不夠快,規劃署已經完成《都市氣候圖》研究,並有提出興建樓宇的改善建議,包括預留樓宇設計通風道、增加綠化面積等等,惟港府只是一拖再拖,未有切實執行。

現階段市民可以從節能着手,吳恩融教路,市民可以減少開冷氣、開車等,下一步才是發展太陽能等再生能源。

古偉牧則教市民可於室內安裝比坐地扇更能散熱的吊扇。

評分

1

查看全部評分

Cora 發表於 2012-8-1 09:24:27 |顯示全部樓層
同意!我回家先打開所有窗通風,到睡覺時才開冷氣!
jellyfishy 發表於 2012-8-1 09:24:35 |顯示全部樓層
我平時都唔開冷氣既~  開冷氣只為親友探訪, 或太耐無開, 要郁下佢免壞機~
睡覺開風扇已經好夠了~ 不過我住的大廈位處山邊, 可能比較好風, 所以唔洗開冷氣囉.
jellyfishy 發表於 2012-8-1 09:26:18 |顯示全部樓層
如果商場戲院和巴士的空調可以keep 住25.5, 我諗已經慳電好多喇~
Cora 發表於 2012-8-1 09:34:56 |顯示全部樓層
jellyfishy 發表於 2012-8-1 09:26
如果商場戲院和巴士的空調可以keep 住25.5, 我諗已經慳電好多喇~

同意!巴士的空調有時真係凍得過份!
紙箱人 發表於 2012-8-1 10:13:54 |顯示全部樓層
樓主既題目 係想話 開冷氣會令本港氣溫上升 ??  
不如改為開 前諗一諗  或  開 前諗一諗 !   
KATY 發表於 2012-8-1 10:36:35 |顯示全部樓層
要大家一齊吾開冷氣先有效果o家 !!!

既然有全球熄燈一小時,
都可以搞下有關吾開冷氣既活動
八王爺 發表於 2012-8-1 10:54:12 |顯示全部樓層
我成日都話家中的冷氣機是裝飾品。
一年都開唔到幾次。
但今年唔同咗,晚上常達30度以上,真的救命!
mono 發表於 2012-8-1 11:18:13 |顯示全部樓層
有時晚上回到家想開窗,但真係好難。
你唔開人地開。
窗口對窗口。聽到嘅係人地啲冷氣機聲。
吹嘅係人地冷氣機啲死氣。
可以住村屋可能會好啲。
gunbuster363 發表於 2012-8-1 11:35:03 |顯示全部樓層
紙箱人 發表於 2012-8-1 10:13
樓主既題目 係想話 開冷氣會令本港氣溫上升 ??  
不如改為開 車 前諗一諗  或  開 機 前諗一諗 !    ...

換言之你暗示開冷氣係OK的?

開私家車果班人係自私精, 講有用咩
但我相信唔開冷氣, 覺會有其他辦法涼D
開風扇就不行了嗎?

我間房部冷氣係壞的, 我已經連續2年冇開過冷氣訓覺
有D人, 開住冷氣都話熱........仲話熱到出汗WOR

點評

我部門辦公室部所謂冷氣 , 成日罷工 , 室內溫度在超過33度情況下 , 風扇都變成暖風機 , 在運起 "心靜自然涼" 及 "冰心訣" 後 , 額角仍然出緊汗!   發表於 2012-8-2 09:22
聽過聽過。現在office很冷,都有人話熱到出汗!  發表於 2012-8-1 11:41
gunbuster363 發表於 2012-8-1 11:55:54 |顯示全部樓層
香港大廈開冷氣係一種連鎖反應
如果人人因為人地開冷氣, D熱氣攻入來, 好熱就開冷氣
咁如果一樓開冷氣, 二樓又開, 三樓又開...一路直上35樓都開晒咪大獲?

如果有一戶好心關左隻窗佢忍一忍不開冷氣
樂觀D諗, 可能令到樓上都不開呢

我可能好天真
但南北極,格棱蘭D冰都溶到冇晒咁濟, 北極熊, 企鵝等動物都唔知點生存
我地人類仲為自己著想會不會自私左D?
claudiatang 發表於 2012-8-1 12:01:19 |顯示全部樓層
講到牙骹都快要掉下來了,但有多少人會有這個意識呢?人人都抱著今朝有酒今朝醉的心態。先享受了再算。
現在唯一能做的就是同枱食飯各自修行。自己和教育自己的孩子身體力行。
題外話:
望下街邊的分類回收箱就知道有多大成效了。

點評

好大成效, 君不見廢紙回收箱無廢紙, 鋁回收箱無鋁咩~  發表於 2012-8-1 12:14
claudiatang 發表於 2012-8-1 12:25:35 |顯示全部樓層
本帖最後由 claudiatang 於 2012-8-1 12:44 編輯

Sylvia  好大成效, 君不見廢紙回收箱無廢紙, 鋁回收箱無鋁咩~

我見到垃圾車來倒垃圾時,所有箱的垃圾都是倒進垃圾車................O晒嘴。話雖如此,我仍堅持分類,做好自己本份就算。



噢................今次捉唔到阿太心意﹗

點評

我意思係d人拎晒去賣呀, 朝早您唔見好多人係度排隊攞報紙, 有幾多人係睇?  發表於 2012-8-1 12:42
Springonions 發表於 2012-8-1 13:05:08 |顯示全部樓層
本帖最後由 Springonions 於 2012-8-1 13:07 編輯
claudiatang 發表於 2012-8-1 12:25
Sylvia  好大成效, 君不見廢紙回收箱無廢紙, 鋁回收箱無鋁咩~

我見到垃圾車來倒垃圾時,所有箱的垃圾都是 ...


我地屋邨有環保回收日, 舊報紙可換廁紙, 洗潔精等. 原本的用意是好的. 但我見有啲人特登去攞報紙換嘢, 又係浪費
jose666 發表於 2012-8-1 13:22:45 |顯示全部樓層
我日頭唔開冷氣架, 係夜晚食飯先開~(成家一齊嘆)
andyman 發表於 2012-8-1 15:49:57 |顯示全部樓層
我個單位向東南,面向一座小山坡,夏天都不覺太熱, 有人客先開下冷氣。
睡覺都係淨開風扇OK 教時間製吹4個鐘.........
紙箱人 發表於 2012-8-2 09:06:39 |顯示全部樓層
冷氣開與唔開 , 開幾多 , 開幾大 都係好主觀 , 但開冷氣 關係節能問題多d ??
如果 食店 , 戲院 , 商場 , 交通工具 冇冷氣 , 有好多人會投訴!
全球氣溫上升 , 空氣污染問題 大過 冷氣既熱力排放好多 !  個人意見 !
gunbuster363 發表於 2012-8-2 09:19:44 |顯示全部樓層
紙箱人 發表於 2012-8-2 09:06
冷氣開與唔開 , 開幾多 , 開幾大 都係好主觀 , 但開冷氣 關係節能問題多d ??
如果 食店 , 戲院 , 商場 ,  ...




40度.........仲有咩好講呀?
紙箱人 發表於 2012-8-2 09:30:30 |顯示全部樓層
你屋企40度 ??  頂得住 , 耐力超凡 !   
不過你部冷氣如果唔係壞左 , 你會唔會開呢 ??
gunbuster363 發表於 2012-8-2 09:38:15 |顯示全部樓層
紙箱人 發表於 2012-8-2 09:30
你屋企40度 ??  頂得住 , 耐力超凡 !   
不過你部冷氣如果唔係壞左 , 你會唔會開呢 ??  ...

我梗係唔開啦, 你知唔知我幾心痛
你估40度講玩架
屋企關左窗啦, 出面先40度呀
我在出面種左D植物, 響高溫之下都唔係幾掂

我覺得人類好自私
自己就忍不到熱, 開冷氣要其他人受苦?
12下一頁
您需要登錄後才可以回帖 登錄 | 註冊

本版積分規則

三級花友
  • 231

    主題

  • 1791

    貼文

  • 0

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.