請教紫草根浸泡油

買了紫草根打算浸橄欖油打皂，做了資料搜集　．．．不知那說法才是正確?

浸泡時間：
１）浸了一個月要把紫草過濾出來，再換新紫草浸一個月又把紫草過濾出來，如是者合共浸三個月。
２）另一說法是浸日子越長越好。

浸泡期間之存放：
１）耍有兩星期放在溫暖太陽（一個月之中）。
２）放在陰涼地方。


請指教那方法較好。謝謝！

我都想知~~~~~~~

其實我都係用同一批紫草根浸長時間(約半年), 其間每星期搖o的油一次, 等佢可以均勻o的.
而我就會放係陰涼處, 因為覺得直接放係太陽晒會令o的油變壤。

浸泡油放在窗邊太陽晒, 係利用天然熱力令浸泡乾草成份更快溶化滲入油裡. 這個方法好處是天然慳家.
因浸泡油一般存放至少個多月甚至一年, 選擇浸泡油必須以不易變質的橄欖油, 麻油, 核桃油, 等等為主 (當然要留意保鮮期).

之前有花友說用葡萄籽油做浸泡, 本人唔建議用此油, 因為佢比較易壞, 成皂後更加易壞.  

１）浸了一個月要把紫草過濾出來，再換新紫草浸一個月又把紫草過濾出來，如是者合共浸三個月。
比較濃縮，但花心機時間，材料費較貴，一般商業賣既浸泡油會用依種方法，比較能做到藥材濃度，但成本高。


２）另一說法是浸日子越長越好。
家庭一般做法，時間長...油能充分滲透入藥材，理論上藥效較切底滲出(當然仲要睇份量比例)。因為只用一批藥材，較省錢。而且丟埋一邊由得佢，要用先攪佢，處理比較方便，所以很適合家庭自用的方法。



邊一種比較好，如果講藥材含量，第一種係比較容易做到濃縮，但花時間花藥材。而第二種較經濟同方便，相同藥材量，第二種方法只要多兩倍油，就可以做出多兩倍份量既油黎用，較經濟。

但個人覺得，最好既野未必係最適合自己，如果你只係需要2份既藥效，而你比10份既藥效落去，咁係咪皮膚會變好多幾倍呢?
人體唔係咁計架囉......攞夠要用既....多左既就會成為浪費。所以..唔洗要求最好...最多...夠用就好喇....


另外，曬太陽問題，其實係利用佢既熱力，唔用太陽你可以用熱水浸佢，一樣OK...不過太陽唔洗錢嘛...熱水要錢呀...
但曬太陽要留意基礎油，一般浸泡油會比未浸既油保存力好少少，但基礎油易唔易變壞,影響都好大。



我自己個人做法比較[姑寒]，我係將藥材剪碎(方便藥效滲出)，放滿玻璃瓶，之後倒入基礎油(油剛對過藥材)，放上天台瓦頂(曬唔到太陽，但超級熱)黎浸。通常一批藥材我會浸好多轉油，因為用油既比例較少，初浸出黎既濃度都好高，第一浸大約兩星期，過濾放入深色樽丟入雪櫃保存，第二浸四星期過濾與第一浸混合保存，依樽油就係用黎做護膚品架喇，所以基礎油用靚少少，放雪櫃可以保存好耐慢慢用。

之後會加入平價D既油再浸，浸到認為夠色，就過濾保存，之後再浸多幾轉，浸到覺得唔係太容易出顏色喇，就放棄藥材。而儲起黎既後面依幾浸油，就混合用黎打皂。