大家幫個忙, 做個有心人, 令生活更環保!

早陣子, 在大家樂見到用來盛粥、麥皮、通心粉的PP膠碗好實淨, 所以一直在默默收集。曾經同分店經理要求收集, 可惜被拒! :<
眼見自已收集的數量有限, 想大家一起收集!

這些PP膠碗質量奇佳又美觀, 送往堆填實在可惜, 我們花友其實可以好好利用, 用作小花盆、苗盆、食物盒(可放微波爐)...

我想收集多些, 然後,
1. 適當時間(如明年早春), 育苗分享給其他花友,
2. 或者香港園藝館可以發起個中小型活動, 定個日期+地點, 推廣"愛心分享"活動, 免費互贈/交換花苗給網內花友,
3. 或者香港園藝館可以發起個大型活動, 推廣"愛心城市種植"活動, 免費贈送花苗給大眾...

香港園藝館網站大大們 & 大家花友, 有興趣麼?
309141[/attachimg]


謝謝 加分。

好贊成你的做法, 但我很少去快餐店, 幫唔到你, 加油 !

我平時都會盡量將用完的物品 recycle, 發掘它另一個用途的.

除了快餐店飯盒外，有些微波爐食品應該都可以，例如叮叮粥／通粉或波波糖水。
我先收集，之後大家再商量如何利用吧

我相信, 我們齊心、有心... 有愛心, 定能改善社會氣氛、素質、環境...
簡單的定個時間, 找個地方, 大家無私分享幼苗, 已經夠爽!  

我會盡量唔要這些外賣盒, 減少資源重複, 一係坐低食, 外賣就自備盒去裝, 不過, 這類快餐店可能又唔會咁同你做....嫌麻煩

呢個行動好值得支持!

遇到無可避免時, 我都會留起佢地, 等有朝一日可以再用
加油

我有好多豆漿膠樽(遲d補相,約22cm高,600ml容量),每星期有2-3個,林唔到如何再用,只有放入港鐵收集箱咋!

嗱我講咗先，咪打人。

其實收集，不如少D食外賣，多D自備食物盒！


閃.................

八王爺 發表於 2012-7-20 12:19
嗱我講咗先，咪打人。

其實收集，不如少D食外賣，多D自備食物盒！

王爺, 閃得咁快架!  
唔洗驚喎, 我地花友都係愛好和平、理性的人, 點會打人啊!
戴咗海盜帽出手洗刧時, 先會重手D!
不過, 大家都好有良心架播!

Cora 發表於 2012-7-20 11:53
我有好多豆漿膠樽(遲d補相,約22cm高,600ml容量),每星期有2-3個,林唔到如何再用,只有放入港鐵收集箱咋!  ...

csw_sylvia  改裝用來種小植物又如何 (我用緊將細棵的香草分枝) ? 另還可以做植物補水器, 我試過出門 10 天都頂得住.  發表於 7 分鐘前
多謝提供,有咁用,但用唔到咁多呀!

我的大部份苦苣苔植物都是用外賣餐飲膠杯種的,
未用都有20個
我覺得malike個idea好好, 好正面,
又可以宣揚綠化
又可以令更多人感受到種植的樂趣
我個同事起初都係因為阿女參加一人一花計劃
就由一盆, 變成一屋, 再變成一田都係
如果大家都支持, 可以諗吓具體行動可以點做喎

hugopoodle 發表於 2012-7-20 15:08
我的大部份苦苣苔植物都是用外賣餐飲膠杯種的,
未用都有20個
我覺得malike個idea好好, 好正面,

活動可以大有大搞, 小有小搞...

不費力的方法:
若未能以網站團體行動, 我們花友都可以自訂個日子, 搞個分享小party, 在一個適當的地點(如沙田公園), "閃聚"一下(30-60分鐘), 分享/交換幼苗、種子... 唔洗租借地方、唔洗花錢宣傳, 網上通知, 或電郵發去有興趣的朋友們, 各帶10零20盆+種子, 高高興興, 各取所需, 收妥在行李箱, 就即閃... 哈哈!

基本規則係不涉現金交易, 短時間, 就毋須集會申請或領牌或租場, 或被人乘機當生意經營!
各自出個無私的心+愛心+好心... 就得嘞!

csw_sylvia  "閃聚"30-60分鐘夠唔夠呀 ? 通常聚親 d 時間都過得好快, 一下子就兩個鐘 ga la. ha,ha.........  

拎住咁大個行李箱, 都唔方便長聚, 要長聚再摘日咪得囉。 網上見都okay架! 帶到多D朋友入網頁都高興架。 嘻嘻... 擦下網站鞋先!

1. 適當時間(如明年早春), 育苗分享給其他花友,
2. 或者香港園藝館可以發起個中小型活動, 定個日期+地點, 推廣"愛心分享"活動, 免費互贈/交換花苗給網內花友,
3. 或者香港園藝館可以發起個大型活動, 推廣"愛心城市種植"活動, 免費贈送花苗給大眾

以上三點我也曾想過~~所以我非常支持樓主

泥土,培苗場地我可以提供

==================================

回覆點評

hugopoodle  金剛, 好感動呀^^ 如果有咩要幫手, 預我一份啦~~

等malike樓主發號施令,你們收集了環保物件可花一些心思做成美麗的花盆,我可以做後勤的工作,加泥,培苗,再由樓主辦活動,贈送或義賣給花友/大眾^^一人出一分力,好辦事,謝謝malike及hugopoodle 的無私愛心,感恩!

公仔包裝米粉有個透明膠兜, lay's 薯片亦有膠兜, .... 全部都儲起哂~ 拮幾個孔就ok, 有d用左發種子喇~ 都好好用~

支持! 我一向都盡可能 recycle 所有東西的! 包括膠盒、果皮等。

我都有默默支持環保，同樓主一樣會食完收集盒盒，及不幫襯大集團。 (老爺雞 D 盒都好好 ka)

我極少幫襯快餐店(次數接近零)﹐但係我日常都有廢物利用 0既習慣：
八王爺  紅牛罐那個最過癮....... 真系物盡其用。 好榜樣！
我見個罐 0既闊、高比例同圖案都幾靚﹐所以收集！ (係印度人遺棄 0架！)
saolan   够环保啵，加油！
仲可以慳到錢 0添！