秋葵咖喱 ~ 好味到食多碗飯

7.7 海盜團中有一樣贓物臨尾先出，DICK168 特大秋葵。

雖然我冇搶到，但自家都常買來煮咖喱，因為格格唔鍾意潺的口感，但我又想佢地食。
佢地鍾意日式咖喱，我就混啲秋葵入去，佢地不知不覺食咗..... 哈哈！

去片：

材料，日本萍果咖喱磚4粒。時蔬各樣，自家人喜歡的，或者田裏收採新鮮的。
      秋葵十隻八隻。各樣丸子。蒜瓣三粒，鹽﹑糖少量調味。
王府煮咖喱秘訣：芝士一片。(一般用CHEDDER, 有時雪櫃有乜芝士就用乜。)

各樣丸子洗淨，鑊中下少少油，爆香蒜頭，炒熱丸子。
再加入時蔬。
圖中用了半朵椰菜花﹑一支甘荀，薯仔兩個。
加少少水，約2湯匙，之後放入咖喱磚。


咖喱磚溶化了，各樣材料差不多熟，才加秋葵。


再拌炒5分鐘，秋葵轉色，加鹽﹑糖調味。
最後加入芝士一片，芝士溶化後完成。


拌飯吃，必定添多碗。



附註：秋葵處理及預備方法：http://hkplants.com/forum.php?mo ... 3664&highlight=

我咁大個人都未食過秋葵, 以前做廚時只係用過佢唻做前菜, 但一啖都未食過 ~

多謝王爺, 我最近見到有個偏方話飲秋葵水可以醫糖尿, 好有益架....

八王爺  咁利害？ 第二時我有哩個病要飲下先。以前識一個街坊，因為糖尿以冬瓜當飯食。
王爺我當然吳希望有朝一日你會用到佢黎醫糖尿啦, 但如果身邊有朋友有呢個病都可以一試丫....

八王爺  嘩....你做厨架！ 獻醜献丑了！  發表於 60 秒前

唔係獻醜吖 你既犀利好多, 我做嗰種廚係唔使點煮, 只要啲魚新鮮就得架啦, 況且十幾年前既冇做, 廢哂武功啦

claudiatang  日本料理..................刀法厲害呀  發表於 8 分鐘前
十幾年前就係

ahhung68 發表於 2012-7-17 10:24
八王爺  嘩....你做厨架！ 獻醜献丑了！  發表於 60 秒前

唔係獻醜吖  你既犀利好多,  ...

哦..... D魚新鮮，真系好正喎！ 不過兩年前開始我唔食海鮮了。

王爺原來係情場殺手唻架, 你個心型飯用唻冧邊個?

八王爺  四個碟，一人一個，藍色應該系大格格嘅。你唔好冧錯隔籬。我同王妃用白色碟。嘿嘿，一對丫！  發表於 2 分鐘前

王爺對王妃如此情深及顧家, 真為我們庶民樹立一個好榜樣

waiting  應該係福晉...唔係王妃...  發表於 2 小時前

咁深唔識吖

DICK168 特大秋葵係 Dick 嫂摘給我, 唔係搶ga. 她說已經老了, 我上星期已用來煮了咖哩三文魚頭.

真系2湯匙水???個鑊到睇落有唔少水,系咪椰菜花出會煮出水呀?
下次試下煮咖哩加芝士

平時見媽咪煮咖哩都係用樽裝既油咖哩，咖哩磚未見過喎

cowslip  超市有日本咖哩磚賣,我系惠x買過  發表於 半小時前

下次媽咪煮咖哩，叫佢買黎試下好唔好味先

秋葵 + 松子仁 炒蛋, 勁好味

松子仁 香味濃郁, 最佳拍檔

所以呢....細路仔偏食，大人驚佢地唔夠營養，買乜鬼野奶粉補充丫....咪比廣告呃你D錢先得架....

仔女食正餐都吸收唔到營養，煮飯果個責任好大囉....

細路唔肯食，諗下計仔咪得囉...唔好太就佢地...佢地唔食就唔買唔煮...

睇下皇爺整個咖喱磚就攪惦左....


我呢...淨係識將D野攪爛做肉餅，或薯餅....攪爛晒睇你點樣話唔食....唔肯食就唔好食,餓你兩日唔死得既.....