自家有機薑汁豆槳

有機薑汁豆槳

材料 & 做法:



1) 有機黃豆---------3湯匙 (浸水 6 小時)
2) 清水--------------1公升
3) 有機薑-----------1小塊連皮切片

工具

1)攪伴機
2)網袋



放所有材料有機黃豆, 薑和水在攪伴機內, 大約 5分鐘 (視乎攪伴機功能, 我的是高速攪伴機, 黃豆渣細小如塵,可以與渣一起喝 )
不喜歡吃豆渣的花友, 可用網袋隔渣                           (黃豆渣可蒸蛋, 煎肉餅)
把豆漿打開蓋煲滚----------------- 20 分鐘                   ( 不可喝生豆 槳, 會傷身)


完成



如果喜歡吃甜, 最後煲滚淨餘5分鐘可加冰糖
食後感覺

我喜歡不加糖, 連黃豆渣一起飲, 感到豆奶濃烈香味.

薑一齊打爛？

忽發奇想, 通常都係打左豆先煲滾豆漿, 可唔可以煲左豆先攪拌呢??

andyman 發表於 2012-6-28 12:38
忽發奇想, 通常都係打左豆先煲滾豆漿, 可唔可以煲左豆先攪拌呢??

其實, 做豆槳有多個方法:

1) 可以煲左豆先+熟凍水+攪拌+隔渣 (個隔渣袋要煮下去, 殺死下D菌, 其他用具都要用熱水去消毒)

2) 另一個 係打左豆+生水+攪拌 +隔渣+煲滾豆漿 , 就方便得多, 因Ｄ工具不要消毒.

3) 又可用豆槳機, 但係我都係喜愛攪拌機多Ｄ, 因飲落用 攪拌機豆未香濃好多  

noel_tt 發表於 2012-6-28 14:02
其實, 做豆槳有多個方法:

1) 可以煲左豆先+熟凍水+攪拌+隔渣 (個隔渣袋要煮下去, 殺死下D菌, 其他用具 ...

第一個方法唔錯喎喎, 因為我會飲埋啲渣 THX

我通常會順便做埋豆腐花, 豆渣會用來做餅, 包包, 肉餅 (可食少啲肉), 之前也試過加埋其他材料包餃子.

豆漿渣.......我又玩過喎

豆漿渣+隔夜餸.....

炒佢一鑊熟

豆漿渣蝦乾蒸肉餅

落左豆漿渣,肉餅會比較平時鬆散,無咁實,仲帶豆漿香添 !

我做過豆渣煎蛋，OK！很香酥。
沾辣醬食更正！

我今日都做左薑汁豆漿,因為要做麵包,所以保留豆渣,  屋企又冇工具,於是我用左一樣女仕恩物來做隔,佢就係絲襪哈哈哈 係唔係好驚嚇呢

要用新絲襪架,重有洗左幾次啦

下次都試下湯袋的效果先。
不過絲襪都快靚正,你唔怕核突都試下呀,但唔好比人知呀, 如果唔係果煲豆漿就得你一個人飲啦

好難想像加左薑汁個味道..好唔好味?