茶仔粉好似攪點左佢!!!!!!求救呀...點算呀佢好肥大呀!!!

我本來想加多啲泥比盆新換盆既青檸, 翻起泥時見到佢...好超驚呀..有成十多條肥蟲...用拑夾住佢會感到佢用力反抗, 想像吓佢幾巨型.. . 同我盆青檸啲樹幹同葉有啲黑色好似粉末既唔知同啲蟲有冇關係. 請幫吓我呀....

似係蛆蟲，係咪落咗花生麩冇埋落泥下面？

係呀係呀.重有骨粉添...花店啲人教我一齊放泥疧架...佢好大喎....蛆蟲唔係細架咩...點算呀我其他的植物都放左呀....

第一次見咁肥大既蛆蟲
平時見到果d 只有5-6mm長

應該唔係蛆蟲, 似係蟬的幼虫啫, 唔好驚!
蛆蟲唔係咁樣架!

eeeeee.... 最驚就係蟲架喇.

咁要點呀...要換晒啲泥嗎?  要用滅蟲葯嗎?

呢啲應該係雞母蟲,金龜子幼蟲,老師話會食根既,
我之前社區園圃幅田都有,殺左十幾隻,之後去花墟問人話用左茶籽粉,唔知有無殺哂,但植物啲根無事。

茶仔粉點用架可以教我嗎？

我買呢隻,有教點用
http://www.liefs.com.hk/goods.php?id=1011

我買金葉牌,包裝上寫 -
"每1000平方呎,施用5至10公斤,均勻灑於泥土上,然後用水灌溉"
我放左好多,淋水時出泡泡

Josie > 花墟大大隻字寫住「有機耕種」果間有(呢個集團喺花墟開左三間), 你都可以去賣有機產品既商店問吓, 因為茶籽粉可以用唻洗頭、洗碗。

fly's baby

今日揾到包茶仔粉, 放左好多係泥面到然後淋水, 好快就有一條大蟲同好多蝸牛浮出泥面呀. 茶仔粉真係得咁喎..  

佢話家用架, 不過唔理咁多一於用左先算..

thanks  yky_farm 你既資料呀...包茶仔粉話係清潔用架....不過唔理咁多試左先算..

用茶籽粉加水的確係可以減少土裡的蟲, 不過唔可以一次過滅殺, 而且次次都仲要淋到好濕, 蟲先會死或走出泥面, 植物太多水可能頂唔住, 所以呢.... 如果唔係食用植物, 可以考慮用化學品, 花虛有唔少店舖賣滅殺蝸牛類的藥類(對土下的蟲有滅絕的作用), "繽x"都有賣, 呢種藥效力唔錯, 不太傷害植物本身。

ps: 之前有好多小飛蟲, 仲有蛆等等, 我已經試過唔少方法殺蟲, 浸水/浸茶籽水/浸洗衣粉或洗潔晶/甚至浸稀釋左既殺蟲水等等, 結果, 是有減少的, 但過一排蟲又再次爆發。於是我嬲嬲地, 用1:50既漂白水浸泥 4-5 小時, 所有蟲雖然迫到浮出了泥面(嚇死我, 真的有幾百條蟲), 但係, 我用竹籤挑佢地, 原來大部份既蟲都仲識郁.... 浸5小時都漂白水死唔到!!!! 怕怕了~~~ 惟有用化武~

我想問一下, 如果系食用的蔬菜, 用完化武, 咁仲食得咩?

有d化武寫明, 食用前10日不能落藥.... 不過, 睇你信唔信啦~

上文已提到 "如果唔係食用植物, 可以考慮用化學品"

請問你用什麼品牌的化武？

因為近期好多飛蟲/土蛆, 之前有花友介紹用茶籽粉, 用過後有效果, 但不持久(可能我唔識用), 不過, 因為我種花多, 所以用化學品都ok, 我會係花墟買白色包裝殺蝸牛用的及 綠色包裝"香x 殺蟲劑"灌土, 兩者合用兩三次即可, 對飛蟲/土蛆有奇效~  

D蟲好核突吓喎...

金龜 0既幼蟲﹐佢 0地主要食腐爛 0既植物、植物 0既塊根、植物 0既塊莖﹐我 0既盆栽都有﹐但係佢對我 0的植物 0既危害並 0吾顯著﹐而且有佢 0地 0既地方﹐泥土仲特別鬆散﹐所以我冇刻意消滅佢！0的圖 0既次序亂晒....