中國是否係彿教國家？

八王爺 發表於 2012-6-8 12:53
又叉開話題，其實歌哩，無新舊之分，只有「有冇聽過」。
世界咁大，人又怎能同時聽晒全世界咁多歌？

不過水母的意思可能係因為國家封閉, 國民接受外間新事物的權利被剝奪.

香港有地標大彿，大陸有出名嘅少林寺，加上唐僧取西經的故事，又睇見有咁多人走去求神拜佛，先至諗吓中國是否係彿教國家嚟啫？到依家大家都話唔係，我再拉布都係俾人剪架lar。

八王爺 發表於 2012-6-8 12:53
又叉開話題，其實歌哩，無新舊之分，只有「有冇聽過」。
世界咁大，人又怎能同時聽晒全世界咁多歌？

或許我解釋得唔清楚. 由於水母中學時代有玩音樂, 聽前輩說89前的中共係唔接受搖滾流行音樂, 當時打band 在內地是禁止活動, 所以Beyond就算有歌, 內地政府都會盡量封鎖.

八九後, 內地政府漸漸接納多元音樂文代, 直到九七, 水母在西藏聽到Beyond的歌 (最多人唱海濶天空), 當時在西藏, beyond真的很流行, 水母心裡就很感動囉~

唉......燒金銀衣紙係比現世人睇, 佢地咁燒法一定係道教觀念, 都話中國人係道教為主架啦,
彿教係[萬般帶不走, 唯有業隨身..] 咁點會燒野呢個CONCEPT呢係咪

E+好多都係MIX埋架啦
你見只係念經超道個D咪係彿教咯, 行大禮跳晒火團個咪道教咯

我乜教都唔信但會去了解個CONCEPT咯, 所以我會話我信瞓覺

dick168 發表於 2012-6-8 13:41
香港有地標大彿，大陸有出名嘅少林寺，加上唐僧取西經的故事，又睇見有咁多人走去求神拜佛，先至諗吓中國是 ...

其實大家都係關心你, 才會和你分享大家所見所聞. 如果樓主對此題目有大興趣, 不防去圖書館借閱一些中國宗教文化史, 好好睇架. 水母中五時有讀過少少, 所以知少少中國在過去和現在的宗教變化. 其實中共上場到文革, 的確做過一輪禁止宗教宣傳的活動. 幾十年過去, 現在中國是開放很多了, 思想開放多了, 當然和世界自由文化相對, 還是有一段路, 但總比停留原地好. 香港一開始就有宗教自由, 乜教都可以在香港生活 (除了異端), 這是核心價值, 希望大家珍惜咁解.

討論還討論, 有些東西也要定義一下, 例如乜野叫宗教國家? 點解大部份人說中國不是佛教國家, 大家並非要ban你的想法, 只係想提下你, 會唔會有些東西你未留意呢? 俾少少時間研究下, 或許你會找到更多知識呢~ 自由討論可令大家一齊進步架~ 歡迎多來分享啦~

首先多謝大家嘅關心及指教，不個重有的唔係幾明，依家有好多人去拜開流行嘅神，其實大部份是屬於道教嘅，但你問佢地、就好少人答你係信道教嘅，多數人答你的是信彿教，重話求神拜彿唔係彿教係乜嘢教呀？

近排見到有的親友陸續去入教，但大多數是基督教、少數是彿教。咁就奇怪lar，平時見佢地多數是拜開道教嘅神架！點解而家反而入咗其他教嘅？

喺彿教墳場燒金銀衣紙, 道佛不分等, 只是個別信徒行為, 作不得準亦沒有參考價值.

至於轉信他教, 原因可以很多呢...不夠虔誠, 因瞭解而分開, 轉錯運等, 都可以是理由...

最無言是信基督的外母去關帝廟幫我擇結婚吉日

dick168 發表於 2012-6-8 17:50
首先多謝大家嘅關心及指教，不個重有的唔係幾明，依家有好多人去拜開流行嘅神，其實大部份是屬於道教嘅，但 ...

好簡單既問題, 好多人去信教係因為心靈空虛, 特別係香港, 所有方向都好似無出路咁, 圍住身邊既只有唔開心既氣氛,
咁佢見教會比到佢一個好開心既地, 個個都好似好關心你同比到存在感安全感比你, 重將你唔開心既野交底比天主(其實即係無解決個問題)你咪留底咯
但有幾多基督教教徒係真係明個教義同奉行到個教義, 或個心係跟住個教義行呢, 我好質疑咯
因我見得太多教徒根本唔係做緊佢個教會所講既道理, 我身邊就有一個啦

我記得周x祥博士(環保博士)講過話其實佢去左外國咁耐睇左咁多宗教既野, 佢覺得基督教個根本係同我地道教觀念係不相容架, 所以佢做左咁耐翻譯都無信到

而我自己個人既想法係, 如果個宗教係可以導到你向善, 幫到你明事理, 令你個心平和既就係好宗教, 我信既係宗教哲學本身。
如果只靠禮節去令你浸泡係個宗教度(你可以話係洗惱), 咁對你個人既成長同提昇係無幫助, 咁亦即係無用咯, 信黎只係一個交际既活動咯

Monk's  認同, 外母出發點都是為我們好

呀你提醒我, 等我介紹一個網台節目佢聽先, 有興趣都可以聽下
呢個網台係偏激架, 所以我只會聽比較中肯既節目

浩浩熵熵
http://www.hkreporter.com/channel_list.php?channelid=363

jellyfishy  最緊要知自己做緊乜, 人地係點係人地的事, 不受人影響, 活在當下, 自然發現其實自己很快樂, 身邊有很多精彩野~  

活在當下真係好緊要, 但真係好多人會令你做唔到呢樣野......唉

重有一個比較高深d既節目...我諗我都要開始聽下.....等下星期開始忙時要聽下道啦.

http://www.ourradio.hk/page/prog ... adventures/___yuan/

jellyfishy  你都發現左好多精彩東西喎~ 嘻~  發表於 5 小時前

我做野時鐘意有d聲架麻, 所以咪揾野黎聽咯
初時係聽古怪野, 但聽得多都會悶咪聽下其他咯

多謝水母今日一夕話, 我有所領悟, 真係要放下 :>

再次感謝各位版友之詳細解釋，喺呢到真係學到好多嘢。thankyou！

我唔相信世界上有神存在，更加唔會入任何教派，但係就見到乜嘢神都拜嗰的人，唔信佢又拜佢是甚麽心態呢？

Monk's 發表於 2012-6-8 22:05
喺彿教墳場燒金銀衣紙, 道佛不分等, 只是個別信徒行為, 作不得準亦沒有參考價值.

至於轉信他教, 原因可以 ...

其實你外母只是體現中國宗教的特質--包融性.
從古到今,中國宗教都具有強大的包融性,不論儒家釋家道家,全都可以融滙在一起,中國百姓今日求釋家的菩薩,明天拜道教的神仙,又奉行儒家思想,全部都没有抗拒排斥,所以基本上會視中國宗教以民間宗教為主導,而中國民間宗教以包融性為最大特色,只有極少數人有機會學習正統儒釋道的理論,普通人根本唔會分亦唔會理佢地既異同.
我都有個同學信天主教,但又鐘意觀音菩薩,佢見到觀音會去拜,又係分唔出係佛教寺院,道觀定民間觀音廟,觀音係佛教既菩薩,但道教又重視觀音,而民間更有'家家觀世音'之說,可見儒釋道不只互相薰陶,而民間傳統亦會反過來影響儒釋道.

dick168 發表於 2012-6-9 17:45
再次感謝各位版友之詳細解釋，喺呢到真係學到好多嘢。thankyou！

我唔相信世界上有神存在，更加唔會入任何 ...

中國有句說話:'舉頭三尺有神明!'咁中國又真係有好多神,如果你瞭解中國宗教既包融性,唔難明白見到乜嘢神都拜嗰的人,點解可以同時接受眾多神明.

曰本有八百萬天神，連手機神都有。包你地未聽過！

corina 發表於 2012-6-9 19:09
中國有句說話:'舉頭三尺有神明!'咁中國又真係有好多神,如果你瞭解中國宗教既包融性,唔難明白見到乜嘢神都 ...

其實可否這樣講:
大部份既中國人都無宗教信仰, 只有迷信. 他們所做的都是要解決問題, 並不表示有信仰.
君不見, 他們從不嘗試瞭解下那個教的教議, 而只是有需要時才採取用一下:
有困難, 要借錢時就搵觀音, 佛教, 救苦難嘛.
想知流年, 要擇日子, 找風水先生, 術土, 道教, 要問前程.
貫切唔理好醜, 但求就手的實用主義.

ht333147 發表於 2012-6-9 22:59
其實可否這樣講:
大部份既中國人都無宗教信仰, 只有迷信. 他們所做的都是要解決問題, 並不表示有信仰.
君 ...

從宗教學角度嚟講,冇一種宗教係迷信既,唔理你係信基督教,天主教,佛教,道教,回教,東正教,武士道,非洲某族宗教,南美洲宗教,定話你信科學,信毛澤東,信金錢,信權力........
如果你張宗教定義一神信仰,要有統一宗教團體,要有明確教義等等,但這只是適用於西方宗教,亞洲宗教好多時都唔係咁咖,再講落去,要探討宗教定義,宗教二字翻譯問題喇.
以前讀儒家時,教授講到中國'舉頭三尺有神明',當中既神明其實就係我地既'良心'.古時普通中國百姓未必懂得各種深奧既宗教理論,但其實簡單既儒釋道思想已經植根於民間宗教,以前有個鬼佬教授去黃大仙影咗張相,係一位婆婆跪在黃大仙前求簽,婆婆面上虔誠既表情令佢深深感動,係咪實用主義?讀宗教既人唔會咁睇.......其實你信邊種宗教根本冇得解,可以有一萬個理信要信某教,但同樣可以有一萬個理由唔信!

看到了大家的回覆，園藝館果真是臥虎藏龍之地，內裡高手如雲，小弟慶幸能得參與討論，真是獲益良多。.

偈曰：儒冠道服釋袈裟，紫竹紅概白心芽；紅蓮白藕青荷葉，三教原來是一家。我尊重所有教人向善的宗教，但堅決反對導人迷信的教派。

corina 發表於 2012-6-9 23:51
從宗教學角度嚟講,冇一種宗教係迷信既,唔理你係信基督教,天主教,佛教,道教,回教,東正教,武士道,非洲某族 ...

從宗教學角度嚟講,冇一種宗教係迷信既
非常同意.
亦無一種宗教會話自已是導人迷信.
不過對年初一十幾萬人爭上頭注香, 每年觀音借庫日子, 萬頭鑽動, 銀碼比美國的QI還要大, 年年的流年書賣個不亦樂乎,
是不是以迷信來解釋較貼近? 人們為想達到一已目的, 但自已都覺得渺茫, 唯有借助宗教來增強信念?
亦無一種教派指示信眾如此做的, 是人們自已想當然, 或一些神棍如此說...
借庫的人, 每年這天才記得觀音兩字, 甚至連正確名稱是觀世音菩薩都唔知, 還不是迷信?

迷信之定義

曾經見過有些教派、叫病人不要服用醫生開出的藥物。也曾見過有些親友在教友聚會講道時痛哭流涕、感天動地，嗰的表情連周星馳也被比下去了。