本帖最後由 菜妹 於 2012-6-5 03:20 編輯
喵喵 (仔) 改唔切名, 佢就對"喵喵"有反應
我係負責助養, 淨出錢冇乜機會俾我照顧. 2星期探一次.
親友係2006年夏天係街執到佢,當時仲係猫BB,全身甩毛同爛肉,係馬路草叢邊聽到佢喵喵叫發現佢. 之後同佢睇獸醫打防疫針, 做左半年甩毛猫, 慢慢生返D毛出黎. 原來好靚仔架. 猫仔好怕陌生人, 醫左足足1年先完全健康返晒, 每次都要獸醫上門同佢打針, 帶佢出門口佢會失控. 我諗係童年被遺棄, 所以勁驚出門口.
猫仔好有性格, 鍾意既人就同佢玩. 唔鍾意人就成世都唔彩佢(有魚食都係咁, 冇野可以收買佢).
平時人做乜佢就做乜, 起身, 食野, 睇電視, 訓覺都係跟人架.
最叻都係食同訓.
平時好少會聽到佢出聲, 最多見人食野, 叫下你請佢食埋一份咁.
到2009年養佢果位親友同我都要出國, 成年都冇人照顧, 於是同佢搞移民, 送左去天津陪阿婆阿公.
而家7歲仔啦! 冇同佢做絕育手術, 好安靜, 知有人訓覺一定唔會叫既. 2位老人家都成日讚佢乖. 猫仔而家有間私人大房連露台俾佢玩,好食好住. 過緊退休生活 |