有無住附近既人可以幫幫忙影相?

事緣係我d朋友知我有種菜, 係傾計時講過希望50歲退休買塊地種野, 最近佢既朋友個老細(阿伯)想將d地賣出, (話d仔全部係外國唔會番黎種田咁話), 咁我朋友就問左d資料番黎, 不過講明要自己去睇地, 因為擺左好多年, 唔知有絛人霸左黎用, 如果真係有人霸左就要自己叫人走.
佢俾d資料係用地段既, 我上google又無果度既相睇到(白痴! 山頭野嶺梗係無啦 )
所以想睇吓有無人住係附近或者會去開果邊, 幫手影相咁lor.
另外就係有無人有經驗買過地, 有咩要留意呀? (我只係知道農地可以起一間工具屋, 同埋銀行唔會借按揭 )

第1塊地係加洲花園同錦繡花園中間, 有17000呎

第2塊係加洲豪園對落, 6100呎, 第3塊係再落少少, 攸美新村左邊3050呎, 第4塊就係第3再落少少2600呎

第5塊好遠 , 係古洞水塘附近, 6500呎

我諗近錦繡加州果d應該會有人霸左黎用

想請問這些是農地, 屋地還是什麼種類的地 ?

csw_sylvia: 朋友話係農地, 不過都叫我睇左地方先, 始終搭上搭, 岩既再搵律師樓check清楚d. 其實仲有一塊係牛潭尾, 不過附近都無d地方聽過既所以唔諗.
karen: 我都覺得會....但係我住港島, 好難過去睇呀

C.C 發表於 2012-5-27 00:28
csw_sylvia: 朋友話係農地, 不過都叫我睇左地方先, 始終搭上搭, 岩既再搵律師樓check清楚d. 其實仲有一塊係 ...

如果真係有人霸左塊地黎用，就重要話要自己叫人走？政府趕都趕佢唔走 lar！

搵律師樓check清楚個塊地都冇用？ yes！ 到入伙個時可能要租架直升機才能搬入去，因為個塊地周圍的路、到時會有好多人行出嚟同你講，你唔可以行！菜園村都要比幾十萬過路費 lar！

如果個到舊時冇屋存在更閉，即事冇水又冇電 lar！地政署真係唔會比你起一間新嘅工具屋咁笨實。

買農地睇左地都冇用，因為你睇唔到好多隠藏咗嘅人為因素。搵律師樓check更加冇用，佢地識收咗你錢之後，就同你講的乜嘢叫做合約精神，出咗問題後、就只會再叫你比錢同你打官司，佢地跟本上幫唔到你（你睇吓立法局的律師議員幾叻就知 lar）。

所以諗唔諗，就要睇你識唔識得鄉村人物、你識唔識做及他信唔信得過等等（好似好復雜咁噃）？

近日發現星X日報地產版有不少農地連農舍發售，價錢有平有貴，都係經地產放盤。唔知會唔會可靠D？

tomtomtom 發表於 2012-5-29 22:14
近日發現星X日報地產版有不少農地連農舍發售，價錢有平有貴，都係經地產放盤。唔知會唔會可靠D？ ...

個人經驗
信地產佬不如信風水佬

C.C  你唔好彩o者, 我相信每一行都有好人有壞人架  發表於 5 小時前


如果你天真到話 人地幫你影幾張相你就話ok的話
我相信你遇到果d 99.9%都係壞人......

當你仲相信地產佬的時候, 睇怕你都係唔好幫襯佢地啦
10次有10次呃你

問下律師穩陣d  ( 有律師幫手都可以奶野 )

樓主睇中個D地會唔會受高鐵影嚮？

( 有律師幫手都可以奶野 )

我有個朋友買了一座三層高丁屋，有圍牆有花園有大閘，四面單邊都有車路可以行車，全部係律師樓辦妥晒手續、比晒錢收齊樓契地契，己經入伙多年了，真係正到冇得頂。

有一日我行經佢個花園，望入去見到花園地上放了大量園林建築材料，睇個樣好似擺了很久冇用，於事就問佢點解咁浪費？點知佢話的村民唔比佢動工，因為佢個花園內有三個地方是屬於其他人雍有的，要動工就要比錢買埋佢地的地，否則重要收番的地潻。我個朋友而家要去告律師。茶煲！

dick168: 皇家地即係官地?? 咁即係霸番黎咋wor 唔怪得好似好平啦
gunbuster363: 我係想初步知道個位置, 有無搭野, 有無人用緊, 先決定下一步呀. 因為係朋友既老闆賣出黎, 所以先去睇環境, 如果睇相情況好差既話, 都唔使實地睇啦. 仲有就係個價錢令我有去睇既動力丫麻

有Lot no. 都冇用，所有的農地都係三尖八角嘅，唔係四四方方一Lot Lot嘅，中間重可能有政府地格開咗都有，詳細情形要請墨斗佬測量較正確。

測量咗後你用鐵網圍住佢都冇用，因為你唔係個度住睇實佢，第日去到唔見晒的鐵網。

長氣的再講的嘢比你地聽吓，我住個到方圓數哩大把荒棄農地，可是周時都有的地主嚟問我佢塊地係邊到？所以你影相同實地睇都睇唔到。

個價錢令你有去睇既動力係幾好，不過就可能乜嘢都睇唔到 lar，因為所有荒棄農地都唔會風光如畫，你睇見一定唔開胃。