本帖最後由 曖娜娜子 於 2012-5-15 23:15 編輯
多謝 babycherry, george 2位嘅評分以及加精
[2012.05.12 update]
因為系第一次遇見"棉小姐", 就算第一晚折騰完畢都始終個心形住形住~ 瞓醒後(11號)上黎睇睇大家嘅留言, 更加覺得前一晚做得唔夠徹底~
恰逢佐治打黎電話關心情況及細心提點, 隨後我又短咗kelly攞多D經驗之後, 再次拉高衫袖動手了~
以下系集合咗兩位前輩嘅提點內容, 萬一以後大家遇到相同情況希望可以幫到大家~(當然~唔會遇到棉小姐系最好啦~ )
1. 將所有用具(cutter,剪刀)用火酒消毒 (預防被用具上原有嘅菌感染)
2. 將染蟲嘅泥倒掉, 用已消毒的剪刀剪去所有根, cutter切去爛葉,有花要cut花.(防止進一步感染惡化)(垃圾袋要第一時間密封丟掉)
3. 製作殺蟲劑: 水+火酒+洗潔精(極少量)+洗衣粉(極少量) (棉花蟲的表面會分泌一層蠟質去隔開水分,而火酒能令其蠟質溶解,洗衣粉\洗潔精水可使它無法呼吸而死亡)
4. 將處理後嘅植株, 以及沖洗過後嘅盆放入3.中浸泡15分鐘後取出風乾, 之後換新泥入盆.(浸泡時可以將工具一並殺蟲消毒.)
5. 入盆後入溫箱(無冷氣的話要透氣)與家中其他植物分開擺放, 進入觀察期.
平日裡,都可用洗潔精+水輕噴葉面及葉底,達到防蟲效果, (1公升水滴入1-2滴洗潔精便可)
切記切記! 處理過程中所使用過嘅工具都要再用3.的殺蟲水浸泡才可處理其他植物,唯恐會殘留棉小姐之BB蛋~隨之帶給其它植株~
今天12號, 過了一晚, silvergalde meadows嘅莖全部啡咗 , cut咗4塊葉落黎插, 希望不要再爛~
[2012.05.10]
今天去旺角辦完事後就順道去花墟一轉, 因見花友們話繽X有20文花同苗兒, 於是想去睇睇~
在店逗留咗頗長時間, 最後帶咗3盆走~
返到家中見佢哋植料都水水的, 諗住擺一邊聽日先換泥, 但最後都心癢癢睇D斷葉唔過眼, 想要cut葉, 順便換泥~
唔換就可以早D瞓~ 但一切註定我要做夜貓~>0<
原本眼瞓嘅細胞, 喺抽出泥膽果一刻醒哂~
買三盆, 三盆都有棉花蟲, 而且一盆多過一盆~ 要斬頭~
睇下~ 養到D蟲蟲肥肥白白~
抆出下邊呢個泥膽時, 我頭皮發麻~ 戴住手套都手軟嘅感覺~ 真系唔識形容 >~<''
麻麻利利影完相去倒垃圾 @.@''
原本對繽X印象唔錯~ 但點解我第一次幫襯你, 你就要俾咁大個驚喜我啊~ D花花開緊花都要被斬頭~ 真系凳佢哋痛+難受~~ T0T |