議員(拉布)有無考慮公眾利益?

多啲聲立，咁先叫論壇。

唔好因為大家意見不合，人身攻擊。
只是議事論事。

大家意見不同呢個世界先至精采，大家都有病一齊討論吓都幾開心。

係邊個話今次替補機制修訂條例係惡法? 請不要人云亦云, 某某話係惡法, 就照單全收。

按政府相關之報告 (請留意3.11的內容), 較為中肯的「香港電台與香港大學民意研究計劃合辦了《香港慎思》研究計劃」, 有「57%的受訪者認為政府應該修改法例去改變填補議席出缺的安排, 另外31%的受訪者認為應該維持現狀，其他12%的受訪者則認為沒有所謂或不知道。」我相信香港電台與香港大學民意研究計劃是較為中肯的, 但他們的民調顯示, 2011年八月底至九月初，57%的受訪者認為政府應該修改法例去改變填補議席出缺的安排，只有31%的受訪者認為應該維持現狀。

我認為拉布, 唔出席立法會的泛民議員, 唔應該單憑某啲評論, 或佢地自己 (及某部份人) 認為嘅公眾利益, 而置香港整體利益不顧, 騎劫我們的立法會囉。至少, 佢地咁做之前, 要證明係有好多市民反對替補機制, 先可勞師動眾, 浪費立法會資源去反對。

簡單啲講, 政府做曬民調 (包括用香港電台與香港大學民意研究計劃), 證明市民支持超過/接近50%市民認為政府需要立法, 但玩拉布/唔出席立法會的泛民議員響沒有做任何客觀 (例如搵阿鍾庭耀做民調) 調查去證明市民反對替補機制, 並不合理。



maybabe  政府做既民調梗係有引導性架啦, 梗話支持佢架, 你邊次見到政府既民高係反對至得架....你又有無見到政府講話佢地肯面對反對聲音呀, 無呀只係話聽到  發表於 7 小時前
gunbuster363  民調可信的? 佢有冇講訪問左咩人? 咩年齡組別?  發表於 4 天前
===========================================================
Mmm......政府做既民調「梗係」有引導性架啦....點解梗係呢? 其實有冇睇過份報告先講? 我諗港大同商台唔會因應政府要求而誤導市民卦。

替補機制違反《基本法》、《人權法》及《公民和權利國際公約》，不合理地剝奪市民選舉權。《基本法》第六十八條規定「香港特別行政區立法會由選舉產生」，「由選舉產生」的基本要求為「選民的意志的自由表達」，而替補機制下產生的立法會議員並非在「選舉」定義下選出。

佢有權辭職,又有權再參選,你有權吾選佢,你亦有權參選去取代佢,佢的選攀與被選權仍要受保障

替補機制修訂條例由頭到尾都係惡法,起碼政府原先設計就以惡法形式推出

empire 發表於 2012-5-11 18:27
係邊個話今次替補機制修訂條例係惡法? 請不要人云亦云, 某某話係惡法, 就照單全收。

按政府相關之報告 (請 ...

即係你覺得多數等於正確?

到底呢一千幾人對議題認識有幾深? 還是只會人云亦云, 盲目相信高官如催眠般說「替補機制有漏洞」?
你只提到第一輪民調。你沒有引述的是，經過深入辯論，反對修例的人變得比贊成的人多：

第二輪及第三輪民 調分 別在香港電台舉行的《慎思辯論》節目舉行之前及之後進行，受訪者只得85人。第二及第三輪民意調查結果發現，《慎思辯論》前，表示支持修改法例的佔 49%，而贊成維持現狀的佔 48%。辯論會後，表示支持修改法例和維持現狀的分別為 43%及 55%。

如果財爺發表財政預算前，民調顯示政府應派六千元或更多，那是否應從？
對與錯應憑專業知識是其是、非其非。如果議員只懂媚俗媚權，看不到市民看不到的問題，選來何用？

empire 發表於 2012-5-11 18:27
係邊個話今次替補機制修訂條例係惡法? 請不要人云亦云, 某某話係惡法, 就照單全收。

按政府相關之報告 (請 ...

你諗真D~ 如果人地做錯野, 罰你呢D 唔係惡法係咩?
而家政府表面睇係懲罰議員, 實際係令選民失去應有既投票權~
如果議員係唔做(人地想做公投), 而佢再出選, 選民自己會選擇投唔投佢, 而呢個選民既權利, 唔係政府既權利~政府係咩情況之下都唔可以唔比佢出選~
你可知道有案底既人都可以出選, 點解一個resign 既人唔可以???
我可以講而家所有民選既議員都唔可以剝削我既投票權~
呢條例就係剝削我應有既權利~
咁唔係惡法係咩????

政府可以話RESIGN 罰錢~
不過唔可以唔比佢再出選~

我只能說, 做人不要太五毛........

不要當正自己最有批判思想, 不要當自己最醒

sammy 發表於 2012-5-11 22:45
即係你覺得多數等於正確?

到底呢一千幾人對議題認識有幾深? 還是只會人云亦云, 盲目相信高官如催眠般說 ...

以陰謀論來看, 可以話係PK僧政府故意做成泛聞是乞人憎的, 雖然他都算乞人憎.
領會, 高鐵, 以至這些所謂惡法, 都擺成強硬姿態推出, 引出泛聞及受影響的人全力反對,
在社會沸沸揚揚, 都是在最後勉強通過, 注意及爭拗都集中在做與不做.
反而無人留意魔鬼細節, 高錢要追加造價, 領會就任人魚肉, 但是政府無需負責任
也無人問尊貴的議員點解搞成咁?
反對那幾位話, 我地一早都話唔好啦!!!
其實社會有共識, 領會是管理效率比屙房署好得多, 只要有適當法例/條例監管就好,
或預算領會可能賺盡做絕, 政府可以如何應對呢?
領會是上市公司, 謀求最大利潤, 可能的手段, 不難想到, 不過...唉...
高鐵都係咁...
家下地鐵加價又係無法可施?
社會發展, 我們大部分人都不反對建高速公路,
只要安全及效率達到要求就是, 總不能因為公路有可能引至嚴重交通意外就反對吧.

dick168 發表於 2012-5-11 20:06
替補機制違反《基本法》、《人權法》及《公民和權利國際公約》，不合理地剝奪市民選舉權。《基本法》第六十 ...

其實大家知唔知最新修訂草案係點?
依家根本唔係什麼替補機制, 正確點說, 是議員出缺安排一一即如果有議員出缺, 政府會安排補選, 只是禁止辭職議員六個月內在同屆重新參選。
其實上一次「五區公投」,已證明建制派唔配合參加重選, 根本就做唔到所謂公投效果; 若果佢地再一次為做show而攪另一次辭職重選, 只係香港市民付費俾佢地做show。禁止佢地辭職6個月內在重選實屬無可厚非。

faylo: 公眾利益就糸要惡法成死胎,要李角寶,霍振停坐足120小時,還返晒以前三點不露的時間

你以為拉布就可以叫佢哋捱義氣坐番夠填番d時間出嚟, 寶寶哥坐15分鐘就話唔舒服走人啦!  
真係唔明白d議題真係咁唔等得要趕喺今期搞掂~

empire 發表於 2012-5-12 00:01
其實大家知唔知最新修訂草案係點?
依家根本唔係什麼替補機制, 正確點說, 是議員出缺安排一一即如果有議員 ...

效果已經有~ 如果唔係唔會有2017呢個期票~
再者再搞五區公投再搞而真係要令到泛民出局係有票係手既選民, 唔係政府~

>empire  我唔引述第二及第三輪民調, 除咗人數問題, 仲有就係經辯論後嘅人係有bias的。
>gunbuster363  講得好, 估唔到得85人受訪, 仲唔係自己人問自己人?  

你地睇下現場先, 個場要幾大先放到千人?
http://app3.rthk.hk/special/pau/special_detail.php?aid=49

唔通經辯論前就唔會biased?

替補機制修訂條例是否係惡法?選民會自行決定,在九月立法會選舉中對付支持拉布議員,三個月後會令佢哋落選.

我係C9一名,什麼機制什麼拉布一概都唔識,一路以來我只覺得人民個幾位議員係到做SHOW,令我覺得好反感,再者什麼五區公投,佢地係佐敦道派號外,寫出選情告急怕失去議籍,要求市民投佢地一票,既然要拋個身出來攪公投,為何要出報呼籲市民投佢地一票呢?佢示威遊行瞓係馬路上,有無考慮過會影響到其他人呢?
總結:佢地做事係無考慮個公眾行益

esmonhk 發表於 2012-5-13 00:08
我係C9一名,什麼機制什麼拉布一概都唔識,一路以來我只覺得人民個幾位議員係到做SHOW,令我覺得好反感,再者什 ...

朋友
不如你睇下鄭家富議員的一番肺腑之言啦
佢足足講左十分鐘
講左點解要拉布

http://www.youtube.com/watch?fea ... d&v=tHPpngkenVE

佢地關心點樣撈多D油水多過公眾利益, 所以拉唔拉布唔係問題,
係政府想唔想令社會好D先係問題~但重心係社會係指民生定商業呢, 呢個就不得而知

gunbuster363 發表於 2012-5-13 01:16
朋友
不如你睇下鄭家富議員的一番肺腑之言啦
佢足足講左十分鐘

朋友多謝你介紹我睇呢條片,不過我個人的睇法依然無變

我只能說
泛民議員為你們爭取
反而被你們反對
真是諷刺

有能力的朋友, 快d移民啦
香港冇出路架啦