分享授粉及插葉方法

曾經刨左好多POST 睇下點授粉及插葉, 有好多方法都好好, 但各有優點及缺點, 我現在都是用這種方法, 各位花友可以參考下, 睇下啱唔啱自己用, 歡迎賜教

PART I - 插葉
REUSE D 密實袋, 用來插葉, 都過左成個幾星期, 個袋口唔可以封實, 比佢抖氣, D 葉都OK, 冇見到爛。
優點: 可以防塵防菌, 袋中可以KEEP 濕度, 唔洗成日理佢, KEEP 到濕度。
缺點: 塊葉爛左都唔知

夏天天氣熱, 都可以用密實袋插葉, 只需將密實袋貼在涼快的牆上就可以cool down, 大家可以試試看。

PART II - 授粉
兩個星期前第一次授粉


今天第二次授粉, 亂咁CROSS, 好玩
做法

先將花粉囊剪下, 用牙纖撕破, 花粉就是這樣

用牙纖輕輕沾上一點花粉, 塗到雌蕊上, 貼上父母株資料及授粉日期, 完成

以上只是個人做法, 不保證一定得, 結果後也要等果實枯萎後先可收種子, 如能成功, 會定時加圖UPDATE.

好有用嫁分享, 多謝晒~

多謝你資訊！

458 塊葉好得別呀...特別方既

我爬過文都試過授粉,但都唔成功! 你努力!!!

你個插葉方法好正！
又唔怕整亂D葉。
今晚要試試整理一下。

好好ar, 好整齎和慳位的方法, 多謝分享.

REUSE D 密實袋, 用來插葉
優點: 可以防塵防菌, 袋中可以KEEP 濕度, 唔洗成日理佢, KEEP 到濕度

你插葉方法...慳位...整齊...一個字正呀...

我試左你個插葉方法了，但我覺得容易爛葉，塊葉係袋裡跌來跌去，好難控制。已經有二塊花友分享既葉爛左。我諗星期日要抽返曬出黎，用兜仔放珠石插，咁樣塊葉面會無咁濕。我手作仔，數量少，每日都會望下插葉既進度。

sandylam 發表於 2012-3-27 00:54
我試左你個插葉方法了，但我覺得容易爛葉，塊葉係袋裡跌來跌去，好難控制。已經有二塊花友分享既葉爛左。我 ...

我用釘書機釘住個袋, 固定左塊葉, 咁佢就唔會郁來郁去, 爛葉唔係因為呢個方法既問題, 就咁浸水都會爛葉, 係因為塊葉過老, 或受細菌感染, 呢個方法係台灣好多人用緊 , 仲有好多處

但我覺得連葉面都好濕喎
有時見個袋都有水氣。

咁樣插葉太濕la...同埋固定唔到塊葉...啲根唔會生得靚...用試飲杯插再放保鮮袋會好啲！

Karly0706 發表於 2012-3-27 09:16
咁樣插葉太濕la...同埋固定唔到塊葉...啲根唔會生得靚...用試飲杯插再放保鮮袋會好啲！ ...

我是試試看, 一個實驗, 我同一時間也有用水浸葉, 不過呢個方法真係好慳位,

我想問用水浸葉密度太高會唔會好易浸死架?

lok_1980 發表於 2012-3-27 12:06
我想問用水浸葉密度太高會唔會好易浸死架?

塊葉本身有問題, 葉太老或有感染都會枯死, 要一杯浸多塊葉, 我會一星期換一次水, 但浸葉要給它哂陽光, 生根會快很多, 而且到夏天插葉就要在有冷氣的地方,  

多謝你資訊！

PART1 好節省空間，可以一試。多謝你資訊！