印式乳酸飲料LASSI

自製酸乳

工具:

一公升煲鮮盒連蓋

真空煲或能保溫的器具一個

(沒真空煲可以到十蚊店買一個發泡膠保溫箱代用)

材料:

一公升鮮奶

鮮乳酪3湯匙

做法:

• 鮮奶不要放雪櫃，要用室溫的奶。(或使鮮奶溫度至42-46度)
• 將鮮奶倒入煲鮮盒與鮮乳酪混合。(先用少許奶溶了乳酪再倒入奶中比較好混合)
• 蓋好蓋子。
• 煮沸一鍋水倒入真空煲內煲，放入保鮮盒，真空煲內的水大約至煲鮮盒高度70%。(放入保鮮盒後，水至保鮮盒的70%)
• 蓋上真空煲蓋，放置八小時即成。
• 放雪櫃可保存二星期。
  

註:

• 這是原味乳酪做法，喜愛甜的可以先將糖溶在奶內，再放至室溫使用。
• 也可以用奶粉代替鮮奶，我試過用有機羊奶粉做，一樣成功。
• 用低脂奶做出來會比較稀，用全脂會比較椆。
• 放置八小時酸味不會太重，感覺像是在吃燉奶，放置十六小時會比較酸，不是太多香港人能接受，所以時間還是看個人口味。
• 吃到最後請留下三湯匙作為下一次的乳酪種籽。
• 一公升奶做的乳酪，一天吃一碗大約可吃七天。
• 網上教的方法是把牛奶加溫，再降到42-46度使用，我用我以往做的方法，所以使用室溫。
• 除了用真空煲保溫外，電飯煲，發泡膠箱等等能使溫度不易散失的容器都可以用。
  

印式酸奶Lassi

自製酸乳酪1杯
水3/4杯
蜂蜜1大匙
小茴香籽粉1茶匙(Cumin)<---可改用新鮮生果適量
檸檬汁1/2茶匙

做法︰
將全部材料放入攪拌機內，攪至幼滑。

註︰

• 食譜來自瑜伽飲食養生全書...書中講及太陽下山後就不適合喝lassi了，冬天太寒冷時也應暫停。
• 可能因為書中提及，他所說的養生法很注重消化之火(中國人叫作胃火)，他們不希望胃火變弱。
  
• 由於自製酸乳的酸度會隨時間改變，所以口味方面還是要憑經驗添加蜜糖量。
  

最便宜的菌種，超市就有賣，這個是我試過能成功的菌種。(超市賣的有些是乳酸味飲料，並沒有活乳酸菌，不能用來做酸乳酪)





適合風型人的小茴香Lassi

想問下呢, 市面出售既乳酪我都食過好多隻牌子, 其實佢地有d帶酸味,但城市超級買既 mxxxx 呢就無酸味, 其實係咪因為吳同廠吳同配方既問題呢????

土豆貓 發表於 2012-3-9 04:50
想問下呢, 市面出售既乳酪我都食過好多隻牌子, 其實佢地有d帶酸味,但城市超級買既 mxxxx 呢就無酸味, 其實 ...

唔喺掛，應該全部都酸，唔酸喺因為落咗好多糖！
你睇清楚個食物標籤？

土豆貓 發表於 2012-3-9 11:50
想問下呢, 市面出售既乳酪我都食過好多隻牌子, 其實佢地有d帶酸味,但城市超級買既 mxxxx 呢就無酸味, 其實 ...

常理呢...係應該有酸味，食唔到酸可能佢較淡，而且比其他味遮左。有活乳酸菌既酸乳酪，係越放得耐越酸架，仲會出水添。

市面賣既，有D係扮酸乳酪，即係唔係用乳酸菌做出黎，只係加香料、色素、酸味劑、增稠劑等等溝出黎，扮酸乳酪。
有一D係有乳酸菌起過作用，但由於商業考慮，要味道一致、保鮮、出品統一等等考慮，會做殺菌程序，將活菌整死，再加防腐工序。

最簡單係買番黎用奶培養一下，做得成乳酪既，咪有活菌囉...


基本上，如果食唔到酸味，我唔會當佢係乳酸飲料囉...

CK, "瑜伽飲食養生全書"你買定借?

peggykyw 發表於 2012-3-10 10:24
CK, "瑜伽飲食養生全書"你買定借?

cklife  買...大陸簡體版...係大陸舊書城買。  發表於 25 分鐘前
唔該CK!
因上瑜伽堂的導師有提到瑜伽+養生飲食, 有提到風、火和士型人的飲食, 等我買本來睇吓.

現在溫習，印度的芒果LASSI 最好味。

我都自家製酸奶，常常可以做LASSI，但我唔多食芒果，卻很喜歡芒果LASSI。
近來做了鮮桃LASSI 好正，但晚飯後喝，有時會有強便意。
如今再看原來有書介紹LASSI 不合適日落後喝，唔知有冇關係？

唔難整,我又試下先,謝謝介紹~

請問cklife，你留低旣乳酪種可以不斷重用？我買yogurt番黎用兩次之後會無咁大味，要重新買過，點可以keep住d味？

八王爺  其實唔明你個問題。因為做種的是上次做的留下一湯匙。即每次都是新的。不會用放很久或前一次的。

每次叫做係新旣，但係做出黎旣乳酪酸味都會逐次少左。

理論上既乳酪種係可以不斷重用，正如皇爺講既，算係每次都係新種。
但理論建基於，每次接種你既乳酪菌活力都不減，但影響乳酪菌活力既因素都唔少，操作者既經驗尤其重要。
所以，乳酪菌經若干次接種後活加大減，係常見既現像。

如果你既乳酪係放係適合菌種生長既環境，又每天都有接種，維持活力會比經過幾天先接種既方法好。
真係介意隔次就要買新種，想維持耐D，可以google一下關於乳酪菌生長既因素。

乳酪菌係有生命既，活既....你比個適合環境佢，又比夠食物佢，佢就肥肥白白囉。

我自己呢....懶得花心思管理，都在覺得活力不夠時就換種。

cklife 發表於 2013-4-23 05:30
理論上既乳酪種係可以不斷重用，正如皇爺講既，算係每次都係新種。
但理論建基於，每次接種你既乳酪菌活力 ...

明白晒，唔該cklife。我係有活力唔夠旣問題。yogurt機壞左而家試用電飯煲，睇黎要慢慢實驗。