本帖最後由 八王爺 於 2011-12-30 05:57 編輯
因為店鋪好少有香草腸出售,有都唔平,唯有自己做。
我喜歡用豬肉,因為比牛肉同雞肉平好多,同啲香草又夾味。
一般我做rosemary香腸,或鼠尾草香腸(sage)。
今日示範做鼠尾草香腸
材料:豬內絞爛720克;鼠尾草兩枝,約10克(少少就好大味,唔鍾意佢朕味,可以用冇咁勁嘅香草,或自己喜歡的香草)。黑椒碎2湯匙,不吃辣的不用加;鹽2湯匙;糖一茶匙;生粉2湯匙;清水十湯匙(有人唔落水,但啲香腸會好粗嚡)。
腸衣約180cm
腸衣已套在漏斗上。香草不是全部都用晒,只用了兩枝。
絞碎肉已加人調味和水,等最後加埋香草。
做法,去片:
肉已加入黑椒碎﹑鹽,糖拌均,攪到起膠,再加2湯匙水。
再攪,再加2湯匙水,共五次,直到十湯匙水全加完。
然後才加入2湯匙生粉,這樣肉才滑。
漏斗套上腸衣,掛上,下面放一盤,接住下垂的腸。
把攪好的肉,經漏斗塞入腸衣
過程快慢睇一個個人手勢,
我都好熟手,5分鐘塞完。
但中途停了下來影相。
塞滿了一大條約60cm,用咗三分一嘅肉。
先綁好中間,把香腸分成兩半
再在四份一位置綁一繩
完成。
香腸不用風乾,可直接煎食。
若要保存,可蒸熟放雪櫃,一星期內食完。
要放耐啲,直接放入冰箱冷藏,可放一個月。
如要像西式用煙烘乾,本人沒有經驗,不能教。 |