因為一段傷心既經歷, 令我無心種植.... 自己都唔想... (字海)

(唔知有冇錯版... 有的話請見諒v.v)

自小鍾意種花種草...
6歲果陣買左棵富貴竹,
種下種下種左6-7年...
08年既10月...
我同老豆去海洋公園玩...
我阿媽趁我唔起屋企,
無啦啦亂咁修剪棵野(果陣都成40CM高,,,,),
夜晚翻到屋企,
係極度傷心....
我罵佢: 無經我同意就修剪, 仲要亂黎... 你咩事呀!
佢駁翻我轉頭, 話: 我好心幫佢修剪, 你竟然仲罵翻我轉頭...
我: 我同你講! 植物都有生命架! 你以為佢唔痛架!?
佢: 棵野郁都唔郁識鬼痛!?
喊左好幾日...

一段唔好既往事...
到依家我都無法原諒我阿媽,
呢世都唔會原諒佢.

事隔3-4年...
我打呢篇野果陣都好心痛...
起呢3-4年入面...
我種左好多植物,
而且放左好多心機...
但都唔夠一年就死左....
都唔知自己做咩....
好想種好啲植物,
我已經每日幫佢地淋水, 比佢地灑下太陽....
長大左就換盆.....
種極都冇用....

其實我一直都係咁唸...
植物係有感情...
但我地人類feel唔到,
最誇張既係,
我覺得佢地係有感覺...
會知道咩係痛....
(當我痴線吧.... T^T)

自己無意變左個植物殺手....
我想繼續種野,
但因為呢件事變左我既"童年"陰影...
搞到依家都唔知點好....

希望各位不喜勿插... 始終呢件事都係放唔低...


永遠懷念您

要多溝通呀, 為什麼老媽子會剪錯你既花掉錯你既野? 因為佢唔知個樣野對你幾重要!
點解佢唔知? 因為你無講佢知囉!! 如果你父母知道d野對你咁重要一定唔會攪/掉佢地
我媽好耐之前都會掉錯左我既野, 起初我都會好唔開心, 埋怨老媽子
出來做野之後先知原來錯係自己身上, 錯在自己無同老媽子溝通
無同佢講邊d係我既命根, 後來我改為事無大小都同佢講, 之後佢都無試過掉錯我d野了

所以樓主多跟別人溝通就自然會減小誤會發生

GOODluck20x 發表於 2011-11-29 05:50
我仲慘呀~ 想當年我 ma 掉左我隻超合金黃金俠 , 仲有本價值連城o既郵票部...
每次搭 van 仔見到回收中國猴 ...

嘩.....中國第一枚生肖郵票你都有，仲俾阿媽丟埋！

真肉赤！

我仲慘呀~ 想當年我 ma 掉左我隻超合金黃金俠 , 仲有本價值連城o既郵票部...
每次搭 van 仔見到回收中國猴年郵票系吾知幾多千 .. 真係想飲住杯檸水講好赤 ..haha

但父母無休止咁去投放愛,感情,資源 , 相比失去o既野可以話係微不足道 , 下世再比我揀我有咁o既父母 , 我諗怨言比今世少 .

"童年"陰影  ? 咁嚴重 ?  要套用茂 c妹 o既話 , 吾好用放大鏡去睇你認為人o地做得不妥o既地方 .     

希望樓主不喜勿插... 始終係我個人睇法...

種植係用一種開心嘅心情去享受。
唔係更張，不安...。放鬆自己。
正如我向公司垃圾箱，成日拾返老細開完花唔要個啲植物。
種得返，當然開心，死咗的話，我都曾經盡過力。無遺憾！

咁我一定喺冷血。
啲植物都死唔少在我手上，不懷念，不傷感。
有種未為死！再種過！

相信幾高既高手都有試過種死植物既時候, 每個人既經驗都係從中學習番黎.....家人幫你修剪都係想佢地生得靚d, 正如你去剪頭髮都係想整齊d靚d之麻.........感激家人既心意,放底執著後再從新再種過啦!!!!!

事隔多年, 都仍然未放得低, 是不是鑽了牛角尖? 也太執著.
雖然我不能說植物無感覺.
但我可以肯定修剪是對植物有好處, 尤其是家養的盆栽.
否則它無止境的生長(相對而言), 枝葉太多太大, 而根位空間不變, 供應不足, 植物會越來越弱, 甚至枯死,
而適當修剪是可以幫助植物維持活力, 更加健康,
也請恕多言, 家人只是對植物修剪, 並未有意加害, 原是一翻好意, 縱使當時未能控制情緒,
也事過境遷, 何必執著?
你種植不成功, 容易死去, 也自問勤加水, 晒太陽, 仍是不活?
你覺得這是對植物好? 它仍不領情, 捨你而去?
建議你在種植之前, 先了解一下該種植物的習性, 有些植物怕多水, 浸壞根, 有些植物怕晒等等
你視為照顧週到, 但對它來說未必適合, 甚至有害.
這是否有點與現實生活相似, 家人以為做了一件對你好的事, 但卻惹你反感..
也許了解你的脾性, 才在你不在現場時修剪....
放下, 植物死去可以再種, 只要肯研究必會種到的.
植物是否種死, 不是全由種植者可以控制. (就是我們這些稍有經驗的, 都時常種死)
是否可以放下, 100% 由你話事.

照顧一棵植物，我需要做什麼呢~

2008-11-27

我種過的虎耳草

我種過的虎耳草

2008-12-24

我種過的虎耳草

2009-01-10

我種過的虎耳草

2009-01-25

我種過的虎耳草

2009-02-03

我種過的虎耳草

2009-02-12

我種過的虎耳草

我種過的虎耳草

我只是上網找一些虎耳草的種植資料~然後照著做~

但跟媽媽對我付出的愛護~不可能相比吧~

媽媽我也愛你啊~謝謝你~

你媽媽可能不懂如何照顧你棵植物, 但她是出於善心, 你可以教她如何照顧, 兩人一齊合力, 愛心多了又有正當照顧, 花花會長得更好架!

唔知你信唔信, 植物能接收頻率, 好的頻仍, 植物會長得好d, 壞頻率(例如負能量), 植物容易枯死~  你呢幾年成日怨氣重, 植物接收多了壞頻率, 所以死得快~ 明嗎? 你也間接做了殺手喇~ 懂得放下, 好事才來架~

老和尚和小和尚一起下山雲遊
途經一條小河，正巧一個姑娘也準備過河
河水有些急，姑娘不敢過
老和尚就將姑娘背過了河到了對岸
老和尚和小和尚繼續趕路
小和尚心裡卻在琢磨
小和尚就問老和尚背姑娘過河是否是觸犯了戒律中的色戒
老和尚答: "我都放下了你還放不下"?

樓主對一棵植物6-7年都有咁深厚既感情,
唔知你對養育咗你十幾年既阿媽有幾多感情,
為咗6年既感情去傷害十幾年既恩情, 值得嗎?

睇樓主你仲係小朋友不論思想同你本人，你媽都係為你好唔想你對花對月壞前程，所以要做次衰人下毒手，你成績應該

樓主覺得佢地有感覺，咁你盆心愛既植物有冇同你講佢長期食唔飽呀?其實你好殘忍佢瘦弱幼小到,你棵花叫我告你:hug你唔應該嬲你媽媽:curse反而要多謝你媽媽幫佢脱離痛苦至真

(我就黎16歲...)

補充:
我果陣係種左4-5支富貴竹...
最高果支係40幾CM,
其餘既係30幾CM...
我翻到屋企,
我呆左,
我見到既係: 盆入面得翻1支(而且係剪到得翻10-20幾CM), 垃圾筒有4-5支... )
我就估到...
佢係咁樣亂剪...

邊有人咁剪架!?

另外,
起果日之前,
我成日同佢講過,
叫佢唔好搞我盆竹,
唔好剪唔好搞li搞路...
佢果陣仲話: 我邊得閒理你D野呀~
結果...!? 成盆野咁就冇左....

都係不厭其煩地講多次....:
起果日之前我係經常提醒佢唔好搞我D野,
佢次次都係話: 我唔得閒理你D野...

charles604498 發表於 2011-11-29 17:07
樓主覺得佢地有感覺，咁你盆心愛既植物有冇同你講佢長期食唔飽呀?其實你好殘忍佢瘦弱幼小到,你棵花叫我告 ...

我指既感覺係觸覺之類既野=.=

你又知佢長期食唔飽? 神奇BO~
你又知佢瘦弱幼小?

lamszehon 發表於 2011-11-30 13:39
我指既感覺係觸覺之類既野=.=

你又知佢長期食唔飽? 神奇BO~

我認為其實charles604498跟你開玩笑, 擬人法代盆栽表達意見: 一個盆種咁多, 又無修剪打理, 已經長得不良, 正好有人整理下.

有沒有心平氣靜的問家人, 為何多手剪去? 是否見著一盆雜亂的富貴竹, 覺得有礙觀瞻? 甚至認為太多太會密惹蚊蟲?
愚見認為, 即使是惡作劇, 也是無傷大雅, 植物會更生. 況且事過境遷了.
如果是好意代為整理下, 更加不值得激心了, 畢竟日常生活中, 錯配的情況多的是, 好心做壞事的例子多不勝數.
家人的好意, 就是不稱心, 也只好一笑置之, 那有放在心上的道理?
都說向前看, ''的''起心肝種過吧, 最好能拉埋家人落水, 獨樂不如眾樂嘛

話說回來, 這是園藝館, 高手多的是, 不論花苗分享, 種植經驗, 或會幫到你種好盆栽.
喜歡種甚麼植物? 環境如何?
說出來或會有些幫助.
  

ht333147 發表於 2011-11-30 19:27
我認為其實charles604498跟你開玩笑, 擬人法代盆栽表達意見: 一個盆種咁多, 又無修剪打理, 已經長得不良, ...

我認為其實charles604498跟你開玩笑, 擬人法代盆栽表達意見: 一個盆種咁多, 又無修剪打理, 已經長得不良, 正好有人整理下.
~我中文差, 請見諒

有沒有心平氣靜的問家人, 為何多手剪去?
~心平靜氣就冇, 問就有, 佢話見棵野生得高, 所以剪左佢, 但問題係佢冇問過我, 冇經我同意.

是否見著一盆雜亂的富貴竹, 覺得有礙觀瞻? 甚至認為太多太會密惹蚊蟲?
~唔雜亂, 好少蚊蟲.

愚見認為, 即使是惡作劇, 也是無傷大雅, 植物會更生. 況且事過境遷了.
~其實棵野係起我中二果陣就死左, 依家我中四=.=
咁我又問下您, 有個人斬左棵樹(樹幹), 棵野會再生嗎!?

如果是好意代為整理下, 更加不值得激心了,
~我當然知係好意, 但冇經我同意.

畢竟日常生活中, 錯配的情況多的是, 好心做壞事的例子多不勝數.
~同意, 我曾經都有好心幫人, 點知比人話翻轉頭, 令我以後都唔想幫人...

家人的好意, 就是不稱心, 也只好一笑置之, 那有放在心上的道理?
~其實呢件事同時都係一個教訓.... 就呢件事提醒自己以後小心D...

都說向前看, ''的''起心肝種過吧, 最好能拉埋家人落水, 獨樂不如眾樂嘛
~暑假至開學, 我幾乎冇種過野... 因為中四會好唔得閒...
我阿媽好憎植物, 我D植物通常都係放起窗台, 有好幾次, 見到佢"山"窗果陣, 專登整"林"D植物...

話說回來, 這是園藝館, 高手多的是, 不論花苗分享, 種植經驗, 或會幫到你種好盆栽.
喜歡種甚麼植物? 環境如何?
說出來或會有些幫助.
~嗯, 我見呢度好多都係大人... 其實我偏向鍾意種農作物, 但我係住起大廈, 唔知點種...

有樣野想再補充:
其實我阿媽憎植物,
有幾個月, 我種緊綠元寶,
唔算大棵唔算細棵, 放左起窗台, 有次我阿媽拉窗廉,
我係見住佢突登整"林"棵野...

一棵綠色既野起你面前,
你拉窗廉果陣當然會撓過佢...
(除非棵野好細粒...)
之後我"bea"住佢,
我話: 你整"林"佢啦! 你睇唔到架?
佢: 咁又點? 佢又唔會痛...

唉... 憎植物都唔好搞到我棵野.... 好自私囉!