新手一問!!!

A1 : 如果向秋天,油溫同氫氧化納溶液約40度開始混合,TRACE時解至卅度左右都冇問題,記住,冬季要保溫,秋天要睇情況

A2 : 快慢都可以,不過手快會快D TRACE, 但小心強鹼混合液會濺起~入模時 DUN 多幾下,等空氣走出來,不過都係果句,小心強鹼混合液會濺起

要注意,買精製椰油,初榨可能雜質多,太快杰左,未能均勻混合油同鹼

開咗工...但係失敗咗~

我跟咗娜娜媽本書用"牛奶冰"加入氫氧化納內.
但係啲氫氧化納一啲都唔溶,冇煙出,
攪咗15分鐘氫氧化納都仲係一粒粒
唯有座熱水攪, 但係始終都溶唔晒~

跟住落咗部份氫氧化納倒入油度.(温度:兩者都係三十六度)
初時氫氧化納沉底,但之後都混合到
越打啲溶合液就變得越深色
打到手軟都去唔到打8字的地步,只係trace到一條線(温度:二十四度)
最後都有入咗盒
..不過我估唔成功

quota: "買精製椰油,初榨可能雜質多"
我仲估"精製"同"初榨"雜質少啲會快啲trace添 ...真係有排學

enemy 發表於 2011-10-19 12:30
開咗工...但係失敗咗~

我跟咗娜娜媽本書用"牛奶冰"加入氫氧化納內.

係d NaOH 是否大粒裝?如果太大粒會比較難溶,你可以用水50-70%,其餘先加冰降溫~
娜娜媽有一本書編制時係錯左,唔記得邊本,不過留意程序就可以~切記,係NaOH倒入水/冰中,同埋係鹼水倒入油中  

如果係初學,最好買d粉狀 NaOH,因為驚溶唔晒新手未知點處理

NaOH好似即沖花旗參茶的size (在"天lai"買的), 我唔識分大定細

我都係係NaOH倒入水/冰中 & 鹼水倒入油

我唸下次會試吓"用水50-70%,其餘先加冰降溫"
不過會放假先攪...昨晚洗洗抺抺完都攪到3點先瞓...而家返工好眼瞓

我想問打牛奶皂,
可唔可以先預先1/3 開左個NaOH 先, (40度左右)
再混入油同奶再打至TRACE???? (40度左右)
D 奶會唔會燒焦

我覺得最安全的方法是用冰或冰奶開Noah，不會咁易焦之餘，開好的NAOh 也不會太高溫．

如果要用奶開NaOH, 就更要冰，否則99%焦！　

先用水冰開NaOH，係可以的，但之後下奶都要用冰奶，否則還是會焦的．

如果等到trace才加奶，也是可以的，到時奶就不用冰了，但要準確控制水量，即係溶NaOH 時要扣定後下的水量，太多水會令皂好軟好難乾，也很難脫模，太少水溶NaOH會有機會出現不能全溶的情況，到時造好的皂會有些油無trace，有些NaOH粒粒還留在皂內，那就不好了．
太少水也會影響trace 的時間，總之．．．．唔想咁易失敗的話，可以用水打皂先啦，熟左步驟再用奶打皂囉，一樣咁好用架．

我用冰開NaOH,一啲反應都冇(冇煙又冇"炸"一聲) 會唔會係太低温??定係啲NaOH唔得?

enemy 發表於 2011-10-19 14:21
我用冰開NaOH,一啲反應都冇(冇煙又冇"炸"一聲) 會唔會係太低温??定係啲NaOH唔得? ...

我都好姒無煙無聲, 不過好易溶晒, 我唔係用冰開, 係用冰水開

enemy 發表於 2011-10-19 14:21
我用冰開NaOH,一啲反應都冇(冇煙又冇"炸"一聲) 會唔會係太低温??定係啲NaOH唔得? ...

你係一次倒晒d NaOH落去?
NaOH應該分3-4次倒入,每次倒入都要攪拌先得

分咗4次,
第一次落了一湯匙左右, 見佢冇反應之後就整碎啲冰攪咗一陣再落第二次
第二次都係冇乜反應(温度: 二十二度)
跟住就座熱水再落(最終温度都唔過三十度)

我唸今晚返去應該試一試用室温水同奶,睇吓有冇反應~
最多試完之後攞啲水去通渠

enemy 發表於 2011-10-19 14:40
分咗4次,
第一次落了一湯匙左右, 見佢冇反應之後就整碎啲冰攪咗一陣再落第二次
第二次都係冇乜反應(温度:  ...

你可能太心急～　一般溶NaOH的時間要用上最少10min，如果室溫較涼，可能要15min呢~~　
攪頭5分鐘係會見到好多NaOH粒粒响水～　一般5min左右ｄ冰會溶晒～　溫度會升高到50度以上．
你用熱水座，實在有點危險，NaOH水彈了出來有機會燒傷皮膚架～

enemy 發表於 2011-10-19 14:41
我唸今晚返去應該試一試用室温水同奶,睇吓有冇反應~
最多試完之後攞啲水去通渠 ...

你唔信可以試下架～　我寫包單，奶水溶NaOH，到時100%變左啡黃粒粒～～～

菲媽，你個做法唔好俾人知呀，太危險喇～～～　
我平時打皂，一定係一個人在家才進行～　  嘻～

除了桌面放報紙，手戴套，著舊衫外，地面也會鋪報紙架～　仲要保持空氣流通～
打完皂一定會洗手洗面！　始終NaOH係腐蝕東西，大家要留心安全呀～

jellyfishy 發表於 2011-10-19 14:44
你可能太心急～　一般溶NaOH的時間要用上最少10min，如果室溫較涼，可能要15min呢~~　
攪頭5分鐘係會見到 ...

我唸我真係太心急
我以為佢係即刻有reaction...冇唸過會係慢慢溶
所以我仲見到啲白色粒粒就己經覺得自己失敗咗~
最後都堅持唔到trace到cream狀...仲有小小油水分離就入咗盒

enemy, 打皂好呀～　啱你用來學習收心養性～～　慢慢來，打皂要心定心情好，再加埋愛心，才能造出美貌與內涵兼具的靚皂架～

prodorothyhkg 發表於 2011-10-19 12:36
係d NaOH 是否大粒裝?如果太大粒會比較難溶,你可以用水50-70%,其餘先加冰降溫~
娜娜媽有一本書編制時係錯 ...

claudiatang  係自己做100%那本

我有呢本書喎, 邊度錯左呀?

jellyfishy 發表於 2011-10-19 12:52
我覺得最安全的方法是用冰或冰奶開Noah，不會咁易焦之餘，開好的NAOh 也不會太高溫．

如果要用奶開NaOH,  ...

我而家打左十幾底都未敢用奶打皂住, 都係打熟左水先~

昨晚終於的起心肝打左個到手香乳皂, 用全冰溶NaOH, 溶了15min~~ 溶好後的NaOH只有30度. 我自己preference, 打皂一般keep住30-35度之間混合水油.