香港貓咪俱樂部非法出租義賣檔 每月穩收18萬元

真係唔知真定假,蘋果o既可信性又成疑....

【本報訊】街頭義賣籌款到處可見，掛上慈善團體招牌，義工身份卻真假難辨。《蘋果》踢爆註冊慈善團體「香港貓咪俱樂部」向政府申領在街頭義賣及籌款牌照後，非法將檔位以日租 400元租給小販「攞正牌」做生意，每月穩收 18萬元，「善款」則全數由小販「落袋」。記者假扮小販成功租檔，負責人更教記者扮義工，揚言「冇人理你」，甚至明言會「做番條數，廉署查都冇事」。
記者：陳達浩　黃偉民　馮樂琳

大律師陸偉雄指出，將有關牌照轉租他人營商有違發牌和市民行善原意，相關團體可能干犯欺詐罪，租檔小販亦有機會干犯串謀罪，一旦罪成，兩者皆可判監 14年。


記者「放蛇」輕易租檔
09年註冊為慈善團體的香港貓咪俱樂部主要為流浪貓狗進行絕育，該會分別向社署及食環署申領牌照，長期進行街頭籌款及義賣，本月獲批地點便多達 52個，遍佈全港 13區，每個檔位獲批開檔 2至 24日不等。記者計算後，估計該團體分租義賣檔，單是 9月份已獲 18.2萬元收入。該會負責人王雪晶過去接受訪問時，自稱曾在會計師樓工作，但該會賬目從沒公開。
記者上周假扮賣首飾小販，到屯門市廣場附近，與旁邊香港貓咪俱樂部義賣檔的霞姐閒聊，假稱「成日走鬼好辛苦」。半天過後，霞姐主動兜搭說：「見你哋咁辛苦，我租個檔畀你啦！」記者表示想在沙田擺檔，霞姐看看手上文件，撥幾個電話，即向記者開價 4,000元租檔 10天。記者稱想小試牛刀，只租 4天，霞姐答應，甚至提議記者與其他租客分租，每日租金 250元至 300元，又說中西區、油尖旺區等熱門地段早已悉數租出，日租同為 400元。


善款箱、義工證裝模作樣
要做足戲，道具、場景缺一不可，霞姐將食環署和社署的證明文件等道具交給記者，直言：「畀埋 banner（橫額）你，畀埋錢箱你當義賣，全部都係旺場。」她更教記者如何擺檔，又說首日開檔會到場親身指導。問霞姐若市民直接入「善款」該怎辦，她直言：「我畀埋錢箱鎖匙你，你有自己鎖匙，鍾意點搞都得。」她將義工證給記者時更笑笑口說：「掛個義工證，好多人捐錢畀你㗎，咪自己袋埋。」記者問：「自己袋？」霞姐放輕聲線說：「係，畀你賺埋。」
霞姐與記者交易期間一直謹慎，收據沒寫團體名稱，連番叮囑記者不要離開指定位置擺檔。記者見食環署文件收件人是「 Jane Wong」，即貓咪俱樂部創辦人王雪晶，問霞姐與其關係，霞姐推說「唔使理啦」，記者連番追問，霞姐始承認自己是機構負責人之一，專責義賣檔租務事宜，問她王雪晶是否知情，她反應極大說：「（王雪晶）點會唔知！我家都係分佣畀佢，就係咁簡單！」她透露兩人協議拆賬兩成半予王雪晶。


「做條數，廉署查都冇事」
交易落實後，霞姐稍為鬆懈，說：「我要做份文件畀社署，要做番條數，廉署查都冇事，社署查時有數交，條數做得好咪得，呢啲係個會㗎嘛，啲單做得好咪得。」
曾辦過義賣活動的香港愛護動物協會社區發展總監王灝鳴說，分租義賣檔有濫用政府福利之嫌，以銅鑼灣呎租逾千元計， 18呎義賣檔所繳租金極低，市民變相資助小販做生意。王灝鳴強調不會外判檔位籌款，因協會有良好聲譽，外判職員未必能向市民講解協會宗旨，恐影響形象。

http://hk.apple.nextmedia.com/te ... amp;art_id=15608610

咁大間蘋果亂作吾驚比人告咩，呢D事香港人做慣做熟。

咁大間蘋果亂作吾驚比人告咩，呢D事香港人做慣做熟。

有時係街邊果D真係好可疑架, 雖然名稱唔同, 明顯同一模式.
所以都係捐俾信得過果D

宜家通街擺出嚟都係幫山區小童/老人/貓狗~~~  有真有假
但係有d大家熟識團體係用錢請人募捐, 已經係公開秘密.  仍然會捐錢, 已經好少隨街叫就投$$$俾個團體, 當有需要時咪直接捐去就最好.  另, 更唔會做月捐 (即自動銀行過數)~~~呢樣我好堅持.

金盞花 發表於 2011-9-28 23:36
宜家通街擺出嚟都係幫山區小童/老人/貓狗~~~  有真有假
但係有d大家熟識團體係用錢請人募捐, 已經係公開秘 ...

點解唔做autopay呢?驚有事cut唔切?