這棵日本森樹是否病了？求救！(有圖) 種左好多年唔想佢死

應該是06年左右開始種的，開始是是20cm左右的小苗，今天已有兩三尺高，但最近佢無咩生氣，樹葉變得軟身，不停落葉，究竟係咩事呢？大家幫下眼睇睇：

呢一張係09年影的,當時還未換盆：



2010年4月換盆後：



今天(平時不是放在這位置的，沒有陽光照射到的)：


樹葉已落了很多，很心痛.....



樹幹位依然看似健壯(但附近的葉都很軟，唔挺身)：


頂部的樹葉都由葉尖開始枯黃：


但最頂依然有鮮葉長出......



有沒有高手指點一下，究竟出了什麼問題？
我放在辦公室內，有冷氣，有光線，但無直接陽光，是否曬下會好d？
淋水我是見泥乾才淋，大約一至兩星期一次吧
還是不夠肥料？我很久沒施肥是真的....
還是.....它已經老了(都已5年了)....捱不住了？

要有陽光才能生長得茂盛.

weewee 發表於 2011-9-8 16:09
要有陽光才能生長得茂盛.

係呀？我見有人話唔好直射陽光.....我一向都無俾佢曬太陽的....唯有試下啦.....

winky 發表於 2011-9-9 10:41
係呀？我見有人話唔好直射陽光.....我一向都無俾佢曬太陽的....唯有試下啦..... ...

森樹唔可以直接移到陽光處,要慢慢馴化,要漸漸增加陽光,唔係隨時掉哂d葉
另外,同唔夠陽光關係唔大,佢不用太多陽光的,能習慣較暗環境(如果唔係點由20cm長到咁大呀- -)
另外森樹對環境變化敏感,你最近周圍環境係咪有d改動,你搬過佢?陽光強度改變?呢個係最大可能引致掉葉既原因

另一方面,盆土的可能也是問題,盆土是否已板結?話哂你都好耐無換過盆了

你換盆就立即落肥????!!!!!

wingspan 發表於 2011-9-9 12:26
你換盆就立即落肥????!!!!!

唔係, 換左盆一段時間先落肥的, 我都忘了是幾時落, 我落一粒粒的黃色肥

chan1988 發表於 2011-9-9 11:05
森樹唔可以直接移到陽光處,要慢慢馴化,要漸漸增加陽光,唔係隨時掉哂d葉
另外,同唔夠陽光關係唔大,佢不用 ...

盆土是否已板結---->即係點呀？實左？
換左盆一年左右，咁快就要換呀？(不過我都打算換一換D泥)

一向我都係放係暗位的, 只有少少自然光, 無直射陽光。近來都無咩改動過位置.....開多左冷氣算唔算呢？
上網睇其他人的種法，好似話水太多都有問題的, 可能係我淋水唔定時啦, 有時一個星期, 有時幾日就淋...

winky 發表於 2011-9-9 14:55
盆土是否已板結---->即係點呀？實左？
換左盆一年左右，咁快就要換呀？(不過我都打算換一換D泥)

原來我無留意你1年前已經換左盆 ,
好,首先,我認為應先整棵從盆中拿出檢查,看看根系和土壤的情況?有否害蟲?根系密佈整盆?爛根?d泥係咪硬到一塊塊?水太多,泥太濕?
另你淋水不定時都有可能?太濕可能會爛根,特別當你個盆咁大既時候,通氣差又難乾d?
總之整出來睇下先再決定la

看起來是你換盆後才出現問題。
你翻盆時有冇發現盤旋根?有冇處理？
換泥時除去了多少舊泥？
什麼季節/月份換盆?

chan1988 發表於 2011-9-9 20:29
原來我無留意你1年前已經換左盆 ,
好,首先,我認為應先整棵從盆中拿出檢查,看看根系和土壤的情況?有否害 ...

THANKS~我尋日挖開左少少側邊的泥來睇, 大約一吋深的泥都幾濕下, 我懷疑係我淋得太多水.....我以前成日唔記得淋水, 當時反而佢生得好地地....
打算過一星期唔淋水睇下情況有無好轉，如果都係差我就要換盆/換泥了

Citystream 發表於 2011-9-10 00:28
看起來是你換盆後才出現問題。
你翻盆時有冇發現盤旋根?有冇處理？
換泥時除去了多少舊泥？

盤旋根？我無留意呀，那是有病的特徵?
上年4月左右換盆, 大約留返一半舊泥, 因為我唔太敢搞佢D根 (同埋都幾大棵, 我女仔人家換盆好論盡)
我又見佢樹頂仲有新芽, 樹幹側都有長新芽的跡象, 都唔知佢係自然衰落定係點....

我的都有同樣問題, 我是一直以水栽, 仲士一直生長得好好, 但近這個月便不停有枯葉, 連樹幹都有d腐爛發臭添! 是否因為天氣問題呢? 而我的是栽在室內的!

植物在盆中長期生長,根生長受到局限,根會繞着盆生長形成一圈一圈叫盤旋根ｏ盤旋根就好像打圈的水管會阻礙水份輸送,同時令泥土的空隙減少會阻礙水份吸收ｏ在換泥時就要除去壞死根和盤旋根,並同時收剪枝葉ｏ
另外有新芽代表植物進入生長期,此時換泥會有礙生長ｏ一般木植物可在大寒至立春期間換泥最適合ｏ

Good luck!

lammachingching 發表於 2011-9-10 20:56
我的都有同樣問題, 我是一直以水栽, 仲士一直生長得好好, 但近這個月便不停有枯葉, 連樹幹都有d腐爛發臭添! ...

已經種左一年幾喇....但而家只死剩兩枝! 但其實插枝好容易, 我甘啱見到人地修枝掉左, 我攞左幾枝返屋企插, 甘就生左!

你可把水栽剩下的兩棵去除壞根,然後栽於中粒沙中,待立春後重新植於土中ｏ