黑骨芒真係好難種

一向都好喜歡黑骨芒,上年係花墟買了一棵樹型及一棵垂葉既,我把它們放係露台邊,陽光只會斜曬,每朝都有噴水.
樹型那棵到現在都生得OK,不斷有葉變黃但又不斷出芽,所以又無變大又無變細KEEP住個樣.
但垂葉果棵就好難攪,有時有十幾塊葉,有時放工返去突然所有葉都濃晒,於是把心一橫剪晒所有葉,點之佢個頭又生返出3,4塊葉出來,依家就KEEP住得幾塊葉,新芽有時都出唔到變黑,總之種極都唔靚,但想佢死佢又唔死得咁,都唔知點種,好鬼煩...

係咪太陽直射同濕度不足??

我都種過~佢要好潮濕先生長到
要成日噴水..好麻煩...
最後搞唔惦都係乾晒死左~~~~ /_\

依家放係露台陽光唔係直射,不過有時都好大風,唔知關唔關事...咁請問如果放係廁所會唔會比較好?但光線就變得唔多足夠.

我放露臺…無日夜噴水…無太陽直射…
水苔舖泥面…盤底置一吋高底碟…
新葉枯乾剪掉…又會再生番…

我的黑骨芒有新生命長出了, 好開心呀!

黑骨芒好怕熱，一熱就要濕同涼的地方先生得好。現在到秋冬會好好多。我盆黑骨芒放在冇直射陽光的地方，反而生得唔錯。

想請問一下黑骨芒係咩樣架 o,o ?

黑骨芒比蘭花更長期要濕氣，唔想日日噴霧水幾趟，最好種在水陸缸陰陰濕濕之處。還有她愛石灰介質，種在汲水石上一流

我都有種黑骨芒, 有一棵仲種咗三年, 每年大概4-5月左右啲葉會慢慢枯哂, 之後過一排又會生番! 以我自己的經驗, 黑骨芒唔可以俾太陽晒, 我盆芒係擺喺近窗邊的櫃頂, 冇太陽晒的地方, 但就通風, 每晚會噴水俾佢, 兩日淋一次水(淋到盆底漏水), 一星期施一次肥, 咁佢已經可以生到好茂盛架啦

真係好難種, 要好濕先岩佢, 但佢好靚

我會在水陸缸和同汲水山石種，附在有石灰成份上的物質會長得好

ahhung68 發表於 2011-11-28 00:44
我都有種黑骨芒, 有一棵仲種咗三年, 每年大概4-5月左右啲葉會慢慢枯哂, 之後過一排又會生番! 以我自己的經 ...

聽完你講 , 我都想跟你方法再種過

Pear 發表於 2011-11-28 22:18
聽完你講 , 我都想跟你方法再種過

其實我覺得真係好易種, 喺啲泥方面, 我會加啲芒骨落去, 等佢疏水啲

HI 大家好!

我都岩岩買左黑骨芒呀! 本來好好的, 但我拿佢去曬左一朝太陽+有兩日沒淋水, D BB葉死曬..我諗佢真係唔係好曬得呀!

所以我呢幾日KEEP住日日淋水, 一日淋兩次水, 上班&下班前+一日噴葉面幾次咁, 請問咁種得唔得? 會唔會又太濕呢?

同埋, 黎緊我會放大假, 無得淋花, 我可以放D水入盆底果隻碟子中, 等佢自己吸D水上去嗎? 咁做會唔會因底部積住D水而整爛D根嫁???

要陰涼濕氣

串串心 發表於 2011-11-30 11:28
HI 大家好!

我都岩岩買左黑骨芒呀! 本來好好的, 但我拿佢去曬左一朝太陽+有兩日沒淋水, D BB葉死曬..我 ...

你試唔試下(我試過) , 噴濕個保鮮袋(入面), 之後成個袋"垃"住成盆植物, 都可以頂幾日架

小弟都有種
感覺都幾難攪
要長放加濕花架內, 半日蔭先勉強保住條命仔

Pear 發表於 2011-11-30 22:26
你試唔試下(我試過) , 噴濕個保鮮袋(入面), 之後成個袋"垃"住成盆植物, 都可以頂幾日架 ...

都好喎, 等我試下先~

不過我而家盆黑骨芒都無新葉生出黎....

唔知係咪又太濕左DD呢....因為而家我早晚淋水+成日噴水, 係咪太多左D?

佢而家D葉都比較軟...初買時D葉廷身好多呀!!!

paulpaul 發表於 2011-11-30 23:04
小弟都有種
感覺都幾難攪
要長放加濕花架內, 半日蔭先勉強保住條命仔

其實我都覺得難種啊~