新手中毒,越種越多,點算/_\"

甜羅勒,大得很快,是否要盆?
香蜂草,己經個多月大的了,因為之前有2塊葉太重令至它彎腰,被我剪了去~.~
百里香,網上買的種子,郵寄時有一半壓壞,剩下的一半胡亂撒在盒子裡,想不到3天就發芽了
鼠尾草,發芽生長很不一,但樣子幾得意
檸檬羅勒,這裡是兩棵來的,之前徒長得有點厲害,被我剪得只剩底下的2片葉,現長回來了,而且靚仔多了

馬郁蘭,很優雅,有點似花
又香蜂草,喜歡它泡茶(上次摘的幾片葉子泡了次茶)的香味,所以再撒一次種,但發芽率不高.

順便幫隻狗仔影的相也放上來吧,哈哈

最重要最頭痛的還未提到,因為種植經驗可以說是"零",到現在為止覺得心有餘而力不足,希望各位高手可以指點一下,可以令種植更順利.
今天去香蕉園走了一趟,本想買幾盆"現成"的迷迭香和薄荷回來,但可能因為夏天的問題,找不到漂亮的,所以空手而回,希望秋天時再去一趟會有收獲.

你d馬郁蘭, 如果第時太多, 可以share株比我~
我發芽n次都不出芽

gunbuster363 發表於 2011-8-21 23:48
你d馬郁蘭, 如果第時太多, 可以share株比我~
我發芽n次都不出芽

ok,我都正想share出去;或者你有其他我没有的都可以交換哦,

夏天唔好比我~熱死~

你就好啦!! 新手來說成績好好!!!
我都係新手咋, 亦試過香蜂草, 但發芽率及生存率奇低: 8粒種子只得一粒發到. 好瘦. 1"左右就彎腰say goodbye了! 仲有鼠尾草, 8成發到芽但又係生到1-2" 就開始停止發育兼步向死亡...
我想都係要等天氣涼小小再試...-______-"

yellowyiyi 發表於 2011-8-27 00:07
你就好啦!! 新手來說成績好好!!!
我都係新手咋, 亦試過香蜂草, 但發芽率及生存率奇低: 8粒種子只得一粒發 ...

你有冇試過種甜羅勒? 暫時為止我覺得係最易種既.新手黎講應該都唔易失敗(如果你家夠太陽的話).
好似我呢d自覺種乜死乜,"滿手鮮血"既人都種得佢好好地,我諗你都可以.所以你可以試下種甜羅勒先,
有經驗再種其他都得.今日冕啦,聽日將我最新的種植情況貼圖俾你睇,交流下.多多指教

提前秋播

我都係新新手呀~  你仲要發左咁多苗, 真係種哂毒~

香草我只有九層塔~如果你第時割愛種唔到咁多, 我都想收留幾盆呀~

我都帶佢兩個上黎同你個baby打招呼先~

我都帶我兩隻仔女上黎同你打招呼先~hehe

未必呀~因為我兩隻都好爛玩, 比熊 size 岩玩架~ 呵呵

分盆之後剩低係原盆既.可以看到與6日前的分別<---係咪大個仔左又靚仔左呢

分到去長23cm盆後的3棵,分盆後生長速度,較原盆的慢了一點

貪心的我又分多了一盆

黎多個靚仔close-up

鼠尾草,被我撥了幾棵長得不好的

香蜂草,最不用麻煩的香草,放在同一個位,半日照就ok了,我多不埋它
還有百里香長得很慢,還是下次才上載圖來看

咁耐冇update，依家點情況呀~

BanbieChan 發表於 2011-11-17 13:02
咁耐冇update，依家點情況呀~

你唔提我都真係唔記得左自己個post. 好啦, 等陣影返d相update返先, 依家先去high個tea先.

種毒好ah...............祝你日日毒發,愈發愈精神
我現在有strawberry, tomato, sweet corn, bak choi, 芥蘭頭, kale, celery, potato, garlic, drawf bean, spring onion, cabbage, basil,夕張密瓜,魚趐瓜,總言之,好開心

期侍你的相片

smilegirl 發表於 2011-11-17 14:21
你唔提我都真係唔記得左自己個post.  好啦, 等陣影返d相update返先, 依家先去high個tea先.  ...

等你~

岩岩係樓下糖水鋪食左個蘿蔔糕同芒果布丁, 個布丁係"宿"既, 但都食左一半, 越食越噁心, 跟住咪攞返俾佢羅, 個阿姨話俾個第二個我食, 仲敢食咩. 跟住佢就打開雪櫃逐個攞黎聞, 佢自己都話"真係宿左wo". 諗起都黑仔,拿拿林返黎食2粒正露丸頂住先啦 發完牢騷啦, 繼續影相先.

最近重新再種既sweet marjoram, 剛摘頂,側芽就出得好快.希望成功啦

最近又重新了3盆lemon balm, 之前個d唔知係咪有d"飛飛"搞搞震,葉面常有一點點黑色的

春春花花的purple basil, 佢真係種咩都靚架, 希望可以種好佢地啦, 黃色盆又係摘左頂, 側芽又大左d啦.

又係花花既borage, 依家中間係咁出新葉, 真係 "花花牌, 實有保証"

bush spicy basil 陣味聞落好似甜羅勒, 但未食過, 唔g係唔係spicy既呢?

花花既pistou basil 圓碌碌咁好得意架


wild thyme, 聽講呢隻野好鐘意多石, 咪溝一半石仔一半泥俾佢羅.

sweet basil, 食左幾次啦, 可能缺肥, 又或者剪得太西利啦, 最近生得慢, 已加左有機肥啦, 希望佢快高長大啦.

lemon basil 沖茶飲一流架, 味道? 咪有檸檬既香味, 又冇檸檬既酸味羅. 最近係咁想開花, 剪極都有.