第三條跑道工程? 我們的付出會換來什麼呢?

唔知大家點睇, 我個人只聽到有人上唔到巴士, SO FAR 冇聽到有人話上唔到飛機(可能我見識小),
我地HK 人, 係唔係真係要多一條跑道? 飛一次要產生多少CO2呢?
係唔係我地要飛去玩, 去做野, 就可以放棄環境?

還是有人為左搵D野攪, 搵D錢洗, 為做而做呢?

簡單一個問題, 我地係"需要"一條跑道? 定係有人"想要" 多一條呢? 用心去答自己

用行動去反映, 留個名, 為環境做點事:
http://apps.wwf.org.hk/chi/3rdrunway.php

上唔到飛機, 好通常發生, 當你訂唔到機票, 你就會問點解唔開多一班機.

打出環保牌, 冇人可以話唔讚成, 不過環保和經濟發展要取得平衡, 我唔識計條數那邊重, 那邊輕, 極端嚟講, 個城市污湮污穢氣, 都發展唔起; 相反嚟講, 有清新空氣冇經濟, 只係森林一個.

我唔會單看環保, 就放棄一切, 而且周邊競爭大, 我認為起第三條跑道是有所需要, 不過最好兼顧到環保.  如果香港唔起第三條跑道, 相信飛機同樣會飛到周邊機場, CO2問題同樣存在, 果時香港還無辜辜, 經濟發展去咗別個地方, 香港人就照吸人地排出嚟嘅CO2.

講又講, 如果為地球著想, 我話最簡單快捷嘅, 影響經濟最底嘅方法就係禁止發行免費報紙, 我真係估計唔到在這方面每年用多咗幾多噸紙, 斬咗幾多公頃土地嘅樹木, 我相信唔少得過一個香港嘅總面積.  留番哩D樹嚟吸CO2, 起多10條跑道都冇有怕....我估.

不過話時話, 哩條跑造價太貴, 唔知有幾多又落咗班粉皮袋.

我會覺得慾望無止境, 當初厭啟德細搬去赤鱲角.  宜家話2條跑道唔足夠應付需求, 更要同隣近地方比較怕唔夠競爭力.  只怕有第3條遲d又話飽和需要再加1條跑道.  我覺得你有價值排隊人哋都等住嚟, 如果你再冇吸引力起到八爪魚咁都冇用.

梗係用起啦, 唔夠用呀嘛
香港競爭力已經輸晒比新加坡
唔通仲想輸埋比深圳咩

香港人, 成日以國際金融中心自居, 其實競爭力每況愈下已經發生緊!

又,一日都係班公務員唔做野

如果講環保, 第三條跑道同免費報紙都係破壞環保
如果二選其一, 我選跑道, 放棄免費報紙

如果香港要keep住競爭力,係應該起第3條跑道. 只希望盡量減少破壞生態環境

當然要起喇，環境問題不是問題。睇返深圳就知香港發展好慢。

我睇wwf(世界環保機構）話起第三條跑道會影響香港獨有ge小樹蛙........

marcolmh929 發表於 2011-8-17 22:27
我睇wwf(世界環保機構）話起第三條跑道會影響香港獨有ge小樹蛙........

還有中華白海豚添

當然希望可以安排到保留佢地, 不過萬一........
我都係覺得經濟發展重要過小樹蛙

比得大帝 發表於 2011-8-17 22:36
還有中華白海豚添

當然希望可以安排到保留佢地, 不過萬一........

點解經濟發展重要過小樹蛙同華白海豚？我唔明有咩重要得過生物多元化，
我宜家得14歲，我唔希望我d子女睇唔到呢D禁有特色ge生物，
仲有我唔信大家禁中意植物都希望香港有一日會發展成一個無曬植物，真真正正成為石屎森林，
我可能有d無禮貌,
不過我希望世界會變得更綠，唔系更多海被填，同更多樹被cut
sorry 我有可能用詞不當，有d無禮貌  

marcolmh929 發表於 2011-8-18 00:50
點解經濟發展重要過小樹蛙同華白海豚？我唔明有咩重要得過生物多元化，
我宜家得14歲，我唔希望我d子女睇 ...

你唔係冇禮貌, 大家討論啫

生物多元化真嘅目的係乜嘢?  我唔係話唔理會生態平衡, 但係世界上冇咗小樹蛙, 會點呀?  不會失去生態平衡罷?  又例如, 世界上冇咗某一種生物, say: 老鼠, 甴曱 會點呀?  係唔係要保留佢地就唔好清理衛生呢?

假設, 只係假設, 如果要保留小樹蛙, 不過你父母會失去工作, 咁你認為要保留小樹蛙, 或是要保留你父母嘅工作呢?

我覺得人人有飯食最重要.

比得大帝 發表於 2011-8-18 09:11
你唔係冇禮貌, 大家討論啫

生物多元化真嘅目的係乜嘢?  我唔係話唔理會生態平衡, 但係世界上冇咗小樹蛙, ...

你又講得岩,我可能未明白未出泥做野，唔名發展的重要性，
不過希望香港發展得泥都會顧及環保la

marcolmh929 發表於 2011-8-18 11:02
你又講得岩,我可能未明白未出泥做野，唔名發展的重要性，
不過希望香港發展得泥都會顧及環保la ...

完全同意, 發展得嚟一定要兼顧到環保
冇咗個地球, 幾發達都冇用

gunbuster363 發表於 2011-8-17 15:30
梗係用起啦, 唔夠用呀嘛
香港競爭力已經輸晒比新加坡
唔通仲想輸埋比深圳咩

唔係掛～　唔見到今年ｄ數據說明呢點喎．

再講，無一個地區可以成世經濟第一，係咪無第一就叫做無競爭力呢？十幾年前中國開放經濟急速發展，那時我仲好細，聽ｄ大人成日話，香港無喇，幾年不用，大陸實爬頭．．．．講下講下，二０一二都來了，香港還是香港，不見到經濟差了（我倒覺得好左添），中國一樣繼續更繁榮，大家一齊向前好，啡里骨～

多條跑道，坦白講，唔多關影響經濟囉，講到尾，咪又係利益和政治私利．

加多句 ~ 連講事實既自由都冇, 幾有錢都冇用

samwo 發表於 2011-8-17 22:22
當然要起喇，環境問題不是問題。睇返深圳就知香港發展好慢。

深圳個ｄ發展叫恐怖，成個中國的基建都快得恐怖，六七年前，親人要北上，幫外國公司在內地當基建quality assessment（品質評審？），那時我和這個親人都有同一想法：幫內地基建公司搵到圖積有幾十個問題，幾乎全都石沉大海，行車管道通風不足，用料易燃，橋樑結構條數．．．．嘩～　諗番起，個心仲卜卜跳～　咁快發展，唔知ｄ計時炸彈幾時爆～　


估唔到六七年的事，今年爆咁多～

jellyfishy 發表於 2011-8-18 11:26
唔係掛～　唔見到今年ｄ數據說明呢點喎．

再講，無一個地區可以成世經濟第一，係咪無第一就叫做無競爭力 ...

多條跑道, 對經濟是絕對有影響, 不單只出入口, 旅遊, 依賴快捷的交通, 對金融地位影響尤甚

我都同意, 起跑道一定存在個人利益, 好似節能燈泡, 肯定又益咗曾生個老襯, 唔通咁就堅持用鎢絲燈泡咩, 最多睇吓點監控啫

avery 發表於 2011-8-18 11:27
加多句 ~ 連講事實既自由都冇, 幾有錢都冇用

邊個夠膽唔俾你講事實呀?  香港還算言論自由, 最多都係講咗冇人理啫

比得大帝 發表於 2011-8-18 11:39
多條跑道, 對經濟是絕對有影響, 不單只出入口, 旅遊, 依賴快捷的交通, 對金融地位影響尤甚

我都同意, 起 ...

係架～　我地做小市民，可以响ｄ政策上找生存空間，香港人，好快就適應新事物，多條跑步，實行充份利用，好快飽和，到時政府又話超出預算，哈哈哈～～