終於出花

三年前繽繽帶返嚟，由小苗種到依家椰菜咁款，終於出花
唔記得叫咩名，但好似係十字花

三年前

loklok 發表於 2022-11-22 22:18
三年前

係呀，之前一直放佢喺冇咩光嘅位，係半年前加咗燈俾食蟲，佢又叨到光，就生到棵椰菜咁款

Brev 發表於 2022-11-26 10:44
係呀，之前一直放佢喺冇咩光嘅位，係半年前加咗燈俾食蟲，佢又叨到光，就生到棵椰菜咁款 ...

盆底嘅水根都好大把，等佢開完花要換吓盆

早晨Brev大，度夏三年，好叻啊，請問是否也是沒開冷氣情況下度夏？謝謝！

taxitang 發表於 2022-11-27 07:18
早晨Brev大，度夏三年，好叻啊，請問是否也是沒開冷氣情況下度夏？謝謝！

的士大過獎了

佢喺我間房種，冇放窗邊，所以之前係弱光情況下成長，到半年前我加咗燈俾食蟲，多咗光佢生得快咗。不過佢距離光源有一米，所以光度都係較弱。而箋燈喺早上6點開到早上8點左右，我返工前會熄燈。到我放工返屋企，會再開，約黃昏7點到晚上11點左右。佢黃昏有冷氣歎，純粹因為種食蟲同三尖蘭，所以夏天我一放工返到屋企就開冷氣，到第朝7點。但下午時間會熱，我估溫差搭救。

哩棵個花形簡單，顏色係較傳統嘅十字花，當年我第一棵植物就係亞媽買俾我嘅紫羅蘭，又係十字花款。所以十字花對我嚟講都幾有意義。

而另一種我至愛嘅羅蘭係C60(當年喺花墟花寶買的，花寶都執咗笠好耐吓)。花色白，花型似茉莉。成十幾廿年前種，不過俾咗一棵朋友，而餘下果棵喺我去英國讀書時，因為屋企人唔識照顧死咗。如果可以俾我再遇，一定會再種。第三至六幀係當年C60第一次開花個樣。最後一幀記燈光與植株嘅距離。

Brev 發表於 2022-11-27 13:09
的士大過獎了

佢喺我間房種，冇放窗邊，所以之前係弱光情況下 ...

謝謝Brev大詳盡的分享，很羨慕樓主的養花區域，高濕通風，是很多植物的首要條件，看樓主不時分享拖鞋蘭的開花照就知環境很好。
如果發叔未走，C60應該不難找，但現在要找某品種的紫羅蘭就真的不易，希望樓主早日找到心頭好。

長大

在群裏問到佢嘅中文名叫：絲帶。

Brev 發表於 2022-11-29 20:27
長大

恭喜開出靚花!

Ugly duckling
醜小鴨

第一枝花遮住咗第二枝花，見佢開咗一段時間，所以剪咗佢，第二枝花就好快生咗出嚟。仲有兩枝花芽長緊，但未蒲上葉面。

有啲走色，不過我都係幾鍾意佢嘅紫色，吉百利一樣

新花出返正常十字

花展開都幾大朵

剪走枝舊花，依家淨返兩枝，花後要修一修佢同換盆

Brev 發表於 2023-3-9 19:35
剪走枝舊花，依家淨返兩枝，花後要修一修佢同換盆

你種得葉好靚！
有冇試過插花莖繁殖？

小雷子 發表於 2023-3-9 20:49
你種得葉好靚！
有冇試過插花莖繁殖？

謝謝呀！

冇試過插花梗，其實佢都幾大棵，一棵就夠晒數，唔係我個種花位會爆滿

Brev 發表於 2023-3-9 21:39
謝謝呀！

冇試過插花梗，其實佢都幾大棵，一棵就夠晒數，唔係我個種花位會爆滿 ...

我就係冇留後備，好多十字花都冇晒十字，變成平民花！

小雷子 發表於 2023-3-10 15:05
我就係冇留後備，好多十字花都冇晒十字，變成平民花！

佢地的確好易走色，不過如果佢變全紫都幾靚呀～