天台花園自動裝置

我以前出差見外國好多國家嘅家庭都有裝太陽能裝置， 甚至連國內亦都會見到。 反而香港推行電力公司回購太陽能產生嘅電力幾年， 都好似唔算十分積極， 所以香港政府嘅推廣真係麻麻地。 較早前仲話減低個補貼額。 講真， 如果冇呢啲補貼額做利誘， 邊個會預先畀大筆錢安裝? 起碼要四年或以上先可以回本。 不過長線投資都OK嘅， 因為如果係村屋天台的話， 多左一半天台面積可以有蓋， 變相多點地方， 最高嗰層由於有太陽能板遮擋亦唔會因為長期暴曬而難散熱。 (利申:自己住村屋頂樓， 有苦自己知。) 裝咗太陽能板之後， 個屋頂冇長期暴曬， 冷氣都用少咗。 所以裝咗後長期落去都係有著數的。 總之， 早裝早享受啦。  我現在正計劃準備自己試裝個簡單嘅太陽能裝置供電畀屋企個花園電動設備, 自動淋水、戶外燈、小型冰箱、風扇等 (電壓細好多，自己玩下啫)。不過帶頭盔講明先， 最好要有電嘅相關知識， 唔識嘅就盡量搵師傅整。

好好噶，節能又環保~
期待你安裝後，分享一下經驗(前後對比照片)。。。

Monica20171025 發表於 2022-7-14 16:43
好好噶，節能又環保~
期待你安裝後，分享一下經驗(前後對比照片)。。。

只係好初步構思. 要上網參考下人哋點做會好d.
向來環保都係奢侈品, 不過呢d只係當興趣, 手作仔消磨下時間. 絕對唔合符經濟效益㗎.