[新手求救] 屋企盤鬼棲閣好似就死。。。

呢盤鬼棲閣係老婆送既生日禮物，所以種死左會好心痛
希望呢個板區專業既前輩們可以令佢起死回生，萬分感謝!

2月尾買回來
大概半個月淋一次水 (花灑照頭淋1分鐘左右直到盤底漏水）
家裡沒有陽光直射，所以用植物燈每日照5小時 (12 - 5pm)

幾個月既情況都覺得佢慢慢變差
生出黎既新葉會發黃枯萎/ 掉刺/ 外皮剥落/ 根部感覺比較黃??

最近一次淋水改為浸盤（水位到盤一半)，但唔小心過左半個鐘先拎返上黎
情況感覺變得更差，有d位有發黑現象

配置和植物情況如下：

看上去唔係好樂觀喎，鬼棲算係難服侍的，太濕爛根，太乾又會枯，所以俾水好講究，植料微微濕就最好，又要光猛，睇下你救唔救得返，植物受傷變差要救返真係好難。

枝乾冇軟仲有得救，如果係我會起出睇下根得唔得，如果根冇問題換大顆粒植料俾足水盆底漏完等植料乾曬再重複。如果根壞應該救唔返了。

佢成盤都仲係硬架
大顆粒植料應該是用邊隻? 冇經驗好驚整傷佢條根

如果係之前浸盤出事 依家係唔係停水會比較好?

謝謝你!

覺得佢應該係缺水，啲顆粒都唔細加埋兩星期先淋一次水，乾都乾死啦。
首先睇吓條根有冇爛，冇爛就換植料，唔好晒燈，有葉先至晒燈。

我盆鬼棲閣放喺天台露養，日曬雨淋，前牌仲落咗十幾日雨，盆底仲用筲箕養住啲水都冇問題。

sasock 發表於 2022-5-20 12:27
我盆鬼棲閣放喺天台露養，日曬雨淋，前牌仲落咗十幾日雨，盆底仲用筲箕養住啲水都冇問題。 ...

係啊，只要唔積水，濕係冇問題，佢係中意濕。

sasock 發表於 2022-5-20 12:27
我盆鬼棲閣放喺天台露養，日曬雨淋，前牌仲落咗十幾日雨，盆底仲用筲箕養住啲水都冇問題。 ...

你呢盤好靚種得好健壯wo

sasock 發表於 2022-5-20 12:25
覺得佢應該係缺水，啲顆粒都唔細加埋兩星期先淋一次水，乾都乾死啦。
首先睇吓條根有冇爛，冇爛就換植料， ...

我會注意淋水了

同埋我留意到有幾隻蟲
一種紅紅地橙橙地 太細粒 郁得慢
一種啡黑 郁得快似螞蟻？
仲有一種白色 係d葉度 唔識郁咁

plc707 發表於 2022-5-21 14:52
我會注意淋水了

同埋我留意到有幾隻蟲

我會整棵拔起，噴殺蟲水（我用Biokill )殺蟲，換泥再種，泥要疏水。

plc707 發表於 2022-5-21 14:52
我會注意淋水了

同埋我留意到有幾隻蟲

白色應該唔係蟲，係佢葉有傷口流出的汁液，鬼棲閣汁液有毒。

之前買左殺蟲水 Biokill 噴  依家冇見過蟲了
但又有另一個問題

拎左佢睇根
發現佢原來未發根， 得幾條手甲咁長既根
應該點做好？

plc707 發表於 2022-6-28 20:20
之前買左殺蟲水 Biokill 噴  依家冇見過蟲了
但又有另一個問題

我自己都有一盆, 同埋我都有睇過D資料, 其實都唔可以太乾, 同埋我見你D植料都係棵粒多。 我自己就一星期一次大水, 我就無照頭淋, 不過我係長期有風扇係室內吹, 但我建議唔好直接吹住D植物, 主要係等空氣流通。如果天氣熱又乾, 我係星期既中間再加多一次水。光我都係用燈既, 我一日10個鐘。

如果未發根, 我諗一星期一次水都夠或者再長D, 主要係要有濕氣引佢出根。依家佢未有根, D葉一定枯黃, 因為都過左咁耐, 未發根前就不用比燈都得啦。下次你再入手塊根, 除非你好肯定有根, 如果唔係起一起出黎睇下比較好。希望幫倒你啦。