【新手求助】巧克力方磚生咗好多花芽

大家好，我有一棵巧克力方磚早一兩個星期淋得太多水，
幾日後甩好多葉，到我晾乾再種返，莖部出現好多黑點，
我覺得可能係黑腐，就剪咗兩個頭出嚟，晾乾打算再種，
但問題係呢兩個頭有好多個花芽，我聽講花芽好消耗養分，
我呢兩個頭又仲好細，係咪能該剪走花芽？
但而家花芽都未生大，我又驚剪咗會傷到本身棵花，
有冇大神可以解答下

Push.        !

花芽仲細，開唔到花喇。
去除花芽，揀一兩塊靚葉擺係泥面做葉插備份咯

呢個星期比較潮濕,個人覺得條花可以等乾爽返先剪走,反正都開唔成
傷口晾乾需要比較多的時間,因為好多時候細菌會係傷口入侵,我種兜就係咁樣成日中赤腐...
之後我決定修完根後就咁放埋一邊,等出咗根芽再入盆,呢個過程係講緊幾星期,FYR

根芽圖片support

lc1201 發表於 2022-5-11 17:08
根芽圖片support

我非常手痕咁撩咗佢哋出嚟睇，有一棵已經發咗好幾條根，仲識找泥，但另一棵個頭歪咗嗰個畀我整甩咗條根，而家再種過，希望早日發根～

lc1201 發表於 2022-5-11 17:05
呢個星期比較潮濕,個人覺得條花可以等乾爽返先剪走,反正都開唔成
傷口晾乾需要比較多的時間,因為好多時候細 ...

另外想問下，我有棵子寶又係淋太多水爛根，我喺另一棵子寶到分咗啲BB出嚟種，但一兩個星期都未發根，佢個母體因為空根，我切咗爛嘅部分之外到種再爛，而家打算轉水培誘根，但啲BB太細，係咪唔適合用水誘根？

pamella0817 發表於 2022-5-11 18:49
我非常手痕咁撩咗佢哋出嚟睇，有一棵已經發咗好幾條根，仲識找泥，但另一棵個頭歪咗嗰個畀我整甩咗條根， ...

有長根就好啦!識吸水好快就會回復狀態

pamella0817 發表於 2022-5-11 18:54
另外想問下，我有棵子寶又係淋太多水爛根，我喺另一棵子寶到分咗啲BB出嚟種，但一兩個星期都未發根，佢個 ...

多肉生命力都好頑強,畀D時間佢地,無事嘅!
淋水呢樣野真係好睇個人種植環境同植料,仲要睇埋天氣~我都交咗唔少學費HAHA...慢慢你就會拿捏到你的淋水cycle,加油~~

lc1201 發表於 2022-5-12 08:58
有長根就好啦!識吸水好快就會回復狀態

但畀我拎上睇之後，好似又破壞咗佢啲新根，好後悔！！同埋另一棵巧克力幼苗我拎起見個底有啲啲黑，我驚又黑腐就切咗底部，但晾乾咗一日就種返（早幾日未落雨），而家又好驚佢會黑腐，泥土冇澆水但噴咗少少喺面頭！！點算！但我唔敢再拎佢出嚟，想佢快啲服盆出根，上次晾根已經有少少發皺

pamella0817 發表於 2022-5-12 13:23
但畀我拎上睇之後，好似又破壞咗佢啲新根，好後悔！！同埋另一棵巧克力幼苗我拎起見個底有啲啲黑，我驚又 ...

無根時唔使淋水阿,發根D葉會皺都正常,佢要發力咇條根出來

lc1201 發表於 2022-5-12 15:25
無根時唔使淋水阿,發根D葉會皺都正常,佢要發力咇條根出來

咁我而家喺咪照由佢埋喺土，唔好理佢，等佢慢慢生？

pamella0817 發表於 2022-5-12 15:32
咁我而家喺咪照由佢埋喺土，唔好理佢，等佢慢慢生？

最好啦~點都想淋水的時候就圍住盆邊畀1-2圈水,等植料入面有D水氣但又唔會太濕
有根的話你輕輕推佢會feel到有阻力,同埋植物睇落會有精神D