園藝新手求助-玫瑰

大家好，我第一次嘗試種植物，咁啱買咗盆玫瑰，老闆姨姨話玫瑰好粗生，記得淋水就得，我已經每日淋水，但係唔知係咪都有白粉同黑斑病，想請教下大家我點做好？
我上網睇過可以用梳打水噴下D葉，改善白粉問題，我就用稀釋咗唧梳打水用紙巾抹Ｄ葉，Ｄ白灰係甩咗，但過一排又有返。

另外，我見連葉底都有黑斑，應該點樣改善問題?

感謝大家幫忙!!

首先你要停手唔好每日淋水，咁做佢一定死
等泥土乾透再淋透。
白粉黑斑,我會打多菌靈/代森錳鋅
如果你唔想用藥,你要等其他人解答啦
聽講話雙氧水都得,比例你自己google(關鍵字,雙氧水白粉藥)
其實,養月季新手,最好去google搜索一下, 月季養護/月季種植之類嘅文章。
月季容易養,但首先佢容易病,容易有蟲,我養月季有一大堆藥。
如果你唔想用藥打算有機種植嘅話你要自己搜尋一下啦

每日淋水好快瓜柴，而且玫瑰係出晒名既藥罐子，多病蟲害，
而且無足夠陽光會更甚，開花仍疏而小