士多啤梨葉問題

我係新手，有問題想請教咁多位
我嘅士多啤梨係由種子發芽的時候，一路相安無事
最近開始出現相片中嘅問題
葉片上嘅葉脈變黑？由葉嘅外圍開始變深色，葉片the左，而且好快就枯萎
已經唔只一棵苗仔出現呢個情況，好想了解下係咩問題

苗仔出現呢個情況前有經歷分盆，但已經係一兩星期前嘅事，而佢地分盆後都有繼續生長（郁動佢係因為最初種子發芽得太密集，發芽率非常高所以失左預算算為左好好地照顧佢地就決定分盆）
泥土方面，因為唔太識，所以係買左士多啤梨專用培養土，非常疏水，係包土有珍珠岩，蛭石，椰纖，一啲木碎咁嘅野？！同埋佢寫住有紅球石，泥土質地好軟好透氣
淋水方面，基本上早晚我都會檢查同埋淋水，如果天氣潮濕/冇陽光/見到泥土仲濕潤就未必會淋，如果陽光充足就會係中午加一次水，所以泥土長期都保持濕度
陽光方面，通常係早上先有陽光，每日基本2-4個鐘頭日照，間唔中可能有5個鐘，總之過左中午12點基本上都唔會話曬住

檢討過以上，我都未得出到問題所在
最後就係蟲害？？但我成日檢查佢，又唔太覺得有蟲，成個幾月只係試過有一兩日下午見過一兩隻飛蟲定蚊飛過俾我趕走左

同埋有啲少量葉片係向下卷，又係唔係蟲害？

其實咁細嘅苗（得兩，三，四塊葉，最近先開始出複式葉）如果用白醋，酒精之類嘅野防蟲得唔得？

同埋見到有人話可以炭碎防蟲，其實係點整？如果我用炭碎溝泥又做唔做到呢個效果？定要舖係泥面？
唔好意思咁多問題
一陣補返幼苗圖‍♀️

同埋相片中嘅苗一出現呢個情況，好快就會枯萎
就算我淋水，拎佢曬太陽，剪走有問題葉片，拎去用淺淺嘅水浸住根咁都冇得留低
好希望知道問題所在

呢個係葉片向下卷埋嘅圖

可能士多啤梨專用培養土太重肥, 小苗會肥死,
你或者試下買包沙溝淡,
防蟲D人教用苦楝油, 不過嫩葉幼苗, 可能頂唔順,
士多啤梨喜酸性土, 間中淋水可加DD白醋溝水, 1:250左右吧
我試過買士多啤梨苗種, 種過好多次,汙 都係種唔掂,
幾個月就死, 見其他人種得好好....
現在都有種, 由種子起, 種了一年多,
我記得本來有40多棵苗, 最後死剩一棵,
就是這最後一棵, 生得好好, 之前生走莖, 繁殖了十多盆出來,
就來天熱, 希望可以度夏, 士多啤梨怕熱

11223300 發表於 2021-2-26 23:02
可能士多啤梨專用培養土太重肥, 小苗會肥死,
你或者試下買包沙溝淡,
防蟲D人教用苦楝油, 不過嫩葉幼苗, 可 ...

真係好多謝你覆我‍♂️‍♂️
我仲剛剛用完個包泥最初因爲未有時間研究點溝泥，諗住簡單啲直接用培養土
我見發芽發得最成功係用個包泥土直接種子連皮咁種，差不多有8-9成成功發芽而且都幾壯，暫時幾乎所有枯萎左嘅都唔係黎自呢個組別嘅苗仔，所以我以為冇問題題就將用其他方法發芽嘅苗都直接落土希望堆苗仔會冇事啦
我爬文都見到有花友講過苦楝油，就係怕苗太幼嫩所以未買
係咪幼苗都可以用稀釋白醋淋？如果可以我都想試試
種左一年，好利害，想請教一下你點幫士多啤梨越夏架？？因為好快就夏天，希望可以了解多啲
另外仲想問下，你有冇做基肥？我爬極文都搞唔清因爲苗又唔落得肥，但又話士多啤梨好需要基肥，基肥係定植時準備定？定還是可以好似夾三文治咁放，幾基肥用厚泥土隔住等佢慢慢吸收？
真係唔好意思，實在太多問題⋯⋯我好想種好啲士多啤梨不過真係好多謝你嘅回覆‍♂️‍♂️‍♂️‍♂️‍♂️
40棵死剩1棵好慘烈
我都聽到好多人話就算發芽都未必種多大，大左又有可能出唔到花，士多啤梨真係好需要照顧同打理，希望我都可以成功越夏啦

我見你咁有心機, 咁多字, 就分享一下, 因為我都種死過好多, 哈哈
有咁多棵, 可以先試幾棵用稀釋白醋淋下,
越夏, 都冇咩好搞, 放埋一邊, 通風陰涼, 唔好直曬太陽,
基肥我沒有, 但求種得生, 沒死才落肥, 薄肥多施,
所以我覺得你的苗, 都是等過了夏天後, 有強壯苗, 才施肥都未遲,
我一棵一盆的, 死剩的1棵, 都是放埋一邊, 唔好成日搞佢, 反而就生得好,
保住一棵先, 有走莖後, 再分盆繁殖會快很多, 走莖繁殖好快大的

11223300 發表於 2021-2-27 22:49
我見你咁有心機, 咁多字, 就分享一下, 因為我都種死過好多, 哈哈
有咁多棵, 可以先試幾棵用稀釋白醋淋下,
...

多謝你覆我
不知不覺打多左，太長氣
我其實知道就算我有心種都真係搞唔到咁多棵一開始太興奮，整左好多種子落黎，然後又想實驗一下網上講嘅方法
搞到而家勁多棵苗，唔知點收科，不過睇住佢地生長好開心好鍾意佢地，希望養大多少少搵有心人收養，自己就保留3-4棵咁，不過都真係好似你所講咁，要過到夏天先得

我都死左過百棵苗了，不過應該係先天不足，長唔大就枯萎左，然後而家好似有問題出現左，希望自己唔好咁易放棄佢地，學習點解決

一於用幾棵，試試用稀釋白醋

响youtube見過有人用
養緊熱帶魚嘅魚缸
加埋室內燈光
種士多啤梨 效果都唔錯

同埋如果有苗已經夠大棵, 可以先起出來分盆,
先用盆仔, 確定係強壯苗後, 再換大盆都未遲,
分批分盆, 冇咁辛苦

hohojohn 發表於 2021-2-28 22:56
响youtube見過有人用
養緊熱帶魚嘅魚缸
加埋室內燈光

我都覺得呢種種法好有趣
原來用黎種士多啤梨都得

11223300 發表於 2021-2-28 23:31
同埋如果有苗已經夠大棵, 可以先起出來分盆,
先用盆仔, 確定係強壯苗後, 再換大盆都未遲,
分批分盆, 冇咁辛 ...

我而家就差不多隔晚或隔幾日就分株
因為要好精細，小心啲根，晚晚都整到好夜
我都準備淘啲盆，比較大個啲自己一盆

chaubchau 發表於 2021-3-2 10:12
我而家就差不多隔晚或隔幾日就分株
因為要好精細，小心啲根， ...

其實我覺得在bunbun買花盆, 都算平,
網上買有折, 買夠錢可以送貨,
盆仔2吋闊, 一包廿隻30多蚊

11223300 發表於 2021-3-2 11:43
其實我覺得在bunbun買花盆, 都算平,
網上買有折, 買夠錢可以送貨,
盆仔2吋闊, 一包廿隻30多蚊 ...

哎，你講個款盆仔我都有見過面
上次都想買
最後買左個育苗盆就放棄左
去花墟買係方便好多
或者搵日再去買

請問各位師兄師姐 我剛剛上個月學種士多啤梨 由種子發牙到現在出了小苗 但不懂小苗長幾多先可以分盤?

眼都花 發表於 2021-3-3 00:31
請問各位師兄師姐 我剛剛上個月學種士多啤梨 由種子發牙到現在出了小苗 但不懂小苗長幾多先可以分盤? ...

我係見佢生到有點迫先轉
士多啤梨苗非常脆弱，最初嘅根係幼到好似髮絲咁，甚至更幼，然後苗葉又好細小，所以分盆都要好精細，可以都盡量唔想郁佢地，免得唔小心扯爛左佢地嘅根仔而c我分盆個時係用牙籤慢慢整，非常輕手

不過上網睇呢，冇記錯好似有3-4塊真葉就可以分盆，6塊真葉就可以施肥

同埋我睇過士多啤梨係需要空間生長嘅（係真架，個盆太細、太淺，泥太少或者苗太多迫埋左，我啲苗係唔識生長咁，分左一堆走，換個個兜種，原本細細棵個啲又開始繼續長，本身大棵嘅就個莖同根都越來越粗神奇），因此，雖然佢地脆弱，不過為左佢地生得好都係要適時分盆

我見你個盆都仲有好多位置啊～可以等佢地大一點，生得壯一點再搞搞佢，好可愛嘅小苗