莞茜 種植 (故事經已完結，所有主角黯然離世)

我買了莞茜種子，播種在 保鮮紙 筒育苗，播種10粒，已經有8~9粒出來了，請問我在什麼時候轉用盆種會好啲呢？

仲想請問我要用咩泥土，就咁培養土可以嗎？定係要加啲小沙石會好嘅？會唔會係有咁多太陽得咁多太陽？



多謝指教﹗

芫荽根弱...轉盆較易死...你轉盆小心D唔好傷到根....

另外..芫荽唔係秋天種咩....香港咁熱生唔生呀?

還是..你係外國?

依家應該都係太熱了~~

我6月種, 種到出了真葉就瓜晒喇.....
估計係太熱太焗......

我諗住9/10月先再黎~

同埋我唔諗住幫佢換盆架, 直種~
因為試過一換就枯左~~

重要佢喜陰，冬天種都要遮陰~

孖吉 發表於 2011-7-16 11:12
重要佢喜陰，冬天種都要遮陰~

原來莞茜咁唔粗生架.....估佢唔到

cklife 發表於 2011-7-16 08:37
芫荽根弱...轉盆較易死...你轉盆小心D唔好傷到根....

另外..芫荽唔係秋天種咩....香港咁熱生唔生呀?

哦.... 我換咗先見到依個 post..... 我都係想試試... 本來仲想比佢晒太陽添....依家我知要放佢係屋企邊度喇﹗我會比佢通風... 請問水份要唔要好多？如果最後真係唔成功，只好過兩個月再試過....

佢地好勁... 一日之間又 1cm 長到1寸多啲...

我係香港.... 哈哈... 我會想方法同佢降下溫... 睇吓佢做化喇﹗其實同之前百里香一樣，我都係試一試... 如果唔成功，我仲有種子秋天再種﹗

孖吉 發表於 2011-7-16 11:12
重要佢喜陰，冬天種都要遮陰~

知道喇﹗我會唔比佢直接見到太陽喇﹗

你就好啦，我都買左種子，佢發都唔發下

chinglam68 發表於 2011-7-18 10:07
你就好啦，我都買左種子，佢發都唔發下

我落種10 粒，有8粒成功...

我做法係...一粒核有兩粒種子，先除核殼把雨粒種子取出，用一點手指力壓一壓那個殼就可以了，之後泡水一個晚上才播種。大約兩三天就發芽成功﹗


我家試種的 迷迭香及牛至到現在都沒反應.. 我也知天氣不太對... 都是想試試看﹗

孖吉 發表於 2011-7-16 11:12
重要佢喜陰，冬天種都要遮陰~

依家啲芽已經長到兩寸半高﹗我發現佢地追光... 請問遮蔭是沒有直照陽光，或只給反光，還是盡量沒光？

KKKK 發表於 2011-7-18 10:31
我落種10 粒，有8粒成功...

我做法係...一粒核有兩粒種子，先除核殼把雨粒種子取出，用一點手指力壓一壓 ...

我都有分開2粒種子，再泡水，只係無將個殼除去，唔通就係呢個原因，泡水泡左成個星期都無返應

KKKK 發表於 2011-7-18 10:34
依家啲芽已經長到兩寸半高﹗我發現佢地追光... 請問遮蔭是沒有直照陽光，或只給反光，還是盡量沒光？ ...

芫茜怕熱，通常在秋天才播種。夏天種植應遮光避免陽光直照，可以種在樹蔭下的陰涼地方，但遮光太多亦可能會不夠光，但呢個係夏天種植要面對的問題。

chinglam68 發表於 2011-7-18 10:58
我都有分開2粒種子，再泡水，只係無將個殼除去，唔通就係呢個原因，泡水泡左成個星期都無返應 ...

我其實係新手... 只係睇人地點做就試試跟住做... 啲種子係係殼取出... 泡一水之後就落泥，之後仲要種子面壓上薄薄一層泥﹗之後每日灑水﹗但我又無灑到好濕...

第一次種... 見佢新出嚟真係幾開心嘅﹗

孖吉 發表於 2011-7-18 11:09
芫茜怕熱，通常在秋天才播種。夏天種植應遮光避免陽光直照，可以種在樹蔭下的陰涼地方，但遮光太多亦可能 ...

好呀﹗咁我放係無直接太陽光嘅地方就得... 我覺得無理由一點光都唔比佢﹗哈哈﹗

我依家每日都有一啲時間比佢吹風扇... 因為我唔一定會開冷氣﹗

原來芫茜係怕熱架? 好意外。頭先我先至羅左D芫茜頭來試下種, 唔知得唔得。

係兩小盆種，其中一盆細啲嘅... 4棵好似只得 1~2棵仲成長... 其他嘅...好似謝咗...
另外一盆大盆啲嘅4棵都好似唔錯﹗

可能太熱... 又謝咗幾株.. 要換個地方嚟種先得﹗

今日大暑啊!

KKKK 發表於 2011-7-23 00:19
可能太熱... 又謝咗幾株.. 要換個地方嚟種先得﹗

點評
purplelove  加油呀!! 我死淨1 paul咋 (其實係因為唔小心跌左去莧菜個盆度)  發表於 20 小時前


我播咗10粒種子﹗8粒發芽... 依家有4株乾咗，但可以話死剩3.5株...

jessicayip31 發表於 2011-7-23 01:27
今日大暑啊!

係咩？我都唔知添... 不過我今日下午放左一個冷凍塊係兩盆莞茜嘅後邊降溫﹗