新人求教（我嘅金琥好似禿咗少少）

  大家好，小弟近排先聽人介紹呢個論壇，睇咗好多前輩分享，覺得好佩服，今日算係正式加入，請多多指教。
  上年六月底行街嗰陣見到有賣盆栽，朋友話啲仙人掌脹卜卜、肥嘟嘟好得意，我又覺得幾有趣，但係唔知買邊個品種比較好；店長話佢哋啲金琥唔錯，好堅強，可以粗生粗養。我驚如果買咗比較脆弱嘅植物，一個唔覺意養死咗，佢悲慘、我傷心，咁就唔好了，於是買咗呢盆堅強嘅金琥。原本個兜太細，佢啲根莖從個底鑽咗出來，然後我就搵咗啲資料睇下，照住指示換咗一個大啲嘅盆，用咗商場有得買嘅普通仙人掌土、陶粒、粗砂同少少緩釋肥，成團塞返落去（唔夠膽修剪根部），大概兩個星期淋一次水，出太陽嘅日子就擺喺窗邊，除此之外冇咩理佢。
  今日突然間發現佢貼近土壤嘅部分好似禿咗，成個刺座甩咗落來，好似唔打算再生返啲刺咁，唔知咩原因，特此開post，請各位前輩不吝賜教！

結左巴了, 似係舊傷口??睇落去好健康. 記得有幾多太陽就見幾多, 唔係好難圓碌碌的.

啱啱搵返張上年九月初嘅相，原來嗰時已經甩咗一個刺座

jun9999 發表於 2021-1-29 18:55
結左巴了, 似係舊傷口??睇落去好健康. 記得有幾多太陽就見幾多, 唔係好難圓碌碌的.

...

OK!!!感謝你