新手有問題：車厘茄斷枝 12月13更生- 可能俾土狗咬

經已係第三棵斷主幹。情形都係差不多一樣；我係留主幹加一枝側芽，多數係留近泥面果支，同主幹差不多粗。

四五日前發現一棵側芽斷咗八九成，果斷口好似撕開咁，以為係自己唔小心或者側芽太重壓斷，齊口剪咗就算。早兩日發現斷咗側芽嘅主幹又係咁樣斷，因為經已掛果，剪咗斷口插返落泥，諗住救到就救，救唔到都冇計。今晚睇吓就見到張相咁樣，泥面仲有啲一塊塊緑色嘅碎片。

發現第一枝斷支果晚有另一棵嘅側芽都係咁，但冇咁嚴重，啲葉都冇宿埋一著，攞咗啲膠紙包一包，到今日都未有乜唔妥。

今晚同盆另一棵又係咁，呢次係側芽同主幹一都係咁。

究竟係病定係俾蟲咬定乜原因呢？

兩個兩呎半長盆每盆有七八棵，有事嘅都係同一盆。疏果用靚土，基肥用雞屎肥，追肥用雞屎+骨粉+紅牛甲；星期二第一次噴1：200 海藻肥。天台全日照。

今日見到，更加慘不忍睹。近半爛腳！！入黑後見到有隻土狗（螻蛄）係天台地下散步，凶手會唔會係佢哋呢？有冇好方法建議？？

點算好？

用茶芓粉得唔得？

試下45度角剪一刀再插入泥。番茄生命力好強，但D果就未必救到。要勤d淋水。

同埋你要剪走D葉，減輕佢的負擔，但又唔可以剪曬，要留返D葉做光合作用。如果唔知剪幾多，可以剪少D，然後密切留意，如果D葉開始縮即係剪得唔夠多。

orangepear 發表於 2020-12-13 21:06
試下45度角剪一刀再插入泥。番茄生命力好強，但D果就未必救到。要勤d淋水。

同埋你要剪走D葉，減輕佢的負 ...

日日係咁剪，佢哋日日係咁道咬；其中一棵經已由3呎高剪到剩返冇一呎。未咬過嘅同算做救得到嘅小過一半……