本帖最後由 freddywongdy 於 2020-11-18 11:06 編輯
當年做緊和記傳呼台時, 識左一班感情好好o既朋友,
雖然我地分開做唔同 queue!
不過我地都會專登盡量安排埋一齊食飯,
一齊收工, 一齊OT, 甚至返 overnight 都約埋.
果排返 overnight o既時候.......
突然見到好多返 pm 加 overnight 連踩兩更o既同事,
都响果個細到死o既 pantry 瞓櫈或者舖地瞓...
T~有無搞X錯呀~!
食堂咁大咁多櫈都唔去果處瞓!? 阻X住晒!
...有日食完晏, 去厠所o既時候...
清潔呀姐大無私樣咁走入黎拖地!
嚇到我地幾個企晒响尿兜痾尿o既走都走唔切...
見食飽仲有時間, 走去 pantry 開檸茶飲,
見到 K 同一個返完 overnight o既同事 C 打牙較...
T~ 離X晒譜嫁! 呀姐門都唔X拷門就中入黎拖地!
F~ 係囉! 收都收唔切! 差D比拉鍊夾X親呀!
K~ 唉~! 你估呀姐好X恨睇你地咩! 呀姐見識豐富啦!
你地!? 超!!
哈...
C~ 我收工啦! 唔X同你地講啦! bye!
F~ o黎個哥仔成日响o黎處瞓嫁!? 又唔去飯堂喎!?
K~ 你估佢地想嫁咩! 唔通貪o黎道D櫈窄呀!?
以前個個都去飯堂瞓長枱嫁啦! 都唔知幾正~!
不過果單野之後就無人再入去瞓啦!
而家成個 night shift 都知啦...
T~ 吓!? 乜X野事呀?
K~ 嘩~~! 我唔想講呀! 諗起都毛管棟呀! X!
T~ 乜X野事姐~? 快D講啦! 我地唔知喎!? 講啦死婆!
K~ 唉... 咁...
有兩個人, 呀不過你地唔識嫁! 叫呀珊同另一個女仔.
果頭 03Q 返 overnight 嫁, 咁果晚佢地 3點 幾有 break!
一齊去飯堂丁野食喎, 不過飯堂剩係開左前面幾支光管!
後面D位比D同事瞓覺, 因為果道都幾靜下...
F~ 係呀! 有一次我返 overnight, 八掛入去行左轉,
果時都幾暗!
有條友响枱後面排櫈瞓醒突然坐起身, 嚇X死我呀!
K~ 哈......
...咁佢地坐埋一齊, 諗住靜靜地食左野之後瞓一陣!
點知...
突然响佢地位同位中間!
姐係佢地耳仔同耳仔之間o既空位!
有野~ "華~" 左一聲...
跟住佢地一齊都大聲"嘩"左一聲! 就即刻走左出去啦!
後面有幾個o岩o岩瞓緊都即刻彈左起身,
急急腳咁走出去, 之後仲話聽到果聲叫得幾恐怖下!
C 話見到佢地兩個喊到面都青X埋呀!
後尾喊完, 定反神先講到野炸!
另外果個女仔仲病左兩日先返工呀!
T~ 唔X係呀!? 突然整單咁o既野!
K~ 係呀! 所以而家個個都去果面大 pantry 同o黎面 pantry 瞓囉!
F~ 哦...
不如我地搵晚返 overnight 約埋一齊入飯堂食野囉!
K&T~死嫁你!! 黐X線!! 你自己去飽佢啦...
後記
後尾飯堂D燈變左全部長開,
不過就再無人响果處瞓. |