本帖最後由 小雷子 於 2020-10-21 22:04 編輯
Ming36 發表於 2020-10-20 22:14
係咪入咗結界？點樣出得返嚟？
好想聽吓你嘅故事
話說有一次，朋友撩我去行山，佢自己同啲朋友成日去，行埋啲古靈精怪地方，好似Freddy 大經常去果啲咁樣，由於好多地方我都未聽過，見佢咁雀躍，一於跟埋去見識一下！
我地一行十幾人，基本上全部人我都唔識架，不過行完山後，相信冇人會……唔記得我！
我記得下午出發，目的地已經忘記了，因為唔係一般常見聽嘅地方名子，只記得係西貢好偏遠嘅地方！
成班人中，有幾個人係之前行過呢個地方，係有經驗的，所以佢地帶頭做領隊！我未行過，所以好安心跟住大家一路行，一路上風景都好迷人，非常亨受一大班人行山嘅樂趣！
行到中段，大家都休息飲下水嘅時候，領隊睇住地圖，話見到有條捷徑，可以快啲落返山， 建議試下行果條路，在大家都無反對下，就選擇試行小路！
沿途樹木非常茂密 ，周圍有好多長草，枯枝嘅植物，越行越入，連路都無埋，相信呢條小路係無人行好耐！
我地繼續向前行， 已經係叢林密佈，一路行，一路發現樹上有好多蜘蛛網，有大有細，而且樹上吊住好多蟲……蟲……非常恐怖，再加上昏暗，基本上連天空都望唔到……見到咁嘅環境……開始有人問，我地有冇行錯路？？
如果你地遇到咁嘅環境，你地驚唔驚？你會決定點樣做？
< 待續 >
今朝太忙，要大家久等！趁住依加天黑黑，講埋下半塲行山經歷先！
其實係小路行左好耐，如果行返轉頭都未必揾得返條原路，而且天色都開始暗，唯一的選擇係繼續向前行！
我跟住大隊向前行，不知不覺地已經進入黃昏時分，天色開始漸趨灰沉，為左要趕及在太陽下山，入黑前返到去大街，大家都意識到不能再延誤行程，便加快腳步，再沒有像之前那樣，一邊行一邊傾計那麼悠閒寫意。大家的沉默反而令到路途變得幽靜可怕，只聽到風吹樹葉沙沙聲及急促的腳步聲 ！
忽然間有人叫住:「停呀！」
那句警告的話…………終於…………打破沉寂嘅氣氛 ，跟住又有人講「呢度好似我地頭先行過嘅地方，你地睇下係咪，呢度啲泥洞……好似……係之前經過的？？」
這段話一出，大家都停止了腳步四圍張望，氣氛變得緊張起來，又有人回應話:「真係好似頭先經過的位置……呢！」
大家開始懷疑及討論，係咪頭先行過………的路段？？………莫非真的行錯路…………？？
另有行山經驗豐富的人建議，不如係樹上綁一條繩做個記號吧，睇下再向前行係咪會行返同一地方！
之後又再繼續起程向前行…………行左無耐…………我地又行回那條繩掛的樹下，果一刻，真係驚到無朋友，我全身啲雞皮都豎起晒，好寒呀！
今次唔叫救命都唔得呀，我地真係在同一地點，不斷地兜圈，原地踏步，沒法前進！我地一行十幾人，就係咁一齊迷路了！
當時叢林裏面已經開始黑，到處都係大大小小的泥洞，有啲泥洞都好大下，人都可以入到去！
又有人話…………呢啲唔似係普通的泥洞………………似係蛇洞呀！大家聽到後，都好驚，全身都震晒…………有如一陣冷風吹過， 不寒而慄的感覺！
那一刻，我已經好驚，個心都離埋，唔知點算好，今次真大鑊啦，我地竟然無意之中已闖入迷失樂園！
天都將近黑了，又揾唔到出路，而我帶嘅水只飲剩少少，又冇帶定後備乾量！點算好？
真係非常擔心！
係呢個時候，大家停下來，商議點樣先可以走出迷暈陣。有人提議打電話報警，有人繼續努力研究地圖，確定我地嘅位置，又有人建議再試揾下有冇其他出口，而我真係驚到呆左，個腦一片空白，只諗到唔想與蛇蛇共進晚餐，正確嚟講應該係……我唔想做佢地嘅<豐富晚餐>，大家七嘴八舌地商議中，非常混亂！
最後有人出聲講:
「依加我地真係迷路，暫時都諗唔到方法，不如我地一齊同心祈禱，求神幫助我地揾到出口！」
大家聽後，非常同意，就一齊同心祈禱…………交托！
祈禱後……… 混亂的情緒都安靜下來，奇怪嘅事情就發生……了…………！我地當中有一個人就講，我地應該向有太陽嘅方向行才有機會揾到出路！唔知點解，大家都有同一的感覺，向着太陽嘅方向前進！幸好那時太陽還未完全消失，我跟着大隊一直向前行，行左好短嘅路，我印象中好似行左大約5-10分鐘嘅路程，就行返出有光嘅大路！果一刻，我開心到差啲喊出嚟，非常……非常之感恩…………
我唔洗同蛇蛇在漆黑的森林中共舞……如果我地真係出唔到迷宮，後果真不敢想像……
落左山之後，天已經黑齊，我地一行十幾人去左一間洒家食晚飯………………唔知咩原因…………一坐低，就覺得唔太舒服………………坐係張櫈上，我覺自己好似搖來搖去，好似坐係船上，被海浪被拋上拋落，當時越來越辛苦，事後有人話知，我當時成塊面又灰又白，而我只知自己全身不斷出冷汗， 暈到我頂唔住，就我趴在係枱上…………跟着就…………嘔到七彩！我突然的唔舒服，真係嚇壞所有人，嘔完之後，成個人舒服晒！
果次嘅行山經歷，令我非常難忘…………！
|
顯身卡
其實最驚嗰啲紙扎，真係十級驚嚇
