本帖最後由 freddywongdy 於 2020-11-28 20:16 編輯
星期日响元朗食完晏見天氣好!
向友人提議行個快山,
之前見朋友ig介紹 丫髻山 景色都唔錯,
就去一探究竟!
响天水圍圖書館後面一路行到去 蝦尾新村,
見指示經過一個露天停車場,
起點就係果度!
開頭都以為行錯左,因為真係唔似係行山徑咁!
仲要一路上山周圍都係一個個祖墳!
好似去左掃墓咁!
開 google map 睇過又真係身處目的地附近喎!
硬住頭皮繼續上啦!
一路行一路睇下地質形態,
同埋建築超豪華劃時代嘅袓墳,大開眼界!
沿路山石路有d光頭,有d地方比較斜,
要小心跣腳!
仲以為唔適合老人家行啦...
... 點知上到山頂,見公公婆婆揸住行山杖周圍行!哈!
上面仲有人種左一片絡神花田响度!開晒花好靚!
不過成日要上黎打理都幾係野!
居高臨下,欣賞完元朗、天水圍、南生圍景觀,
又係打道回程嘅時候!
回程响南生圍方向落行返出去 橫洲 出朗屏,
有一段要手腳並用咁跣落山,
所以最好著對爪地好嘅鞋去,
同埋由天水圍上會比較易,
如果調返轉頭行,姐係由 橫洲 方向入 天水圍走,
落山會好吃力!
1:30 由天水圍出發 3:30 落到去山腳小村 ,
4:30 行到出朗屏。
如果唔係行左入魚塘好似盪失路又有d路比鐵閘封左行唔過,
其實可以更早出到返朗屏!
|